الموضوع: اخواني محتاج مساعدة ونصايح للنمسا

السلام عليكم

انا حاب اروح لنمسا لعشقي لطبيعة وانا طالب في امريكا وطفشت منها.. لدي عدة اسئلة
1- انا حسب ماسمعت عن فيزا الشنغن تحتاج تعريف بالراتب علما اني فقط طالب مبتعث في امريكا وماهي خطوات الفيزا وكم تاخذ من وقت.؟

2 - اخواني انا ميزانيتي 20 الف ريال هل كافيه فقط لو حاب اني اروح النمسا علما اني اقتصادي ولا احب التبذير فقط تمشيه؟

3- انا مقرر على النمسا لكن في بالي اني بوقتها استاجر سيارة وازور سويسرا وبالتحديد انترلاكن اللي يقولون عنها حاب ازورها هل اقدر اسوي الطريقه هذي؟ بيكون ضربة عصفورين بحجر رحت دولتين؟

4- بوجهة نظركم كم يوم تستاهل اني اقضيها في النمسا؟

5- علما اني لو بسافر راح تكون بشهر اوغسطس يعني ثاني العيد هل الجو راح يكون مناسب؟

اتمنى المساعدة

مواضيع عشوائيه ممكن تكون تعجبك اخترناها لك:

• أتمنى أحد يفيدني للضروره الله يعطيكم العافيه
• مـــدينــه قـــرازمعلوماتكم تهمني
• افضل فندق في زيلامسي معشوقة الملايين
• قطار أم طائره ؟؟
• صور متفرقة من رحلة النمساء
• رأيكم يهمني جدا لرحلتي النمساويه
• كيفية السواقة في النمسا
• الله يسعدكم ردو علي ضروري
• تقرير رحلة أحلى اثنين لأحلى مكان في العالم كابرون
• عروض يوميه من البوكنق للنمسا
• شهر عسل فيننا ،باريس
• رحلتي في عيد الفطر أرجو المساعدة
• كما وعدتكم صور من بيرتساو
• غلاء أسعار التذاكر للمسافر بعد العيد
• بخصوص استأجار سيارة في المانيا
• في ميونخسالزبورغزيل ام سيفيينا
• ترتيباتي لشعل العسل أرائكم تهمني
• رحلتي بين الحلم و الواقع والكوميديا؟؟
• لو سمحتم فزعتكم احتاج سكن في فبراير الجاي
• هل لكم في الرياضة؟إذن شجعوا نسور منتخب سوريا وادعوا لهم

المشاركة الأصلية كتبت بواسطة Aziaaasz
http://www.arabtravelersforum.com/tr...5/#post8269594

السلام عليكم

انا حاب اروح لنمسا لعشقي لطبيعة وانا طالب في امريكا وطفشت منها.. لدي عدة اسئلة
1- انا حسب ماسمعت عن فيزا الشنغن تحتاج تعريف بالراتب علما اني فقط طالب مبتعث في امريكا وماهي خطوات الفيزا وكم تاخذ من وقت.؟
انا طلعت الفيزا من السفارة النمساويه ولا طلبوا مني تعريف بالراتب ولاتعريف من العمل وطلعتها خلال 24 ساعه(ادخل على موقع السفارة النمساويه وتشوف طلبات الفيزا)
2 - اخواني انا ميزانيتي 20 الف ريال هل كافيه فقط لو حاب اني اروح النمسا علما اني اقتصادي ولا احب التبذير فقط تمشيه؟
هل تقصد بدون تذاكر السفر وبدون الفنادق والا قصدك المجموع؟ واذا كان قصدك المجموع كم بتجلس هناك؟
3- انا مقرر على النمسا لكن في بالي اني بوقتها استاجر سيارة وازور سويسرا وبالتحديد انترلاكن اللي يقولون عنها حاب ازورها هل اقدر اسوي الطريقه هذي؟ بيكون ضربة عصفورين بحجر رحت دولتين؟
التخطيط كذا حلو انترلاكن لاتفوتك وبالسيارة احلى واحلى
4- بوجهة نظركم كم يوم تستاهل اني اقضيها في النمسا؟
تقريبا 3 ايام فيينا او يومين
4 ايام زيلامسي
باقي المدن مارحت لها ممكن يفيدون الاعضاء
بس انترلاكن 5 ايام
5- علما اني لو بسافر راح تكون بشهر اوغسطس يعني ثاني العيد هل الجو راح يكون مناسب؟
احسن شي عشان يكون الثلج فك من بعض الاماكن
اتمنى المساعدة



اتمنى اني افدتك

الله يحفظك اخوي رائد بومريم
والله يسعدك... اخوي مشكور جدا عالنصايح الحلوه.. انا راح اخلي 20 الف ريال طبعا هذي بعد راح اصرف منها تذاكر الطيران والفندق هل تكفي؟ وحاب اجلس اسبوع ونص يعني تقريبا اسبوع و3 ايام.

