الموضوع: مطعم كابري الإيطالي المريديان

أولا أحب احيي كل الإخوة اللي تفاعلوا مع الموضوعات السابقة والخاصة بمطعم شابستان ومطعم توتالي فيش :101: :113:
وهالشي شجعني على تزويد أحبائنا ببوابة الكويت بتقارير أخرى عن مطاعم منتقاة متنوعة ومختلفة :101:
وكانت فترة توقف عن المنتدى على مدى إسبوعين وذلك لذهابي لاداء فريضة الحج ولله الحمد
نسال الله القبول .:101:
وتدرون بعد العودة من الحج اسبوع كامل ما طلعة من البيت بالليل (زيارات الأهل والأصحاب)
وبعد هالفترة قررت يوم الجمعة (قبل يومين) إني أطلع وأغير جو وأروحي مطعم مع المدام طبعا بصحبة أحمداني (صار إهو -القايد - مالنا)هاهاها :109: :109:

وحطت رحالي على أحد المطاعم المفضلة لدي وهو
مطعم كابري الإيطالي بفندق المريديان - بنيد القار .وأعددت لكم هذا التقرير وإنشالله يعجبكم

مواضيع عشوائيه ممكن تكون تعجبك اخترناها لك:

• اليكم بعض الصور من دولة الكويت م تصوير هبوب الامارات
• سؤال عن الثوب الكويتي
• رأيكم
• طلبتكم يا حبايبي يا اهل الكويت استفسار مهم جدا يخصني
• سؤال عن الانترنت بالكويت
• جولـــــــــــــــــــــة فى ربوع الكويت
• لولو هايبر ماركت كل شي غريب تحت سقف واحد بالصــــــــــــــــــــــــــــــــور
• اليوم الكويتية أنطلقت الى أسطنبول التركية
• الكويت معرض للعطور والاخر للساعات
• السلام عليكم يأهل الكويت الكرام
• رحلتي للكويت الحبيبةفندق مارينامعالم الكويتصور
• مطعم الكنفاني يا أهل الكويت
• استفسآر عن شقق هلآ موتيل
• سحر دوله الكويت العزيزة
• كلمات تغنت بحب وطني الكويت
• هونج كونج من جديد تقرير مختصر
• صور جديدة من عاصمة المستقبل
• برايم اند توست للذويقة
• زيارة الكويت للمرة الثانية إستفسار
• اريدة زيارة مجمع الكوت والفروانيه العربيد ومول 360 وسوق شرق والمركز العلمي

الله يعطيك العافية


بالتوفيق الدائم للجميع

حج مبرور وسعي مشكور واسال اله ان يتقبل منك ومن كافه المسلمين وبالانتظار للتقرير شوقتنا للاكل الايطالي

[align=center]
[cell="filter:;"][align=center]ماشاءلله عليك يابو احمد

دائما مواضيعك اكل وطبخ ونفخ :109:
الله لايحرمنا من ما تتحفنا به وتخدم به بوابتنا الجميلة والاخوه الاعضاء عساك على القوة

وانا راح اسوي أعادة ترتيب الكلام اللي فوق الصورة رقم ( 1، 18 ) لان الكلام طالع على اطراف الصورة من تحت ...

كل الشكر لك عزيزي ابو احمد .. وانا اقول عليك عشاء او غداء بس افضل عشاء علشان الخصم وبطاقة البار اكسلانس .. :109:[/align][/cell]
[/align]

تسلم أخوي الباب العالي على المرور
وإحنا حاضرين نخدم زوار البوابة من كل المواقع سواء بالرد على أسئلتهم أو إعداد التقارير التي تظهر اللكويت كبلد سياحي
وإنشالله في البال تقارير أخرى عن مجمعات الكويت بس يبيله إعداد ووقت

بس إشرايك بالمطعم ؟؟؟؟؟
وحاضر قول متى تلاقيني أقولك حياك بأي مطعم تختاره :101:
(بس لا تظن إني متين -انا احب اروح المطاعم بس الوزن بالنسبة لي خط أحمر الحمدلله انا أقوم بعدد من الرياضات):109: :109: :109:

وبإنتظار ردود الإخوان على الموضوع .

