الموضوع: ماجستير هندسة في امريكا عندي سؤال بخصوص كورس اللغة

السؤال اللي محيرني هل في كورس لغه يعني اللي احنا نسميه تمهيدي يعطوني ياه في الجامعه بدل الايلز والتوفل (اتكلم بخصوص دراسه ماجستير هندسة) ولا لازم اييبلهم الايلز ؟

ولا هالطريقه بس حق اللي يبون يكملون بكالريوس وحقنا احنا الماستر مايصير ؟ فهمووني وشكرا

مواضيع عشوائيه ممكن تكون تعجبك اخترناها لك:

• استفسار هام بخصوص الدخول الى سوريا والخروج منها في الوقت الحالي
• دراسة البكالوريوس في كاليفورنيا
• مهزلة في الوزارة
• متحيرة
• أوقات العمل في الملحقية الثقافية
• ابتعاث طالب للدراسة في أمريكا ودول آسيوية
• استفسار بخصوص الدراسة في امريكا و الفيزا
• للخبراء أبحث عن تخصص ماجستير تقنية معلومات للمتخصصين ؟؟
• إلى من حضر ملتقى المبتعثين بالرياض والخبر وجدة أبغى معلومات وما تم فيه ؟؟
• استلمت الورقة الصفراء والسفارة ما تصلوا أتفضل حل بإذن الله
• قوووولوا مبرووووووك استلمت قرار ابتعاثي مع التذاكر
• اي واحد يعرف عن مدينة هيوستن شي يتفضل
• تكفون ادخلو
• عــاجل تكفون الفزعه ياخوان ولا عليكم امر
• أبي نصيحتكم الحنونه
• شئ غريب وش رايكم
• ابروح الوزارة وابطلب بعثه ادخلو الله لا يهينكم
• خطاب السفارة كيف احصل عليه؟؟
• اخواني في السفارة هل يدققون على معدلك في الجامعه ؟
• الفزززززززززززعه الله يسعدكم

في امريكا طلاب الماستر والدكتوراه يلزمهم الحصول على درجه في الايلس او التوفل للقبول ..

والسبب ان دول الخليج وخاصه قطر والكويت واعتقد البحرين ، قوائم الاعتراف بالجامعات قليله ، وغالباً هالجامعات تكون صعبة القبول وتبي امور كثيرة من الطالب ..

انا الحين في امريكا لدراسة الماجستير وادرس على حسابي وفي جامعه مب في قوائم التعليم العالي في ( قطر ) والسبب مثل ماذكرت ..

اللي عليكم اختي انكم تحطون في الحسبان ،، علامه لاتقل عن ٦ ونص في الايلس ، واذا تقدرون تجيبون ٧ افضل ..

ال المعدل التراكمي يكون مب اقل من ٣ في البكالوريوس ..

ال جي ار اي حاولو تاخذونه من الحين ..

وباذن الله تلقون قبول على السنه الجايه

تحياتي

اخوي شنو يعني الجي ار اي هذا شنو ؟

ومافهمت شنو يعني قوائم الجامعة ؟

قصدك انك قاعد تدرس بجامعة بامريكا مو معترف فيها بقطر ؟ عيل شنو الفايده اذا لم تخلص ماراح يعترفون فيها بديرتك

ارجو التوضيح اكثر. وشكرا

اوضح لج اختي ..

عندنا في قطر قائمه بالجامعات وهي محدوده جداً وقليلة العدد ، اذا الطالب جاب منها قبول . الدوله تتكفل بابتعاث الطالب عليها ..

وهالجامعات لها مراتب لاتقل عن ١٠٠ على مستوى العالم ، وصعبه جداً الحصول على قبول منها بسبب شروطها الصعبه و تنافس الطلبه الامريكيين والاجانب ( احنا ) على مقاعدها ..

بخصوص الغير معترف بها .. القانون عندنا دام الطالب يدرس على حسابه الخاص فـ شهادته مقبوله بشرط ان الجامعه اللي يدرس فيها معترف بها ببلد الدراسه ،، يعني الحين ادرس في جامعه بولاية فلوريدا .. شرط لمعادلة شهادتي بعد التخرج ان الجامعه اللي ادرس فيها تعترف بها وزارة التعليم الامريكيه + منظمة التعليم العالى بالمنطقة الجنوبيه في امريكا ..
وهناك شرط اخر هو تواجدي في البلد فترة الدراسة بنسبة لاتقل عن ٨٥ ٪ ..