اخوي كذلك وش ترشيحك لان حسب ماذكرت انت لي افضل اجلس في تقريبا 3 ايام فيينا او يومين
4 ايام زيلامسي.. طيب هل اخلي السفر من السعوديه الى سويسرا! او خليه من الى فيينا واجلس في فيينا 3 ايام ثم اذهب الى سويسرا؟ او العكس؟ علما اني احب الانشطه لان اطلعت على الانشطه الموجوده في النمسا جدا حلوه

الشي الاخر اخوي كيف اسعار تاجير السيارات لان افكر استاجر السيارة في مطار فيينا علما اني اباخذ سيارة عاديه جدا مارح اخذ سياره باهضه وكشخه انا حاب بس توديني للاماكن اللي ابيها هل ترشح لي شركات معينه


وشاكر اتمنى كذلك من الجميع المشاركه وتفيدوني

المشاركة الأصلية كتبت بواسطة Aziaaasz
http://www.arabtravelersforum.com/tr...5/#post8269788

الله يحفظك اخوي رائد بومريم
والله يسعدك... اخوي مشكور جدا عالنصايح الحلوه.. انا راح اخلي 20 الف ريال طبعا هذي بعد راح اصرف منها تذاكر الطيران والفندق هل تكفي؟ وحاب اجلس اسبوع ونص يعني تقريبا اسبوع و3 ايام.
ان شاء الله انها تكفيك
هي لها حسبه تقريبيه
انك في كل يوم بتصرف 1000 ريال تقريبا
اخوي كذلك وش ترشيحك لان حسب ماذكرت انت لي افضل اجلس في تقريبا 3 ايام فيينا او يومين
4 ايام زيلامسي.. طيب هل اخلي السفر من السعوديه الى سويسرا! او خليه من الى فيينا واجلس في فيينا 3 ايام ثم اذهب الى سويسرا؟ او العكس؟ علما اني احب الانشطه لان اطلعت على الانشطه الموجوده في النمسا جدا حلوه
اتوقع انها ماتفرق وكل الاماكن اللي انت مختارها مليانه انشطه
اللي تفرق معاه اللي رايح ناوي يتسوق
نقوله خل منطقة التسوق اخر محطه لك عشان تتسوق وتركب الطياره وترجع
ماله داعي تنقل اغراضك معك من مكان الى مكان
بس انت رايح تمشيات ف ماتفرق معك
بس اللي اعرفه ان السفارة النمساويه اسهل في الفيزا ف ممكن تخلي فيينا مدينة الوصول
الشي الاخر اخوي كيف اسعار تاجير السيارات لان افكر استاجر السيارة في مطار فيينا علما اني اباخذ سيارة عاديه جدا مارح اخذ سياره باهضه وكشخه انا حاب بس توديني للاماكن اللي ابيها هل ترشح لي شركات معينه
بالنسبة للاسعار ادخل على شركة سيكست sixt من النت
او شركة يورب كار eurpcar
واختر السيارة اللي تعجبك والسعر اللي يناسبك

ونصيحه ثانيه لاتاخذ سياره من مطار فيينا
لان اصلا ما انصحك تسوق في فيينا
فيينا فيها مترو يغنيك عن السياره
اما زيلامسي وانترلاكن لابد من سيارة

وشاكر اتمنى كذلك من الجميع المشاركه وتفيدوني




الشكر لله
وبالتوفيق

يعطيك العافية اخوي..

بس انا اخترت اخذ السيارة بالمطار افضل من التعب في المواصلات لان اكيد المترو مارح يوديك كل مكان تحتاجه.

