الموضوع: دراسة اللغة لمدة شهور ممكن مساعده

السلام عليكم ورحمة الله وبركاته

في البدايه كان التخطيط للسياحه لكن حبينا نستفيد من الاجازه ونشوف اذا نقدر نخليها دراسه وعندي استفسارات عشان اقرر:
عائلة من 4 اشخاص انا واخوي فقط الي نحتاج دراسة اللغة.
1-رشحولي الولايات تكون جيده للدراسه وكم سعر المعهد فيها مع الاسم وماتكون مليانه سعوديين.
2-كيف تنصحوني طريقة السكن؟ نسكن كلنا في شقه او انا واخوي عند عائله وامي وابوي في شقه؟ ايش الاحسن ؟ والارخص ؟
3-بتكون في الاجازه الصيفيه من 6/6/2013 الى 30/82013 طبعا بيكون شهر رمضان فرشحولي ولايه الصوم فيها معقول ويكون جوها حلو واتمنى يكون فيها مسجد وقريب من السكن..
4-هل اختياري لامريكا صحيح او تنصحوني اغيرها؟ وهل الفيزه لي انا واخوي دراسيه وامي وابوي سياحيه؟

الله يوفقكم ساعدوووني وشكرااا لكم ❤ من الموبايل

مواضيع عشوائيه ممكن تكون تعجبك اخترناها لك:

• أرخص مدينة بريطانية لدراسة اللغة و البكالوريس على حسابي الخاص
• عندي سؤال ياليت احد يجاوبيني علية
• شنو الوضع في امريكا
• الضمان المالي
• دخول امريكا
• هل من الممكن اكمال دراستي بحسابي الخاص
• ومعهد
• طلب مساعده في دخول مكتبات
• الاتصال على السفارة
• عضوة جديدة مساعدة
• ياجماعه انا ماخلصت اوراقي اروح للوزارة والا لا ؟؟
• للمساعدة عن بداية الدراسه ببريطانيا للماستر
• ارجو المساعدة بسرعة استفسار
• سوال للمقبولين مبدئيا نرجو الاجابة
• ممكن نماذج توصيات للدكاترة حقين الجامعه الله لا يهينكم
• ارجوكم ساعدوني لاتطنشوني
• الفيزة مانشستر هو كذا اسمها ؟
• المكافأه بعد الزيادة كم تصبح؟
• عاوز اعرف اسعار الدراسة فى بريطانيا
• مدينة بولاية

ما اعرف شنو أقول لك لأنه ياما ولايات حلوة بامريكا تستاهل السياحة. ابشرك السعوديين اقتحموا امريكا فحتشوفيهم حتشوفيهم.
بما انك رايحة سياحة و دراسة أرشح ولاية كاليفورنيا و جامعة university of california بس هالجامعة فيها كثير campuses بعدة مدن خلي اهلك يختاروا أي مدينة.
بما انه بيكون رمضان اجلسي انتي و أهلك مع بعض أريح و أحسن.
معك حق إنتي و أخوكي فيزا f1 للدراسة و أمك و أبوك فيزا سياحة.
رحلة موفقة و تروحوا و ترجعوا بالسلامة.

الله يوففففقك ويجزاك كل خير يارب

اخوي عمره 16 مدري يقبلونه كل المعاهد ؟
وانا لغتي متوسطه وودي استفيد من اللغه اكاديميا في دراستي عشان كذا احتاج معهد قوي او يكون تابع لجامعه مايكون تجاري،،،


قريت عن الولايات وكثييير يمدحون ولاية أوهايو يقولون رخيصه والجو حلو ،،،
هاه وش رايك فيها ؟؟ اخاف تصير مليانه عرب واتوهق ..
ورايك في هذا المعهد ALP في مدينة كولومبوس اذا فيه افضل ممكن ترشح لي معهد والمدينه تبعه ،،

وكمان ولاية أوريغون اعجبتني مافيهاضرائب فاكيد بتكون ارخص ،،وش رايك ؟
المعهد / american english inst في مدينة يوجين.
او معهد جامعة أوريغون University of Oregon
معهد جامعة بورتلاند ستيت في أوريغون Portland State University
معهد جامعة أوريغون ستيت Oregon State University


وقريت واحد كاتب درس 3 شهور في ولاية اوريغون ب 2000 دولار للمعهد يعني كل الاسعار بذي الحدود لان اشوفه سعر مناسب جدا؟؟؟

طيب الخطوه الثانيه وش اسوي ؟ يعني بعد مااعرف وش اسم المعهد كيف ارسله او وش الطريقه؟؟؟


وشكراااا واسفه جدا اذا طولت من الموبايل

اختي اذا بتدرسين لغه لازم تتبعون نظام الاقامه

اذا كانت ساعات الدراسه الاسبوعيه اقل من ٢٠ ساعه بنظام البارت تايم ، تاخذون فيزا سياحيه
واذا كانت ٢٠ ساعه واكثر بنظام الفل تايم ، تاخذون فيزا دراسيه

