المشاركة الأصلية كتبت بواسطة يالله سترك
http://www.arabtravelersforum.com/tr...3/#post4206837
السلام عليكم
انا من الناس الي لها سنوات متخرجة من البكلريوس وبحكم لي كم سنه التقديم الاكتروني يرفض تقديمي لاني مخالفة شورط قبول الابتعاث
لكن هاذا مايمنع اني اخذ اوراقي واروح الوزارة وتدخل اوراقي عند احد المسئولين الله يسخرهم لي ياااااااااااااااااارب ويقبلون ابتعاثي
انا وحده امووووت وابي اكمل دراستي الماجستير بالتخصصات التربوية ومن التخصصات الي حابه ادرسة هو
(( إدارة الجودة في التربية والتعليم ))
في احد منكم سمع عن هالتخصص في احد جامعات امريكا وباي ولاية يدرس مااااااااااااره حابته ؟؟
وش الاوراق المطلوبة عشان اقبل اني ابتعث وش تبي مني الوزارة مبدئياً الي اعرفه
1- قبول من معهد للغه
2- شهادة التخرج (
يبونها مترجمة ولا العادية )؟
3- عندي شهادة دبلوم تربوي من جامعة الامام (
اضيفها كوني ابدرس تخصص تربوي او لا) ؟
4- التوصيات (
العادية الي تعطيناها الجامعه عند تقديم الماستر في الجامعات السعودية او التوصيات الي تطلبها الجامعات الامريكية) ؟
5- السجل الاكاديمي
في شي ثاني اقدمه بعد لاني الي بيقدمها لي ابوي وابي اعطيه كل شي كامل ويبي لي من هالحين اجهز اوراقي ركز على الي لونه احمر لانه بالحيل يهمني
ادعولي بالتوفيق وبالسخره
X.
x.
.
.
مـرحبـا أختـي يالله سترك
ان شاء الله .. الله يسهلـك وييسرلك في امـوركـ وتنقبـلين بالبعـثه وبعدها نقول بالتوفيق بدراستـك يارب
في جامعـه حلـوه وسـهله الجامعه هذي تخصص التربيه والتعليم يعتبر قوي فيهـا بس ما ادري عن فروع هالتخصص بهذي الجامعه
احتمال يكون فيه نفس التخصص اللي انتي تبينه
أسم الجامعـه Western Oregon University في ولاية أوريقـون
وهذا رابـط الجامعـه :
http://http://www.wou.edu
بالنسبـه لأوراق الوزاره :
# قبـول من معهد مشروط بقبول جامعي .. (يعني المعهد يضمن لك دخول الجامعه بعد ماتتخرجين من المعهد)
# الشـهادات يبونها بالعربي وبعد يبونها مترجمه بالانجليزي
# شهادة الدبلوم ما ادري عن الوزاره اذا يبونها والا لا بس عن الجامعات بأمريكا اي لازم ترفقينها مترجمه
عشان بعدين اذا كان في مواد تبين تعادلينها من الدبلوم اللي عندك تقدرين تعادلينها بدون اي تعب مع الجامعه ..
#طلبات الجامعه : تختارين الجامعـه وبعد اختيار الجامعه تدخلين تعبين الابلكيشن حق القبول وبعدها تدفعين لهم قيمة القبول عن طريق الموقع حقهم .. وبعدها بيرسلون لك على ايميلك كل المتطلبات اللي يحتاجونها
الله يوفـقكـ
FaBuLoUs10
رد مع اقتباس
المفضلات