بخصوص الجي ار اي GRE

http://en.wikipedia.org/wiki/Graduat...d_Examinations

امتحان للرياضيات واللغه والمواد العلميه ..

بتحصلين معلومات كثيرة عنه

مشكوور عالرد السريع

مممم ماعتقد احنا نفسكم معلومات اول مره اعرفها .. انا اللي اعرفه اذا الجامعه اللي اختارها مو معترف فيها عندنا ف ماراح تفيدني لان ماراح يعترفون فيها جنه حتى لو على حسابي هذا اللي اعرفه

ويعني الحين لازم اييب اعتراف من اكثر من مكان بامريكا؟!! انزين انا شلون بعرف اذا الجامعه اللي اختارها معترف فيها بوزاره التعليم الامريكيه والمنطقه الجنوبية ؟؟ او شنو الجامعات اللي معترف فيها بهالاماكن وين اروح او اسال

وقصدك الجي ار اي يعني جيمات صح؟ رياضيات وانجلش
بس اللي اعرفه دام احنا هندسه مايطلبون منا جيمات بس انجلش لاني انا عندي بكالوريوس هندسة يعني اكيد ماتخرجت من هندسه الا وانا اعرف رياضيات

الجيمات اعرفه حق اللي يبي يدرس اداره اعمال

ومادري صححلي معلوماتي واشكرك وموفق

لي معرفة باحد الاخوان الكويتيين مبتعث من جامعة الكويت .. اخونا يبي قبول ماستر علاقات دوليه ووزارة التعليم العالي الكويتييه محدده لـ هالتخصص تقريباً ٧٠ جامعة من ٤٠٠٠ جامعه وكلية .. الرجال يمكن يغير امريكا ويروح بريطانيا لانه صارله اكثر من ستة اشهر مب محصل قبول مع انه معدله ٢.٩٠ في البكالوريوس ..

القبول للماستر والدكتوراه في امريكا جداً صعب وله شروط والجيمات للتخصصات الاداريه والجي ار اي للتخصصات العلميه مثل الهندسه مطلوب مطلوب مطلوب خاصه اذا المعدل اقل من ٣ ..

انصحج اختي انج تحاولين تدرسين الايلس وتجيبين ٧ اقل شي وتدرسين الجي ار اي وتتقدمين له من الان .. ايضاً اخذي رسائل توصيه عدد لا محدود من اساتذتج اللي درسوج في الكليه لانها مطلوبه وايضاً اذا انتي موظفه اخذي رسائل توصية من المسؤول عنكم في الدوام

بالتوفيق

بييه وايد شغلات ... انزين انا معدلي فوق ال 3 شلون هم يبون مني الجي ار اي ؟

واول مره اسمع عنها وين القاها بالكويت ؟؟
وماجاوبتني شلون اعرف الجامعات اللي معترف فيها بالمنطقه الجنوبيه وبوزاره التعليم الامريكيه ؟؟ من الموبايل

اختي الجامعات الامريكيه وايد ،، وايد اللي تقبل ..

لكن اللي تبعث عليها دول الخليج يعتبر مستواها عالي ،، وهذي عليها منافسه من الامريكان والطلاب الدوليين ..

اذا انتي تبين بعثه ادخلي على موقع وزارتكم وشوفي الجامعات المعترف بها ودخلي على مواقعهم وشوفي الشروط .. ممكن اذا تواصلتي مع جامعه تطلب منج ٦ او ٦ ونص في الايلس وتتنازل عن الجي ار اي ..

الاهم انج تشوفين الجامعات المعترف بها عشان تحصلين بعثه ...

الجامعات اللي معترف بها في المنطقه الجنوبيه وايد ، وماتهمج لان معدلج زين في البكالوريوس وبتلقين ان شاء الله قبول .. اللي عليج تبحثين في موقع وزارتكم عن الجامعات وتراسلينهم ..

بالتوفيق

حلو السؤال و مفيد
شكرا