ممتاز اختيارك للمارينا وان شالله تنبسط وماراح تندم انا رشحت لك فندق pan pacific وانت كنت حاط ببالك مارينا ماندرينا وكلهم ممتازين وعلى فكره قريبين من بعض تقريبا وايضا في محطه مترو تبعد عنهم مسافه ليست بعيده انت ادخل النت وشوف صور وتعليقات عنه وشوف تكلفت السكن في الاثنين والي ترتاح له اكثثر توكل على الله لان كلهم ممتازين صراحه من ما قرات عنهم لاني لم اجربهم صراحه وانا لو كتب الله لي زياره ثانيه لسنغافوره راح اختار احدهم ان شالله

بالنسبه للتكاسي هناك رقم لشركه التاكسي زي رقم موحد ( للاسف ماحصلته ) الافضل انك تبحث عنه وتسجله عندك وبامكانك قبل لا تطلع من الفندق او اي مكان انت فيه تتصل ويوفرون لك تاكسي يجيك
الي لاحظته بالتكاسي هناك ما تقدر تاخذ تاكسي من اي مكان في اماكن مخصصه وفيها انتظار بس اذا كلمتهم وحجزت باسمك ياتي التاكسي لعندك بس مقابل انتظار ١٠-٢٠ د حسب توافر التكاسي بالاضافه للسعر بيزيد مبلغ تقريبا ١٠$ او تزيد
غالبا الفنادق عندهم مكان للتكاسي وكذلك الاسواق ولكن الفنادق وكذلك المطار احيانا يكون عندهم ليموزين طبعا بسعر اغلى وصدقني لاتستخدمها لان المشاوير قصيره غالبا والتكاسي العاديه ممتازه ونظيفه ومرتبه فحرام تدفع ١٠٠ دولار زياده تصرفها في شي ثاني افضل
الاسعار اشوفها معقوله مش مبالغ فيها من المطار للاوركاد كان تقريبا ٤٠ $ واتوقع للمارينا بيكون ٥٠-٦٠$
لجزيره سنتوزا كان تقريبا ٣٠-٤٠$ الوقت ايضا لم تتجاوز ٢٠ د من اوركاد
ابعد مكان كان حديقه النايت سفاري والطيور يمكن المشوار ٤٠ د وكلفت حدود ٥٠$
من الاوركاد للمارينا كان تقريبا ٢٥$ والمسافه مو بعيده مثل ما قلت لك من قبل يمكن ربع ساعه حسب زحمه السير
وفيه ايضا مترو صراحه ماجربته ولكن شفت تقارير عنه بعد مارجعت واعتقد انه منظم ومناسب وراح يوفر عليك الكثير من الوقت والتكاليف

التكاليف طبعا تختلف حسب طبيعه المطاعم ووسيله التنقل والاماكن السياحيه الي تروح لها
بس ممكن تقسمها يوميا بالشكل التالي :
١٠٠ $ مواصلات اذا اعتبرنا ان التاكسي هو الوسيله الاساسيه وبتروح مكانين باليوم ممكن تقل اذا استخدمت المترو او كان ذهابك لمكان قريب او كان وجهه واحده فقط
٢٠٠ $ مصاريف وجبتين افطار وعشا (سناك خفيفه بينهم ) لشخصين بمطاعم ممتازه ولكن ليست فخمه جدا او بفندق مثلا لان ممكن تزيد دبل المبلغ بس هذا اعتبره المعقول
١٥٠$ مصاريف تمشيه مثل تذاكر دخول لبعض الاماكن لشخصين وومكن تكون اقل بعد

يعني تقريبا ممكن تضع ٥٠٠$ يوميا اشوفها كافيه لشخصين بالراحه ووممكن بعد ما تصرفها كامله
طبعا التسوق بره الموضوع لان ممكن ما تتسوق ولا تشتري شي او ممكن تصرف ١٠ الاف او اكثر حسب مشترياتك

مواضيع عشوائيه ممكن تكون تعجبك اخترناها لك: