الموضوع: مين يساعدني الله يجزاه خير

السلام عليكم ورحمة الله وبركاته جالسه أحاول أقنع زوجي ومو راضي بس بغريه بالمخطط

مواضيع عشوائيه ممكن تكون تعجبك اخترناها لك:

• بيرتساو أو إنترلاكن
• يوميات رحلتي الى النمسا مغامرات وذكريات بالصور
• استفسار عن خط سير رحلة
• ܔْށ النمسا العشق الذي لن ينتهي ܔْށ
• رحلتي الي النمسا
• الاجواء
• ترتيب رحله ( النمسا ، سويسرا ، المانيا )
• بخصوص حجز القطارات استفسار سريع
• اســتفســار النمســــا أرجوا الرد
• أرجو المساعدة
• االلحم الحلال
• حلب تقرير خفيف وسريع
• وولف قانق وسانت جيلجن وهالشتات
• بخصوص فيزا الشنغن
• خريطه اندرقراوند فينا للاماكن السياحيه
• استفسار ولكم دعوه
• هل لكم في الرياضة؟إذن شجعوا نسور منتخب سوريا وادعوا لهم
• متى ابدأ بالترتيب للرحلة ؟؟
• ارجوكم اعضاء المنتدى ساعدوني
• تهنئة

وعليكم السلام ورحمة الله وبركاته

إن شاءالله يقتنع زوجج وتستانسون
وأختي تبين 4 دول المانيا و النمسا و سويسرا وفرنسا

بهذا الموضوع جدول للدول المذكورة جدول 21 ليلة شامل كل شئ حتى الجدول اليومي
الله يجزاه خير مشرفنا شخص ما
http://www.arabtravelersforum.com/travel881878/

وإن كان طويل
تحذفون فيينا وتخلون الوصول ميونيخ بدال فيينا

نعم ننصح تكون الوصول دولة والمغادرة دولة أحر الجدول

وطريقة التنقل
كلها بالسيارة ماعدا من جنيف إلى باريس بالقطار
وإن كانت فرنسا من أجل ديزني بصراحة ما تستااهل وأحلى وأكبر يوربا بارك في ألمانيا منطقة روست

عطينا عدد الليالي ونحدد

ورحلة موفقة بإذن الله

السلام عليكم ورحمة الله وبركاته
ان شاء الله الجدول اللي موضوع لك يفيدك
وعلى العموم انا كانت رحلتي مثل اللي انتي ناويه تروحين لهم
النمسا - المانيا مرور سريع بدون سكن- سويسرا - باريس
في النمسا عندك فيينا يبغى لها يومين او ثلاث
زيلامسي يبغى لها 4 ايام
ميونخ للتسوق ممكن يوم يكفيها تطلعين لها من الصبح وتتسوقين وتنامين هناك وثاني يوم تمشون الى انترلاكن في سويسرا
انترلاكن يبغى لها 5 ايام
باريس انا جلست فيها 3 ايام بس اتوقع انها تحتاج اكثر بس انا اكتفيت بهذه الايام الثلاثه
ورحت ديزني لاند
وبصراحه مازرت اليورب بارك
بس ماادري ليه اختنا هدوء العالم تقول انها احلى من ديزني لاند
اكيد هي زارت المكانين وقدرت تقارن
اما انا مازرت الا ديزني لاند ولا اقدر اقارن بين المكانين
بس اختلف معها في الرأي
ان ديزني لاند ماتستاهل .. قويه
تكفي الزعطه اذا رجعت تقولين انا رحت ديزني لاند
اما اذا قلت رحت اليورب بارك مااحد معبرك بيقولون ملاهي عايديه مثل الحكير هههه
رأيي الشخصي

بالنسبة للسيارة
انا اخذتها من اخر يوم لي في فيينا لانهم قالوا لي ماتحتاج سيارة في فيينا وسلمتها في باريس او يوم لي هناك لانهم قالوا لي ماتحتاج سيارة في باريس

وبالنسبة لتوزيع الايام بغض النظر عن باريس اللي ماوفيتها حقها من الايام
باقي المدن لو جلست فيها اكثر من كذا راح تحس بالملل

بالتوفيق ان شاء الله

شكرا هدوء العالم ورائد بو مريم
هل النتقل بالسيارة متعب وكم أقصى مدة من مدينة لمدينه؟؟؟؟
ومدري أيش أرخص طيران من جدة لفيينا مثلا؟؟؟

بالنسبة للطيران
شوفي الطيران التركي ممتاز ورخيص

او اختصار للموضوع
دخلي على موقع كياك وهو يبحث لك عن ارخص طيران
http://www.kayak.com

وبالنسبة للسيارة
اذا ما اخذتوا سيارة بتفقدين الكثير من المتعه
ف انا انصح بالسيارة وبقوة
والطرق ممتازه جدا
والسواقة امنه جدا
الناس هناك ملتزمين بقواعد المرور بقوة
نادر جدا تشوفين احد يخالف قواعد المرور
مثل السرعه او قطع اشاره او الوقوف الخاطى
ملتزمين في كل قواعد المرور
ف لاتخافين من هذي الناحيه

بس فيه شغله لازم تعرفين
فيه بعض المدن ماتحتاجين سياره فيها
مثل باريس ماتحتاجين سياره underground يغنيك عن السيارة وارخص
ثانيا زحمه جدا
وفيينا ماتحتاجين سيارة عندهم المترو يغنيك عن السيارة

انا في رحلتي اخذت السيارة من اخر يوم لي في فيينا
وسلمتها في باريس في اول يوم لي في باريس
والفضل لله ثم لهذا المنتدى اللي نصحوني بهذه النصيحه

وبالتوفيق ان شاء الله

الله يجزاكم خير يارب طيب يعني مثلا يكون الوصول لميونخ والرجوع من باريس مثلا؟ وايش هي الدول اللي تستحق الزيارة لأني ناوية ازور كذا بلد زي النمسا المانيا سويسرا فرنسا ايطاليا كيف يكون الترتيب وايش المدن اللي تنصحوني فيها علما بأني احب البرد والثلج؟؟؟

ممكن تخلينها مثل ماقلتي
كويسه الوصول ميونخ والمغادرة من باريس

بالنسبة للمدن
ميونخ التسوق فيها رائع يوم او يومين كفايه
زيلامسي في النمسا 4 ايام لاتفوتك
انترلاكن في سويسرا 4 او 5 ايام لاتفوتك
باريس طبعا للعطورات وديزني لاند هم لاتفوتك

هذا اللي عندي خبره عنهم
باقي الدول اذا فيه نصايح ممكن يفيدونك فيها باقي الاعضاء

وبالتوفيق ان شاء الله

أشكر كل من ساعدني والله يجزاكم خير بس كنسلنا عشان ضيق الوقت لإصدار الفيزا.

الشكر لله

ان شاء الله تعوضونها في مرة ثانيه

بس كان رحتوا الى المكاتب السياحيه ممكن يقدرون يشوفون لكم موعد
مع انهم ياخذون مبلغ
بس وش حدك يامسمار قال المطرقه

وكاني سمعت انه فيه موعد زي ماتقولين في اي بي
vip
تدفعين 150 ريال بس عشان الموعد
بس ماادري من يسويه

بالتوفيق
وان شاء الله خير