المعاهد القويه اسعارها بالشهر من ١٠٠٠ دولار وطالع
نظام بالصيف كورس مكثف يبتدي عادةً من شهر ٥ ( مايو )

بالنسبة للسكن انتو وعايلتكم
يلزمكم شقق مفروشه
لان مدتكم مدتكم قليله
ونظام التأجير من ستة اشهر وطالع

عشان جذية بأعتقادي ماتفرق اذا سكنتو في ولايه رخيصه ولا غاليه
لان اللي يحدد الغلى هو السكن ، ولا المعيشه تقريباً هي نفسها

تفرق اللي بيقعد مدة طويله

شكرااا جزاك الله كل خير يارب ،،،
والله زدت حيره طيب اخوي انا ودي اعرف كيف اسجل يعني وش اسوي هل ارسل للمعهد او وش الطريقه وانا ماعندي طرق تواصل مع المعهد
واذا 1000 دولار حلو السعر يعني 3 شهور ب 3000 دولار يعني كويس ممكن الله يوفقك تعطيني الطريقه ومعاهد قويه بنفس السعر الي قلته
وكمان من ناحية الفيزه كيف اعرف اذا الدراسه بتكون بارت تايم او فل تايم ؟؟ لان ودي استعجل بالفيزه فاذا بتكون سياحيه ابدا اسويها من اللحين
+
اجازتي فقط شهر 6،7،8 يونيو،يوليو،اغسطس ممكن احصل معاهد بهذي الاشهر ؟؟؟ واخوي عمره 16 يقبلونه؟؟

وجزااااك الله الجنه ...، من الموبايل

اختي المعاهد القويه يعني اللي تابعه للجامعات اوقاتها محدده
يعني تلقينهم يبتدون شهر خمسه في اغلبهم

بعضهم يطرح كورس لمدة شهر وبعضهم لشهر ونص

مافيه ثلاث شهور

وافضل حل تدرسون في بريطانيا لان الفتره قصيره
وانتو تبونها سياحه ودراسه
فالافضل بريطانيا لقربها من الخليج
ولان الفيزا سهله
واسعار المعاهد ارخص من امريكا
والتنقل فيها سهل بالقطار والباص

واذا على الخليجيين وكثرتهم
امريكا الان مليانه خليجيين واغلب المعاهد فيها نسبه لايستهان فيها

واذا معزمين على امريكا

تسجلين في المعاهد التجاريه المستقله مثل اي ال اس هذي كل شهر تطرح دورة وهذا بيريحكم انكم مب مجبورين تتقيدون بوقت المعهد

بالنسبه للسكن اختي بيكلف عليكم لانكم بتسكنون في شقه وهالشقه بتكون مفروشه والعقد بيكون قصير يعني لمدة قصيرة

اتوقع مب اقل من ٣٠٠٠ دولار فالشهر

http://www.arabtravelersforum.com/travel545328/

بالتوفيق

الله يجزاك خير ماقصرت ع الاقتراحات الحلوه الله يوفقك
طيب السؤال المهم كيف اسجل في المعهد؟؟؟؟؟

وانا فكرت ببريطانيا لكن اخاف معاهدهم بالاكسنت حقهم وهو صراحه ينرفزني رغم ان اللغة الاساس هناك لكن مااحبه ،،
واخترت امركيا لان ودي اذا اعجبنا الوضوع وقدرت اكمل دراستي هناك لان بريطانيا موقف الابتعاث (بس هذا احتمال ضعيف يعني ممكن اسوي الاجاراءات ويمكن لا) ،،
وبعد بريطانيا بالصيف اتوقع مكدددسه خليجيين سياحه وغيره ،،
احترت صراااحه لكن انا اذا عرفت كيف اسجل بشوف الاثنين في بريطانيا وامريكا واحسب التكاليف كامله واشوف مين ارخص ونتوكل ،،،
طيب اقدر في ايرلندا وش رايك ؟؟


والله يوفقك صراحه مدري كيف اشكرك ماااقصرت ،،، من الموبايل

اختي معاهد اللغه التجاريه في امريكا في غالبها مب رخيصه
يعني السعر من ١٢٠٠ دولار وطلوع فالشهر
والله حرام هالسعر والمستوى ضعيف

وبنفس الامكانيات تقدرون تسجلون في المعاهد البريطانيه باقل من هالسعر

التسجيل تدخلين على موقع المعهد وتطبعين الطلب وتكتبينه بخط اليد وبعدها تسوين سكان له ولاخر شهادة دراسيه والجواز
وترسلينه لهم
ويمكن خلال اسبوع يجيكم القبول وتبتدون بامور الفيزا
سواء للمعاهد البريطانيه او الامريكيه

بالتوفيق

الله يوفقك ويجزاك خير
اهلي اعجبتهم بريطانيا فشكلي ببحث عن مدن ومعاهد فيها والله يسهل بحاول احجز في مناطق ماتكون سياحيه عشان مااشوف العرب :/
ماااااقصرت واذا احتجت شي برجعلك جعلك في الجنه من الموبايل

العفو اختي
حق وواجب نخدمكم