شكرا على مقدمتك الجميله
بارك الله فيك

بالنسبه للوجبات :
لك فقط وجبة فطور وعشاء
الفطور : تحضره بنفسك
العشاء من الساعه 6 الى 7 ونصف تقريبا مساء

بالنسبه للسؤال الثاني
عن المواصلات :
في نوعين من الباصات
واحد ازرق وهذا المفضل لدي وهذا اغلب الاحيان يتعامل المعهد مع العوائل الي تستخدم هل الباص
وفيه اصفر وهذا انا ما استخدمته الا قليل
اول ماتوصل المعهد تطلب كرت باص شهري قيمته 46 باوند لمدة شهر مفتوح يالغالي
واذا انتهى تعبيه من الباص نفسه
وتقدر تاخذ اسبوعي من الباص نفسه 13 باوند , مفتوح
اقصد مفتوح / يعني تقدر تستخدمه باليوم مليون مره

بالنسبه للسؤال الثالث
وهو الرحلات :
المعهد يقدم احيانا كل اسبوعين تقريبا رحله خارجيه وتكلفتها ماتتجاوز 25 باوند
وتقدم انشطه شبه يوميه او بالاسبوع مرتين منها مجانا ومنها قيمة رمزيه لاتتجاوز 6 باوند

في جميع الانشطه انت مو مجبر للذهاب لانه امر اختياري للطالب
ولا مجبور تدفع

بالنسبه للمصروف :
محد يقدر يحدد هذا الشي
لاني انا مره جلست اسبوعين بالبيت ماطلعت
ماصرفت نهائي يالغالي
لكن اذا طلعت راح تصرف
وماتدري شنو الي راح تصرفه فيه
لكن خلنا نقول المتوسط بالنسبه لي انا يا بيبسي كولا هي 10 باوند يوميا غير اللالتزامات مثل الباصات
يعني 300 باوند
واحيانا يالغالي افوتها واصل الى اكثر من 900 باوند
واحيانا ما اوصل 300 باوند

مسالة الصرف صعبه بالنسبه لي يالغالي
ما اقدر احدد شخص عن اخر
انت تعلم بنفسك اكثر من غيرك

بالنسبه للامتحانات :
في امتحان كل نهاية كورس , ومثل ماذكرت الكورس عندهم مدته شهرين
والاختبار مجانا


بالنسبه للنصيحه :
انا صارلي حاليا 5 شهور
اشوف نفسي تطورت جدا
المعهد كويس بالنسبه للمعاهد الثانيه , من حيث السعر ومن حيث الاداء
انا ممكن الي مأثر علي هو رجعاتي للكويت كثير
يعني بكره عندي طياره الى الكويت لمدة شهر ونصف تقريبا
انا انصحك انك تروح وتاخذ كورسين
يعني 4 شهور وبعدها ترجع كم يوم وتكمل

نصيحتي : الصبر في دراسة اللغه هي المطلب الاساسي لي ولك , ابذل مجهود , حاول لو تخصص نصف ساعه للمذاكره اقل شي يوميا ,
اطلع مع الاجانب بعيد عن اماكنهم المشبوهه
استعير قصص من مكتبة المعهد , وحاول تخلص كل اسبوع قصه , روح بوقت فراغك الى الليسن سنتر , واسمع قصص ,
بمعنى خل عندك خطه :
بتطوير نفسك بالقواعد من خلال المدرسه
والمحادثه مع الاجانب من الطلبه وغيرهم
بالقراءه للقصص حتى لو ماكنت تفهم , الاهم انك تقرأ
الاستماع من خلال الليسن سنتر .
هذي الخطه كافيه لتطوير نفسك بسرعه اذا استمريت عليها
والله المستعان



اسال الله العظيم التوفيق لنا ولكم

تحياتي

مواضيع عشوائيه ممكن تكون تعجبك اخترناها لك: