الموضوع: حالياً في النمسا كابرون الفزعه

شباب صباح الخير
بغيت اجرب اجواء الثلج بقمه النمسا
ومادري وين مكانها ولغتي ضعيفه جداً عشان اسأل بغيت الإحداثيه تبعها والساعه كم اروح لها وكيف الطريقه اجيب معي لبس خاص وثقيل ولا من فوق استاجر وكم الرسوم ( زوجتي متحجبه ينفع نروح لهناك ولا ما ينفع ). نوروني نور الله قلوبكم ؟؟؟.

في مره تمشيت انا وزوجتي حصلنا بوت او سفينه كبيره فيها ناس واجد ويتمشون بالبحيره كبيره وين مكانهم وكيف اروح لهم ومن وين ادخل لها بغيت تفصيل لها لا هنتو وكم الرسوم ؟


الله يوفقكم نوروني من الموبايل

مواضيع عشوائيه ممكن تكون تعجبك اخترناها لك:

• مين يساعدني الله يجزاه خير
• استفسار عن حجز في بوكينق
• منَ التُراثالملبسرمز الزواج السعيد فيسوريا
• منتجع روتانا بالصور
• رحلتي الخنــفــشـاريــة إلى بلاد الرومانسيه شعارهامع نفسك
• ناوي اسافر
• تحويل الريال الى يورو ام فرنك ؟
• استفسار يبدا من فيينا
• جامع التونبوغا جامع الساحة في حلب إحدى إبداعات العمارة الإسلاميةبعدسة عسل
• اتمنى مساعدتي ببرنامج سياحي للنمسا والمانيا وفرنسا
• عاجل اتمنى مساعدتكم
• برنامج سفر النمسا فرنسا
• ابوقبيس طبيعة لاتفاوم
• لأهل الخبرة و الرايقين مشورتكم وآراءكم
• مساعدة في جدول رحلتي
• وبعد طوووووووووووول إنتظار
• الربيع في سوريا اشتقناله
• انسبروك
• سكن في النمسا
• ارجو منكم المساعده لاعداد برنامج ناجح

n47° 12.023 e12° 42.996

واسمها Kitzsteinhorn وممكن تبحث في الجي بي اس بالاسم

إن شاء الله تكون صحيحة والرسوم في حدود 20 يورو وكثير محجبات يروحون لها

بوخالد لاهنت
وش وضع اللبس يبيلها لبس جامد ؟
بالنسبه للبحيره في سفينه او بوت كبير كيف اوصله نبي ناخذ جوله انا والمدام ؟

هلا عزيزي
بالنسبه للقمة انت ومدى تحملك للبرد اقصد من ناحية الثلج اكيد الجو بارد يمكن درجة الحرارة -3 او صفر المهم احتاط جيداً
والجزمه لا تنساها ي تكون بلاستيكيه او تستأجر واحده من المرحله الاولى اتوقع اذا ماغيروا مكانها

بالنسبه للبوت في البحيرة
هذي تحصلها في بحيرة زيلامسي باخرة شميتن هويه


BOAT TRIPS ON LAKE ZELL
احداثيات: N47.32238
E12.799835

وهذا الرابط يفيدك اكثر
http://www.arabtravelersforum.com/travel881878/

بالنسبة للحجاب لا يوجد مشكلة بتاتاً في جميع أنحاء ومناطق النمسا وسويسرا وألمانيا .. وراح تحصل في القمة وفي كل مكان ناس كثيربشكل ما تتخيله لابسين العبايات العادية السوداء وغطاء كامل .. ويتزجلقون بعد فوق ههههههه ولافيه اية إحراجات ولا مشاكل ..


قمة كابرون الثلجية تحتاج جاكيت وجزمة رياضية أو جزمة تتحمل .. وممكن قفازات خفيفة وقبعة إذا أنت حساس للبرد .. وإذا مامعك ممكن تستأجر من المرحلة الأولى بس لا تتحمس بلحيل وتتأثر باللي يشترون كل حاجة ويستأجرون جاكيتات ثقيلة وجزم لأنه مافيه داعي ولا تحتاجها ..
ممكن تلبس جاكيت وفوق تحس إنه دفى وتفصخه أحياناً ..


إذا معاك بطاقة زيلامسي وكابرون الدخول للقمة مجاناً .. ويوجد كوفي فوق ومطعم ذو إطلالة جميلة في أحد مراحل الصعود ..

ولاتنس تروح لها بدري عشان تستمتع يعني قبل 12 الظهر ..


ضعف اللغة لا تعتبر عائق وراح تلاحظ الأمور سهالات إن شاء الله وكل شيء واضح ..


وأي إستفسار أنا حاضر .. والله يوفقكم ويسعدكم ويرجعكم سالمين .

فديتكم جميع ورحم الله والديكم
بالنسبه للقمه الجليديه بس احط اسم القمه بالقارمن واروح له ولا لازم اوقف موتري بموقف مخصص ثم اطلع للباص والباص يوصلني للقمه ؟؟
اسف ع كثره الأسئله لكن المدام بخاطرها تعيش جو الثلج ولا بخاطري اخليها بخاطرها

لاهنتو جميع من الموبايل

تروح بسيارتك فيه مواقف سيارات عند التلفريك الموصل للقمة

وبعدها تأخذ تذكرة وتطلع التلفريك ( طبعا القمة تحتاج ركوب التلفريك 4 مرات كل ما وصلت محطة تركب تلفريك حتى توصلها )

افضل وقت تروح للقمه قبل الساعه 12 بعدها تبدى الزحمه وما تستمتع
الحجاب والنقاب عادي جداً جداً
بعد ما تصعد المرحلة الاولى بتلقى محل يبيع وياجر لبس ممكن تاخذون منه

البوت في بحيرة زلامسي ركوبه بالمجان اذا عندك بطاقة زلامسي وفي يمهم لاصق فندق قراند تأجير قوارب أنصحك بتجربتهم جداً ممتع