الشي الاخر اخوي انا اعتبر جاهل في المناطق المميزه لكن حسب اللي يتكلمون عنه الاعضاء زلامسي و كابرون وانترلاكن هذه المناطق اللي اسمع عنها كثير
هل في مناطق اخرى في النمسا مثلا غير زلامسي ازورها!؟


سؤال عزيزي رائد انا اتحدث الانجليزي ممتاز فهل تكفي ؟ لان ماعرف اتكلم فرنسي ولا الماني؟

الشي الاخر اذا استخدمت السيارة هل الجبي اس انجليزي؟

اخي الكريم هاخوي رائد ماقصر معاك
انت لوحدك ؟؟
وخفافي ولا تحب الاستكنان ؟
المبلغ بيكفيك ان شاء الله
13 يوم على اقل تقدير
اذا كنت تتحدث الانجليزيه توجد مكاتب استعلام للسياحه
واذا تبي سيارة لازم من gps

تبدأ بفيينا ليلتين
او ميونخ لقربها من زيلامسي

زيلامسي 4 ليالي
انترلاكن 4 ليالي
بادن بادن او روست ليلتين
والعوده من فرانكفورت

السيارة تستأجرها من ميونخ اذا خليتها الوصول
او تستلمها من فيرلاسينغ اذا كان وصولك فيينا تطلع لها بالقطار الى سالزبورغ وبعدها بالتاكسي تقريباً 8 كم

وتسلمها في مطار فرانكفورت

هذا الجدول الاول

الجدول الثاني

ميونخ ليله
زيلامسي 5 ليالي
انترلاكن 4 ليالي
جنيف او لوزان او انسي 3 ليالي
وافضل الاخيرة وهذا رأيي ابحث عنها جيداً حتى تجد ما تحب

طريقة استلام وتسليم السيارة
تستلمها من ميونخ المطار
وتسلمها في جنيف المطار
لكن اخذ في الحسبان اذا سلمت السيارة في دوله غير دولة الاستلام توجد ضرائب وتختلف من شركه الى اخرى تقريباً 200 يورو

اختار ما تريد

النصائح
سجاده للصلاه
مواعيد الاذان لكل مدينة
البعد عن الحرام في كل شي اكل وشرب و النظر الى الحرام
جهاز garmin nuvi خرائط اوربا الاصليه ومحدثه
التزم السرعه المحدده وكذلك المسار
ربط حزام الامان يشددون عليه
الرخصه الدوليه وكذلك الرخصه السعوديه
بروشورات السكن
والسيارة
والقطار في حال حجزه الى سالزبورغ من فيينا
اضف الاحداثيات على الجهاز


بالنسبه للجي بي اس بعض السيارات اذا استأجرتها يجي معاها
الافضل تاخذه من السعوديه ويكون جاهز

الميزانيه في النمسا


جرب هذة الخطوات
1- جرب اسعار الشقق لانها اوفر من الفنادق في الاماكن اللي تبي تسكن فيها ودونها عندك
2- شوف حجز السيارة كم يطلع عليك ودونها عندك
3- متوسط الصرف في النمسا تقريباً 100 الى 150 يورو في اليوم تزيد او تنقص قليلاً للشخصين وابني على ذلك
4- سعر التذاكر
5- سعر التأشيرات

اجمعها كلها وتعرف كم لك وكم عليك .....

الاشياء الممكن عملها للتوفير
1- اخذ معاك بعض المعلبات والاكل من السعوديه وانتبه لوزن الحقيبه
2- السكن في الشقق
3- تقليل التنقلات وتغيير السكن
4- سيارة ديزل
5- تناول وجبة واحده في مطعم والباقي في الشقه
6- السكن في فنادق او شقق في زيلامسي او كابرون توفر بطاقة زيلامسي كابرون الصيفيه
Zell am see - kaprun اللتي تخولك لدخول اغلب الاماكن السياحه مجاناً والبطاقه تستفيد منها من تاريخ 15 مايو الى 15 اكتوبر

الميزانية في سويسرا


جرب هذة الخطوات

1- جرب اسعار الشقق لانها اوفر من الفنادق في الاماكن اللي تبي تسكن فيها ودونها عندك
2- شوف حجز السيارة كم يطلع عليك ودونها عندك
3- متوسط الصرف في سويسرا تقريباً 150 الى 200 فرنك في اليوم تزيد او تنقص قليلاً في سويسرا
4- متوسط الصرف في المانيا تقريباً 100 الى 150 يورو في المانيا تقريبا

