الموضوع: رحلتي للفلبين لم ينجح احد

السلام عليكم ورحمة الله وبركاته

اولا وبكل صدق ما كان عندي نية اكتب اي شي عن رحلتي للفلبين لانها زي ما قلت بالعنوان
لكن انا شايف ان مافي اي مشاركات جديدة قلت ابدا انا بتعليق الجرس وبلاش حالة الاحباط
المهم ما اطول عليكم
يوم الاربعاء ثاني ايام العيد كان موعد الرحلة وعلى غير العادة تواعدنا انا وابو عبدالله بالمطار وصلت متاخر شوي
اخذنا بطاقات الصعود ودشينا
وكنت ماخذ معاي اوراق عن الفلبين والاماكن اللي يمكن نزورها ومنها مشاركة الاخ كبيان خط السير
تصفحناها بالمطار عشان نقضي الوقت المهم اقلعت الطايرة (الخطوط السعودية)
وصلنا لمطار مانيلا ونزلنا بالمطاروما تاخرنا بالمطار ولا تفتيش ولا هم يحزنون المهم طلعنا واخذنا تاكسي ب 10 دولارات (مافينا نفاصل) المهم نخلص على راي ابو عبدالله الراجل ماقصر وعرض علينا خدماته لاي مشاوير او اي طلبات خاصة قلنا شايلينك لووقت عوزة
وصلنا الفندق فندق ريجنس بمقاتي وحجزنا ثلاث ايام ب 3100 بيسو يعني بسعر غالي لكن مدة بسيطة عشان انا قلنا نطلع من مانيلا بعد هالمدة
ومن يوم الجمعة بدينا نخلص في اعمالنا اللي كنا متوقعين نخلصها بيومين لكن ماقدرنا حتى الفندق ما كلمناهم على اساس نمدد من شان يخفضون السعر كنا مخططين نروح بروكاي لكن اليوم اللي كنا بنروح للمكتب نمنا واليوم اللي بعده اقنعنا واحد فلبيني انا نغير وجهتنا الى سيبو وقابلنا واحد مكن الشباب السعوديين هناك وقال بتحتاجون بودي قارد بسيبو
قلت طيب ماقاله خوينا
المهم راح علينا الوقت ونتفق مع واحد مسلم من مطعم القدس نروح تمشية حوالي مانيلا لكن كل ما تذكرنا زحمتهم بطلنا وفي الاخير انتهت الاجازة مثل نتايج المدارس الليلة ايام زمان لم ينجح احد
وابعد مكان رحناه زرنا واحد من الشباب بارميتا حوالي سوق روبنسون
وانشاء الله لنا عودة الى الديرة قريبا

مواضيع عشوائيه ممكن تكون تعجبك اخترناها لك:

• تلييييي موووني
• تغيير نوع الطائره
• ايام فى الفلبين وش السوااه
• اذا سمحتوا ممكن مساعده سريعه
• فن الرسم فى شوارع الفلبين
• بديل السوهو بيل اير سوهو
• مسافر للفلبين استقدام ميكانيكيين وكهربائيين سيارات نقل ثقيل
• ارجوا المساعدة
• برنامج رحله للفلبين
• سوال لشباب مانيلاالثغر كلمة راس لاهنت
• معلومات عن الاسلام والمسلمين في الفلبين
• فندق هولدي ان
• بروح الفلبين وأبغة الفزعة
• نواصل اخبار المغتربين
• ماهي المواقع السياحسة في سيبو
• هنا اكتب رأيك وكل ماتعرفة عن هذى الفندق ؟
• سفره عائليه للفلبين
• طلب مساعده باختيار وقت مناسب للسفر الي الفلبين
• المناطق القريبه من مانيلا بالصور
• رحلة الي جزيرة

خيرها بغيرها طال عمرك ,

السلام عليكم

حياك الله اخوي سعودي مفلس وحيالله موضوعك اللي ما بغيت تقوله.. شدعو اخوي ....

شكراً جزيلاً على كلمه قلتها وأثريت بها هذه الساحة وأقولك خيرها بغيرها وان شاءالله الرحله القادمة راح تعوضها .... لكن وين سالم ماغيره عنكم ..... :d

ماقلتلنا كم يوم جلست ...؟

تحية وتقدير

حمد لله علي السلامه اخوي
سعودي مفلس
وصدقني اقل من اسبوعين لا تروح

سميره الخير بوجهك

ya-mas
مشكور يالغالي على المرور
بالنسبة لسالم ماغيره فكان مشغول وما قدر يسافر معاي لكن المرة الجاية ان شاء الله بنحاول نقنعه يخاوينا الا اذا لقي وظيفة
بالنسبة للمدة حنا مشينا الاربعاء ووصلنا الخميس وجلسنا الى الجمعة من الاسبوع التالي ورجعنا للرياض
وشكور يالغالي مرة ثانية

cafe
معاك حق على الاقل الواحد يحلل الوقت اللي اخذه بالجو لكن الظروف تحكم
والله يسلمك يالغالي

