الموضوع: الفزعه الفزعه يا اخوان؟؟؟؟؟؟؟؟؟

السلام عليكم ورحمة الله وبركاته
ابي فزعه من اهل الخبره ناوي باذن الله السفر لكوريا الجنوبيه بتاريخ(6نوفمبر الي 21نوفمبر) انا والعائله انا وزوجتي وطفلين ارجو مساعدتي والرد على استفساراتي ولكم جزيل الشكر:
س0هل الوقت مناسب والاجواء؟
س0برنامج مقترح وفنادق خمس نجوم وقريبه من الخدمات؟
س0توزيع الايام على المدن (سيول -جيجو)؟
س0الفعاليات السياحيه واوقاتها ؟
ولكم جزيل الشكر

مواضيع عشوائيه ممكن تكون تعجبك اخترناها لك:

• بم تنصحون من يريد السفر وحده أسبوع أو أقل
• تليوان
• رحلتي لـ سوريا دمشق اللاقية ام الطيور
• استفسار عن اوتيل تافرن نيو
• منـتجع جبـل الشيـخ
• صور حصرية لفندق مارينا باي ساندس في سنغافورا
• تقرير رحلتي لبلاد الأسد سنغافورة ليالي مفصلة
• من ذهب إلى الصين ؟ ضرووري
• رحلتي الجديدة إلى باب السريجة مع الصور السائحية
• رحلتي العائلية الى البلاد الشامية عيد الاضحى
• الجو في جورجيا في شهر أكتوبر
• رحلتي لسنغافورة ساعدوني
• استفسارات متعددة عن فيتنام للعضو
• ارجوامساعدتي في سنغافورا سفري بعد ايام
• ساروجة اسطنبول الصغرى في قلب دمشق
• احتاج فندق في دمشق ضروري
• بـــرونـــاي
• رحلتي لعاصمة فيتنام هانووي بالصور
• مدينة حلب فندق السلام
• مسافر الى هونق كونق سنغافورةماليزيا

يالربع الفزعة

وعليكم السلام ورحمة الله وبركاته



لو تضع استفسارك بموضوع الاستفسارات الخاص بكوريا الجنوبية المثبت يجاوبونك أسرع

أو بموضوع الأخ ثامر

http://www.arabtravelersforum.com/travel742325/


أنا اعتقد الأجواء في كوريا في شهر نوفمبر خريف وبتكون باردة

وإن شاء الله الأخوان يفيدونك أكثر

ونتمنى لكم رحلة سعيدة

الف الف شكر لك اختي

نوفمبر الجو بارد خصوصا معك اطفال
وبامكانك تدخل موقع الطقس وتشوف درجات الحراره في شهر نوفمبر
دخلت الموقع وشفت الدرجات اعلى درجة كانت 14 و اقل درجه كانت 2 تحت الصفر
متخيل البرد كيف بيكون مع اطفال

انت تبي سول وجيجو اقسمها
كم يوم سول خلها للتمشي بعيدا عن الاسواق
بعدين جيجو وخل وصولك لها يكون بدري الصباح بحيث مايضيع عليك اليوم تستغله بالتمشي في جيجو اقعد فيها اربع ايام يعني ثلاث ليالي
اليوم الرابع خذ رحلتك عوده لسول المغرب بحيث تسوي خروج من الفندق وتطلع تتمشى بالجزيره الى وقت الرحله
خل ببالك جيجو طبيعه لذلك التمشي فيها راح يكون بالنهار بالليل غالبا مابتلقى شي تستغله فيه
ممكن تروح لعرض النانتا في جيجو بالليل بما انه موجود فيها وبكذا تستغل ليله
وتروح للمدينه ايضا بالليل تتمشى فيها

بعدين ارجع سول بحيث ترجع للتسوق وتكمل فيها جوله

الفنادق كثيره بس انت حريص على سالفة فندق خمس نجوم ؟
انا عندي قناعه فندق خمس نجوم مو ضروري لان الواحد اغلب يومه بيقضيه برا
اهم شي فندق في موقع زين و نظيف
انت لو تبحث في البوكنج وتكون فكره اول وتسال عن اللي تلقاه
عموما

اشوف فندق Fraser Place Central Seoul اربع نجوم جدا رائع لاني سبق واقمت فيه وراح تحصل فيه شقق
وفيه جنبه فندق اسمه فابيان انا شخصيا ماجربته لكن صديقتي الكوريه قالت لي عنه وانه تقريبا في مستوى فريزر وكثير سعوديين يجونه
لو تاخذه في فترتك الاولى في سول

في جيجو اللوتي رائع لاني اقمت فيه وهو خمس نجوم
شيلا رغم اني ما اقمت فيه لكن صديقتي اخبرتني بانه في مستوى اللوتي وربما افضل
فيه فندق جديد افتتح السنه هذي باول الصيف لذلك اتوقع راح يكون رائع منطقته زينه اللي هي منطقة اللوتي و بما انه جديد اكيد راح يكون نظيف اسمه y resort راح تحصله بموقع اجودا وهو اربع نجوم ويقدم شقق
فيه فندق ثاني ايضا اسمه فونيكس حاجه كذا راح تحصله ايضا في اجودا الفندق هذا ايضا ماجربته لكن كان توصيه من صديقتي الكوريه بانه بنفس مستوى فريزر وطريقته
عموما لحجز فنادق جيجو خصوصا انصحك باجودا لانه يطرح خيارات اكثر بكثير من بوكنج

بعد ماترجع سول خذ لك فندق في منطقة تسوق
من ناحيتي انا كنت في ايبيس ميونج دونج وجدا معجبني لان منطقته رائعه و هو كان مرتب ونظيف وخدمتهم زينه ومحترمين
صديقتي قالت لي فندق The Westin Chosun Hotel Seoul موجود في نفس المنطقه وخمس نجوم
و رغم انها اخبرتني بانها راح تحصل لي تخفيض 50 بالميه فيه الا ان السعر صراحه يروع حتى بعد التخفيض اغلى من الايبيس بكثير

حاجه مهمه قبل تروح هناك تاكد بان مافيه اعياد عندهم خلال فترة اقامتك واذا فيه اي اعياد اعرف ايامها بالضبط بحيث ترتب جدولك عليها
اذكر صادفنا عيد و صراحه كان اسوء شي الناس صاروا كثر النمل في كل مكان زحمات لاتطاق

الجدول انت وش الاشياء اللي قريت عنها و ودك تزورها
ايضا فيه اماكن ربما ماترغب بها مثلا متاحف او غيره او اي شي انت ترغب باستبعاده وعلى اساسه سو الجدول
انصحك بموقع tripadvisor
تفرج على الانشطه وحدد الاشياء اللي اعجبتك وعلى اساسها سو لنفسك الجدول
اطلع على الخريطه في المووقع وراح تحصل المواقع بحيث تعرف وشي الاشياء القريبه من بعض تضمها ليوم واحد

اتمنى اكون افدتك ولو قليلا