5- اسعار التذاكر

اجمعها كلها مع بعض وشوف كم تكلفك ...
Y n

الاشياء الممكن عملها للتوفير
1- اخذ معاك بعض المعلبات والاكل من السعوديه وانتبه لوزن الحقيبه
2- السكن في الشقق
3- تقليل التنقلات وتغيير السكن
4- سيارة ديزل
5- تناول وجبة واحده في مطعم والباقي في الشقه
لان ممكن تكلفك وجبه في مطعم هندي اللي هو تاج محل اللي في انترلاكن 250 ريال

معلومات عامه حول الاماكن السياحيه
1- ممكن يكلفك الصعود الى قمة جنقفراو 600 ريال للشخص والافضل تلافيها والصعود الى قمة تتلس ارخص منها ولكن ما ادري كم بالضبط ممكن الاكتفاء بقمة كابرون بالنمسا ببلاش مع البطاقة ..
2- ممكن يكلفك الصعود الى قمة frist وتجربة الزحليقه اللي فيها تقريباً 650 مو متذكر السعر بالضبط ولكن في حدود هذا المبلغ لشخصين
3- ممكن يكلفك تجربة البارشوت مع اخذ الصور اللي يصورها لك المدرب تقريباً 170 فرنك =700 ريال للشخص

وفي الاخير
انت من يحدد الصرف

مرحبا يالغالي شخص ما

يعطيك العافيه كذلك على النصائح وكل الشروحات... وكلامك روعه
انا يمكن اكون مع صاحبي ولكن الى الان ماني متاكد اذا راح يجي معي بس اكيد لو جا معي راح يكون افضل وتكون القطيه الفلوس افضل.

بس انا افضل هذي المرحله فقط ازور دولتين وهي النمسا وسويسرا .. اكيد بودي اني ازور دول كثيره مثل فرنسا وايطاليا والمانيا لكن الزيارة هذي راح تترتب عليها
صرفيات اكثر لان لو بسافر لدول هذي احتاج إلى حجز فنادق وراح تكلفني كثير ..

الشي الاخر حاب استفسر منك بخصوص الجبي اس ذكرت لي انه لازم اجيبه معي من السعوديه طيب انا اللي اعرفه انه يكون موجود ويقدمونه لي من قبل الشركه!
ولا تتوقع انه مايكون انجليزي!؟ علشان كذا قلت لي اخذ جبي اس من السعوديه؟

الله يعافيك
بالنسبه لل gps بعض السيارات يكون مزود فيها واللي شفته انا باللغه الالمانيه
وبعض الشركات يوفره لك لكن السالفه وما فيها انه لو طلبته مع حجز السيارة بيطلع عليك سعرة اكثر من قيمة شرائه من السعوديه
بمجرد انك تبحث عن السيارة وتضع في خياراتها gps تشوف كم يطلع عليك السعر
والشي الثاني يكون ليس جاهز انك تضطر كل يوم تدخل العنوان او الاحداثيات لكل مكان تريد الذهاب اليه .

نصيحتي لك
التوجه الى اقرب مكان يوفر هذة الاجهزه
الغربيه
دار موجه ( سعرة مبالغ فيه )
موجه ( سعرة ممتاز )
الوسطى والشرقيه
متجر دار موجه
متجر العامه
ما ادري هل يوجد فرع ( موجه ) بالوسطى والشرقيه

وكذلك توجد اجهزه تفي بالغرض
Garmin nuvi 42 خرائط اوربا الاصليه ومحدثه اخر اصدار
لم اجربه لكن فيه واحد من الشباب معاه الحين يبي يجربه في الايام القادمه اذا سفرك باقي له وقت علمتك ان شاء الله
سعره 600 ريال تقريباً .

وكذلك يوجد
Garmin nuvi 3590 وهذا انا مجربة ماشاء الله ممتاز
سعره عند موجه 1480 خرائط اوربا الاصليه وتحديث مجاني مدى الحياه وضمان سنه او سنتين ناسي بالضبط
وخرائط الشرق الاوسط وشمال افريقيا

وكذلك نوع 3597 ممتاز
نفس مميزات 3590
سعرة عند الوكيل دار موجه 1989 او 1889 ناسي بالضبط

اختار اللي تقدر عليه .

تحياتي ...... من الموبايل