خير ها بغيرها ياحلو والجايات انشاء الله احلى ..........
صراحة حرام عليك تقول لم ينجح احد البلد حلو جدا في اي مكان تروح له..
عزيزي بالنسبه للرحلات الي خارج مانيلا كان يجب علي تاخذه من المكاتب السياحيه
وباسعار رخيصه ....
عموما اخي العزيز انا تحت الخدمه في رحلتك القادمه بخصوص اعطاك عنوان بعض المكاتب السياحيه للقيام برحلات خارج مانيلا .......

تسلم اخوي سامي وما قصرت
لكن قصر المدة وانشغالي ببعض الاعمال والسهر وكثرة النوم بالنهار اضعت علي الفرصة لكن ان شاء الله المرة الجاية نعوضها وما نستغني عن رايك
ومشكور يالغالي

يابعدي أخوي سعودي مفلس

يعني العيب مو من الديرة العيب من سهرك بالليل

وعلى فكرة سيبو آخذين عنها فكرة وأحمد ربك مارحت .

الديرة حدها يوم وتطلع من هناك على بوهول أو الشاليهات وحتى الشاليهات ماهيب الى ذيك الدرجة.

بس والله فوت على عمرك مشاهدة بوراكاي أما شغلة بودي قارد بسيبو والله اني من شارع لشارع وبأنصاف الليول ما فيهم اللي قال لي وين أنت رايح.

وخذها قاعدة بالفلبين بالنسبة للمدن أطلع بأي وقت ما راح يتعرض لك أحد اللهم هالتكاسي اذا طلبت بعد والا هم ما يتعرضون لأحد.

بس ان قاله الله معوضك بجدول أفضل من روحتي بس أجزم وأوعدني بأنك تمشي على الجدول اللي بحطه لك وان شاء الله ماراح تندم.

هلا والله اخوي كبيان
(يعني العيب مو من الديرة العيب من سهرك بالليل)
من شان كدا اخوي ناوي ارجع للديرة اعوض

(وعلى فكرة سيبو آخذين عنها فكرة وأحمد ربك مارحت .)
الحمد لله يعني بعد كدا اشيلها من بالي ولو اني حكاية الباخرة عجبتي رغم اني ما عمري سافرت بالبحر من قبل


(بس ان قاله الله معوضك بجدول أفضل من روحتي بس أجزم وأوعدني بأنك تمشي على الجدول اللي بحطه لك وان شاء الله ماراح تندم.)

انا بحاول التزم بالجدول مع احتفاضي بكامل الصلاحية للتعديل في اي قت

ومشكور يالغالي وانا انشاء الله من باكر ببدا اجهز للسفر

للعلم سيبو أحلى ما بها رحلة الباخرة بس قبل لا تروح أعلمك طريقة الحجز ومن وين تحجز

ثانياً لازم تروح لسيبو وتقعد فيها يوم وتروح لسوق شومارت

ومن السوق تقص تذكرة رحلة بالباخرة الى بوهول جزيرة تبعد ساعة ونصف ولا تسكن هناك الا بالمنتجع اللي ذاكر لك أسمه وأنا أضبط وضعك بالجزيرة وأطلع لك واحد يستقبلك على الدين

اخوي كبيان حتى يمكن أروح بعد :d

تدلل أول حبيب بس رح الحين قبل ما يجي وقت ويزنقون عليكم الأندونيسيين وقبل ما يطيحون بها الشباب الصغار

دام لك كلمة الحين لا تفوتك الديرة

وأنا في الخدمة ولو ما دخلت النت ( أنا ) والا ما لقيتوني كلموا ياماس يطلعني من تحت الأرض والا حمودي ههههههه

مرحبا اخوي كبيان من تاني

انا انشاء حجزت على يوم 21 يناير

راح اخد اسبوع بمانيلا وبعدين بتفرغ للتمشية وفيه شباب مواعديني بيجوا هناك
بس للحين ما حددوا الوقت

وراح ارسل لك بالخاص بعض التفاصيل الخاصة

وأنا في الأنتظار

وعلى فكرة فيه أثنين من المنتدى بيكونون هناك بنفس وقتك تقريباً أو بيلحقونك

وأنا أنتظر رسالتك بفارغ الصبر،،،

مشكور يالغالي
وما نستغني عن مساعدتك