مخطط لكابرون لمدة ايام كامله

**ahmed1** · 02-04-2015, 01:01 AM

السلام عليكم ورحمة الله
(اهل الخبره )
أنا ساكن في كابرون لمدة 8 ايام كامله ماني عارف اسوي مخطط لكل يوم

ودي يكون المخطط منسق ومرتب على الاتجاهات (يعني اذا بدينا شمال نروح كل المناطق السياحيه اللي بالشمال وهكذا .......ما ابي واحد في الشرق والثاني بالغرب )

قرية هايدي في النمسا والا في سويسرا ؟
والله يعطيكم العافيه

مواضيع عشوائيه ممكن تكون تعجبك اخترناها لك:

**alifun** · 02-04-2015, 01:01 AM

قرية هايدي فيه بالنمسا وفيه بسويسرا

اللي بالنمسا جنوب النمسا وهي التقليد
حوالي 200 كيلو عن كابرون
الاصل موجود بماينفلد شرق سويسرا وقريبه من حدود النمسا من جهة الغرب تبعد عن كابرون 350 كيلو

الجدول
انتظر علي شوي من الموبايل

**ahmed2** · 02-04-2015, 01:01 AM

ياهلا يابو نوره
جدول مرتب ويوفر وقتك وفيه اماكن متنوعه وليست متكرره

اي مكان ماتعرفه من اللي بقوله
اكتب اسمه بقوقل وبتشوف تقارير عنه

اي مكان تبي تشوف صورته
اكتب اسمه بقوقل صور وبتشوفه

اي مكان من اللي اقوله لك تبي تشوف يوتيوب عنه
اكتب اسمه بالانجليزي وروح اليوتيوب

بسم الله نبدأ

اليوم الاول

التشك ان حقكم راح يكون الساعه 2 او 3 الظهر

راحه وشراء مسلزماتكم من بيلا كابرون
مثل بنده حقتنا

وانتبه تراها تغلق بدري ضبط امورك بكل ماتحتاجه من بدري

اذا عندك وقت روحو لسنتر زيلامسي وتمشو فيه او البحيره

اليوم الثاني

بحيرة زيلامسي
يخت بحيرة زيلامسي BOAT TRIPS ON LAKE ZELL

بعدها ترجعون تقريبا عالظهر أركبو السياره وعلى سالفيدين (الزحليقه الصيفيه))
Saalfelden

بعد الزحليقه فيه بحيره قريبه منها
بحيرة Ritzensee

بعدها بأمكانك الذهاب الى حديقة ثمر باخ والمواجهه لبحيره زيلامسي بالضفه الاخرى

اليوم الثالث

زحليقة كابرون

بعدها تطلع على شلالات زغموند كلام
وهي عباره عن شلالات وممرات خشبيه تنقلك بين مناظر رائعه وبعد التنقل بين هذه الممرات الخشبيه تصل ألى بحيرة كلام سي وهاذي صورتها

أطلعو على قمة جبل كابرون
وهي قريبه من موقف سيارتكم تقريبا 10 دقايق على نفس الطريق

بعدها روح وألى بحيرات وسد كابرون الأصطناعيه
بتركبون تلفريك جماعي كبييير ياخذ تقريبا 40 شخص

أسمها

HIGH ALTITUDE RESERVOIRS

اليوم الرابع

جنوب كابرون

صباحا على قرية هايدي

وهذا تقرير عنها

http://www.arabtravelersforum.com/travel484150/

وهذا فيديو اعجبني لقرية هايدي بالنمسا

بعدها على نفس طريقكم باتجاه الجنوب

وبعدها الى منتزه معالم العالم
minimundus

في كلانغفورت

وبأمكانك كتابة اسمهminimundusا باليوتيوب وتشوف عرض عنها

طبعا مشوارك البعيد بياخذ منك من الصباح الى اول العصر

أخر العصر وقبل لاترجع للشاليه روح أقعد ساعه على بحيرة كلام سي

Klamm see

طبعا أنتم جيتوها لما زرتم شلالات زغموند كلام بس هنا الرحله تختلف
يعني راح توقفون سيارتكم بمواقف البحيره نفسها وليست مواقف الشلالات
وتنزلون من سيارتكم بتشوفونها قدامكم

أنصحكم كل ماكان عندكم وقت فراغ خاصة أخر النهار أغلب الأماكن مغلقه عادي تقدرون تروحون لها لاتذاكر ولاشيء
وخوذو معكم قارورة ماء كبيره فاضيه وعبوها من هذا المكان اللي بتشوفونه قدامكم اذا رحتم للبحيره ماء عذب حلو كنا نشرب منه

أقعدو عند البحيره الى قبل المغرب ممكن تشوفون عوائل عربيه أو خليجيه كاشتين هناك ومعاهم القهوه لأنه مكان محبب لهم
أنا ماشفت أحد منهم لما رحت ممكن توقيتي كان غير

اليوم الخامس

قمة SCHMITTENHÖHE في زيلامسي

بعدها

حديقة الحيوانات فيلاتين
WILDLIFE- AND LEISURE PARK FERLEITEN

طبعا ضبط الأحداثيات على مواقف بحيرة زيلامسي

وخذ لك قارب على البحيره قوارب تجدها هناك تعمل بالكهرباء

وأذا معكم خبز أطعمو البط اللي بيجيكم تراهم متعودين ( خذ معك أساسا من الشاليه قبل لاتطلع خبز)

بعدها

تلفريك كابرون
MAISKOGEL CABLE CAR

بعدها

قلعة كابرون التاريخية CASTLE KAPRUN

اليوم السادس

صباحا على

منطقة داتشين - رامساو
الجسرالمعلق و منصة السماء – بلكونة جبال الألب و الممشى – القمة الثلجية
الزحليقةالصيفية – بحيرة و ألعاب – الخوانق و الممرات النهرية .

الزمن ساعه وثلث 88 كم بأتجاه الشرق من كابرون

اليوم السابع

قرية كيتزبوهيل تقع بأتجاه الشمال الغربي
54 كيلو
وفيها
التجول والتسوق في القرية – جبل هاتنكام ( عرف الديك ) –
جبلكيتسوهلر هورن – التلفريك – منتزه أرواخ للحياة البرية –
بحيرة شوارزسي– قرية ELLMAU اللي في أعلاها عالم الضفدع السحري

اليوم الثامن
يوم حر لك

او تقدر تروح لشلالات كريميل باتجاه الغرب من كابرون
كان ودي احطه لك في اليوم السابع بما انه نفس المسار تقريبا
بس القريه اللي بتروحون لها نشاطتها كثيره ويمكن تاخذ منكم من الصبح الى اخر العصر من الموبايل