بالنسبة لردك كان جدا مفيد بصراحة وجعلني أفكر اكثر من مرة .. لكن انا بصراحة هدفي من هالرحلة الاستجمام والراحة فقط اريد اني ارتاح بمكان جميل فيه طبيعة علما اني انام بدري وأصحى بدري ولكن لايمنع اني راح اتمشى.
ياهلا اخوي
طبعا اقرب منطقة فيها طلبك للراحة والاستجمام من جاكرتا هي بونشاك " مع المعرفه بان اجوائها بارده شوي يعني بين26 الي 22 درجه" لانها مرتفعه وجبليه وانت رايح حسب سوالك لنيوزلندا للدراسة فالله يعينك علي البرد
سوال رحلتك علي اي خطوط وهل تم قص التذاكر ومنتهي امرها ؟؟
ان كانت مثلا علي النيوزلنديه وممكن تنزل محطة توقف اربعة ايام ببالي راح يكون انسب لك للراحة والاستجمام بجو معتدل ويميل للدافيء في الشواطيء ومافيه مسافات واجد بالسياره بعيد عن المطار لرحلة الربط الي نيوزلندا
--- مجرد اقتراح ان كانت التذاكر مو منتهي امرها عشان ما تذهب لمنطقه جبليه بارده شوي قريبه من مقصدك الاساسي كاجواء بارده في نيوزلندا -----
اما ان كانت التذاكر والحجز منتهي فما فيه وقت للتنقل سفرا طيران بداخل اندونيسيا لقصر المده اللي بتقعد فيها في اندونيسيا فانسب مكان كما تفضلت انت واخترت هو الجبل
وعموما الجبل يحتاج تصحي بدري تتمشي وترجع بليل تنام بدري ايضا لان الفعاليات مساء قليله جدا وهي منطقة ريفيه يعني مناسب جدا لطلبك
بالنسبة للفندق حاولت القاه في بوكينق مالقيته .. مدري وين أقدر احجز فيه واعرف اسعار الغرف ..
الفندق زي ماجاوبك اخونا ومشرفنا العزيز طارق مو موجود بمواقع الحجز المعروفه ووضع لك رابط ممكن تشوفه لحجزه ان سمح وقتك
يوجد فندق افضل منه كاطلاله وهو سيروني 3 او سيروني 2 لكنه كموقع داخل شوي مو علي الطريق العام يعني تحتاج سيارة خاصه لاي مشوار بتروحه مو زي قراند هيل اللي ممكن برجليك او بدباب تقمز لموقع قريب لو حاب
عموما كل من الفندقين له سلبيات وايجابيات ممكن تشوف مقارنه بينهم من خلال الرابط اللي وضعها استاذنا طارق
اسعارهم ياغالي مناسبه بين 600 الي 800 الف تقريبا بحسب حجزهم من الفندق او عبر وسيط وبحسب الموسم ويوم السكن وسط الاسبوع
الشيء الآخر انا راح اوصل يوم الاربعاء .. ورحلتي يوم الاحد مغادرة اندونيسيا العصر .. هل الافضل اني اسكن 3 ايام واخر يوم بجاكارتا عشان اطلع للمطار ومايكون زحمة الاحد مع العلم انه سبت زحمة .. ولا عادي لو اطلع الصباح بدري يوم الاحد ع المطار علطول واوصل بحدود الساعة 12 .. يعني كم المدة للمطار
والشي الاخر هل إذا كان عادي اجلس 4 ايام ببونشاك مافيه اشكالية اني اطلع الاحد ع المطار علطول .. هل تشور علي اني اجلس بجاكرتا يوم الاربعاء والخميس اطلع الجبل ؟ إذا ايه وش افضل الاماكن للسكن قريبة من المناطق الحيوية
اوكي لازم تنتبه هنا لكلامي زين ان تكرمت علي
السبت والاحد لا تطلع باتجاه الجبل من جاكرتا او لجاكرتا من الجبل
الطريق بينهم كمسافه 85 كيلو نصه طريق سريع ونصفه طريق جبلي ريفي يمر بقري يعني كمسافه مو طويل لكن كمدة يحتاج من ساعتين ونصف الي 3 ساعات عادة بدون زحام - اما لو كان سبت او احد فلا تعرف كم بيستغرق وقت لانه ممكن يكون خمس ساعات او عشر ساعات او اكثر لان الطريق يغلق من اتجاه واحد والزحمة تكون في اشدها
