الموضوع: يالربع انا في مانيلا ومتورط فزعتكم تكفون

سلام عليكم

يا اخوان انا في مشكله تكفون ساعدوني الله يخليكم

انا حاليا في مانيلا .. ومعي بطاقه صراف الراجحي مكتوب عليها من ورا visa وجربت اسحب ماسحبت في اكثر من بنك .. تشاينا بنك وجربت bdo وجربت بنك ثالث ما ادري وشو ولا سحب .. الراتب ونزل انا متاكد منه ومعي خويي بطاقه بنك الرياض ونفس الكلام مكتوب عليها من ورا ماستر كارد ولا سحبت والمشكله الفلوس اللي معنا كلها 100 بيسو ولازم نسدد الاوتيل بكره الظهر ضروري والمشكله الاكبر ان سال الراجحي في السعوديه وقال تسحب من اي بنك ATM ورحت جربت اسحب ماضبطت ؟؟


وش العمل تكفون انا ساكت في مكاتي ساعدوني

مواضيع عشوائيه ممكن تكون تعجبك اخترناها لك:

• في سؤال محيرني
• خطوط سنغافورة الجوية
• قرار شراء شقة في مكاتي قرار صائب؟؟
• فزعة آخر أخبار دافاو
• مساعدة صوغيرة اوي
• عملة الفلبين البيسو صور
• ارجو المساعدة عاجلا
• خبراء في السياحة والسفر ولكن؟ الشجاعة مطلوبة
• الرياض
• مايحدث في الفلبين الان
• انفجار كبير في مبنى النواب الفلبيني يوقع اصابات
• خلصت من السفره واستمتعت بعدها اش تسوي ادخل لتعرف
• موقع رائع يبين كافة النشاطات السياحية و الفنية و الثقافية بالفلبين
• هل مناسبه للعوائل
• سوق للهدايا وبعض المستلزمات
• حلاق مكاتي
• إعصار “نيسات” يضرب الفلبين
• اول سفره لي مجموعة اسئلة
• منطقة بمانيلا
• سؤال بخصوص الفيزا عدد الصور لفيزا الفلبين

الراتب بالهجري مابعد نزل اخوي
صدقني ان البطاقه مافيها فلوس مادام انك رحت لصرافة bdo لاكن جرب مكائن صراف hsbcمنتشره عندك وفيها لغة عربيه
والامور سهالات لاتاخذ بخاطرك تصبر
تحياتي

المشاركة الأصلية كتبت بواسطة (العاطل)
http://www.arabtravelersforum.com/tr...2/#post4394292

الراتب بالهجري مابعد نزل اخوي
صدقني ان البطاقه مافيها فلوس مادام انك رحت لصرافة bdo لاكن جرب مكائن صراف hsbcمنتشره عندك وفيها لغة عربيه
والامور سهالات لاتاخذ بخاطرك تصبر
تحياتي




طيب كم اعلى مبلغ اقدر اسحبه ياخالي

تعرف فندق ميلنيوم بلازا اللي في مكاتي انا ساكن فيه وين اقرب صراف عربي اقدر اسحب منه لاهنت ضروري

ابشر اخوي اطلع من فندقك وخذ يمين ع طريق مكاتي اي فينيو يصير برقص يسارك اول اشارها تعدها الاشاره الثانيه او الثالثه بالضبط في الزاويه الي يمينك
فهمت علي ولا اوضحلك اكثر..؟

لا واضح الله يعافيك

بس سؤالي كم اعلى مبلغ اقدر اسحبه هو صحيح انه 1000 مدري 500
حنا نبي حول الـ 20 الف عشان نرتاح .. اخاف ندخل البطاقه اكثر من مره وتبلعها المكينه
عاد حلها لابلعتها

والرواتب تراها نزلت الله يخليك لي ترى الساعه اللحين 1:30 في السعوديه يوم 25

عموما خلك حولي احتياطا بنفطر ونروح نجرب

اخي العاطل ,,لك مني ارق واعذب التحايااا.

المشاركة الأصلية كتبت بواسطة ah7lo2010
http://www.arabtravelersforum.com/tr...6/#post4394426

لا واضح الله يعافيك

بس سؤالي كم اعلى مبلغ اقدر اسحبه هو صحيح انه 1000 مدري 500
حنا نبي حول الـ 20 الف عشان نرتاح .. اخاف ندخل البطاقه اكثر من مره وتبلعها المكينه
عاد حلها لابلعتها

والرواتب تراها نزلت الله يخليك لي ترى الساعه اللحين 1:30 في السعوديه يوم 25

عموما خلك حولي احتياطا بنفطر ونروح نجرب



40000 بيسو في السحبه الواحده ويمكن اروح انام بس اذا ضيعت اي تكسي قله ودني لبنك اتش اس بي سي عليه شعار بنك ساب الي هو البنك البريطاني
بالتوفيق

المشاركة الأصلية كتبت بواسطة sab1380
http://www.arabtravelersforum.com/tr...2/#post4394432

اخي العاطل ,,لك مني ارق واعذب التحايااا.




الله يعافيك اخي
هذا من ذوقك
تحياتي

الله يوفقك ياشيخ

رحت للبنك لقيت الاله ماتسحب كاش .. ودلوني ع فرع ثاني لهم في ايالا افينيو ودقيتها رجليه مع المطر والعالم
والجو الخرافي .. وبعد طول انتظار صار الرصيد مافيه شي خخخ

ورجعنا نجر اذيال الهزيمه والعار

بس لو عندك خبر الفرع اللي في ايالا افينيو .. مهوب الفرع اللي دليتني عليه .. لا تخليه ع يمينك وتنزل مع النفق الاول وتلقاه يسار الاشاره يفتح 24 ساعه او لا

لاني لقيت فيه ثلاث صرافات عربي ماتشتغل الا وحده وجربنا نسحب مافيه الرصيد شي

مشكور ياخالي وماقصرت

من خلال تجربه لاتحاول تسحب من بطاقتك المحليه في اوقات من 12 - الى 2 فجراً في اغلب الاحوال ما تسحب ،، ولكن بالفعل الراتب اذا ما نزل ما تعطيك اي شيء والحمدالله انها ما ابتلعت البطاقه من كثر التكرار
رحله سعيده،،

هههههههههههههههههههههههههههههههههههههههههه يا خوي تسافر الخارج وراتبك مب نازل امرك عجيب

يا خوي روح لسفارتك وخبرهم بالموضوع لاتجلس تطلب نصايح من الناس وانت في بلد غربه - وتضيع وقت - الله يفرج عليك يارب