لتحاشي هذا الامر بمغامرة ان لزم الامر انك ترجع لجاكرتا يوم سبت او احد الافضل تنزل جاكرتا بدري جدا مثلا الساعه 7 صباحا او 8 علي اكثر تقدير وان وجدت سواق جيد يعرف للطرق الخلفيه هناك طرق خلفيه توصل للطريق السريع لكنها متعبه وتمر بين القري والبيوت
* المهم الا تطلع بهل يومين باتجاه المطار من بونشاك وخاصه لو كانت الرحله لنيوزلندا بوقت الظهر او مبكرا لانك ببساطه ماتملك امرك بيدك وومكن تضيع عليك الرحلة بسبب الزحام
*كاقتراح تلبيه لطلبك وحل لمشكله ايامك كبرنامج توصل الاربعاء هناك ترتاح ليله بجاكرتا والخميس تطلع للجبل - وان شفت فيك شده وبتطلع للجبل طوالي رغم اننا ما ننصح بهل شي لطول مده السفر الدولي وحاجتك للبحث عن سكن ان لم تحجزه مسبقا - وتبقي في الجبل خميس وجمعه وسبت ويوم السبت بليل تطلع لجاكرتا
يعني تحجز اخر ليله يوم السبت ليله الاحد بجاكرتا ولا تطلع لجاكرتا الا بليل بعد ان يخف الزحام قليلا
ممكن تعمل حجز لسكن جاكرتا من مكتب بافقيه وكيل كاها بلجبل
* ان قررت تبقي ليله بجاكرتا عند الوصول لراحه وهو الافضل فمافيه اماكن ترفيه قريبه من سكنك ممكن تروح لها بجاكرتا بيوم وصولك كثير الا مولات مثلا لانك ممكن توصل للفندق بحدود الظهر للعصر حسب رحلتك واجراءات المطار والمنطقتين الترفيهيتين الاهم بجاكرتا هما انشول وتمان ميني وكلاهما يغلق عصرا كمنطقه ترفيه والعاب وايضا المتاحف مثلا كموناس وسط العاصمه يغلق عصرا
فلن تجد وقت اصلا مع تعب السفر الا لمنطقه قريبه منك مثلا مول تتمشي وتتعشي فيه او تشوف سينما لو حبيت فيه
كاقتراح للسكن بهذي الليله بفنادق مقبوله سعرا وجيده
فندق ميركوري انشول هذا فندق مو جديد ومدعوك شوي بسبب انه الوحيد علي شاطيء انشول وميزته انه قريب من الشاطيء يعني ترمي عفشك تطلع تتمشي علبحر والاكشاش اللي فيه مثلا او تاخذ قارب لو حبيت تمشيه بسيطه او تلفريك انشول او لمطعم بحري قريب كبندر جاكرتا مو اكثر لان الخيارات هنا قليله وما فيه اسواق الا سوق شعبي بسيط بوسط انشول ايضا التنقل بيكون بتكسي وتحتاج صبر شوي لايجاد تكسي بالمنطقه لان مواقفهم محدده بمناطق معروفه داخل المنطقه
الفندق الثاني فندق اكماني هذا بوسط العاصمه سعره مناسب فندق بسيط وقريب منه سوق سارينا امامه بيتزا هوت ودور سينما ومو بعيد عنه عالاقدام ايضا مطعم ديكونسليت لو حبيت تتعشي فيه او ايضا مو بعيد عنه مول قراند اندونيسيا بس يحتاج تكسي عشان تروح له رغم انه قريب بس يحتاج التفاف لطرق باتجاه واحد
الفندق الثالث اغلا منهم شوي وهو بولمان سنترال بارك هذا سعره بين 95 و120دولار ملاصق لمول سنترال بارك وملاصق لمول تمان انقريك الافضل والاكبر مول تمان انقريك تطمر له تتمشي فيه ووتعشي وترجع للنوم لو حبيت وثاني يوم تكون مرتب مع سائق يجيك بدري الصبح وتطلع معه للجبل
وشاكر لك اخوي ع تجاوبك واسف ع كثرة اسألتي 
حياك ومافي اي مشكله اخوي بالاسئلة اتمني بس تكون الاجابات واضحة لان كلامي كثير واحيانا اشطح شوي بالتفصيل اللي ماله داعي
واي سوال انا والاخوان حاضرين ياخلفهم
رد مع اقتباس
المشاركة الأصلية كتبت بواسطة المغترررب
المفضلات