وشكرا للإخوان عاشق سفر
والأخ ناصر كويتي (وإنت لك شكر خاص بخصوص موضوع سفري لدبي إذا تذكر يوم سألت عن موقع فندق جراند موف) وأهم شي شفت تقرير دبي ؟؟؟؟

عليك بالعافيه يا ابوحمد وانت والمدام واحمداني اللي وده يلعب بالاكل لو مخليه

بس المطعم شكله بوفيه الواحد وده يطلب اكل ايطالي يجهزونه له على كيفه لو عندهم يمكن نروح له وبالنسبه حق البطاقه اشتركت وياهم قبل سنتين ورحت حق مطعم هاليبوة يمكن هذا اسمه بس مره وحده والمطعم انصحك تروح له ولازم تكون يوعان حدك علشان تاكل على كيفك

اول شي حج مبرور وسعي مشكور وتجارة لن تبور
ثانيا نشكر لك اسلوب العرض بس الاطباق الايطالية شخبارها بالبوفية الفتوشيني وغيرها والبيتزاا
ممكن ولا عليك امر تعطيني فكرة اكثر عن البطاقة ومميزاتها وكم سعرها وكيفية شرائها شكرا لك وتقبل تحياتي

[quote=ناصر كويتي;1053865]عليك بالعافيه يا ابوحمد وانت والمدام واحمداني اللي وده يلعب بالاكل لو مخليه

بس المطعم شكله بوفيه الواحد وده يطلب اكل ايطالي يجهزونه له على كيفه لو عندهم يمكن نروح له وبالنسبه حق البطاقه اشتركت وياهم قبل سنتين ورحت حق مطعم هاليبوة يمكن هذا اسمه بس مره وحده والمطعم انصحك تروح له ولازم تكون يوعان حدك علشان تاكل على كيفك [/quote]

شكرا أخوي ناصر
وفعلا البوفيه فيه عادة طبقين أو ثلاثة إيطاليين
مثل الباستا مع الكريم صوص
والفيليه هامور بالطريقة الإيطالية
وكذلك شوربات إيطالية مثل شوربة البروكلي مع الزبدة روعة
والخبز الإيطالي
وصح كلامك المطعم هاليبوه (إهو مطعم المرسى ) وقعدته على النظام القديم وتشوف كله مشغليلك درب الزلق والاقدار :109: :109:

فعلا حلو .

تشكر على التقرير الحلو....

والله يخليلكم احمداني و لما تشيب و تطيح ضروسك يدورلك مطعم اكلهم لين ....

خخخخخخ

المشاركة الأصلية كتبت بواسطة eyesmax
http://www.arabtravelersforum.com/tr...3/#post1054043

تشكر على التقرير الحلو....

والله يخليلكم احمداني و لما تشيب و تطيح ضروسك يدورلك مطعم اكلهم لين ....

خخخخخخ



هههههههههههههههههههههههههههههههههههههههه

هذا اذا خلاهم ياكلون مسكين حارمينه من الاكل الله يخليه لكم ويتربى بعزكم

المشاركة الأصلية كتبت بواسطة حكومة
http://www.arabtravelersforum.com/tr...8/#post1053998

اول شي حج مبرور وسعي مشكور وتجارة لن تبور
ثانيا نشكر لك اسلوب العرض بس الاطباق الايطالية شخبارها بالبوفية الفتوشيني وغيرها والبيتزاا
ممكن ولا عليك امر تعطيني فكرة اكثر عن البطاقة ومميزاتها وكم سعرها وكيفية شرائها شكرا لك وتقبل تحياتي



الله يسلمك يا حكومة وذكرت موضوع الاكل الإيطالي بالرد السابق
وعلى فكرة المطعم كان قبل سنة ونصف نظام أوردر وكان المنيو مبين لك إنه أغلب مأكولاته إيطالية بس تغير وصار بوفيه والبوفيه لابد غنه يكون متنوع ومع هذا تلاحظ الأكل الإيطالي موجود بشكل بارز

وبالنسبة للبطاقة
الباكيج الكامل بقيمة 63 دينار
يقدمولك بطاقتين واحدة للشرق الأوسط وواحدة على مستوى العالم
البطاقة الخاصة بالشرق الأوسط تقدم لك خصومات على فنادق المريديان الموجودة بهذه الدول تصل لغاية 50% وأيضا وأيضا خصومات على المطاعم التابعة للمريديان ، وفي الصيف يسون عرض السكن بالغرفة بسعر 25 دينار بدلا من 50 لحملة هذه البطاقة (من 30/6 إلى 30/9 من كل سنة)+ كيكة مجانا عن حضور عدد 4 اشخاص لاحد المطاعم التابعة لهم وغيرها
وايضا كوبونات مجانية بقيمة 30 دينار لمطاعم المريديان (بس إنت ممكن تشترط عليهم إن يزيدون لك الكوبونات )
انا يوم جددت البطاقة للمرة الثانية قلت لهم اجدد بشرط تعطوني كوبونات مجانية
عطوني كوبونات بحدود 80 دينار + بطاقة مجانية بإسم المدام + ليلة مجانية بفندق المريديان تاور الملاصق لفندق الشيراتون فوربوينتس (يعني كنت مطلع قيمة البطاقة مسبقا قبل لا استخدمها):109: :109: :109:
بصراحة وايد جيدة وراح تحس بالفرق خاصة إذا كنتوا شخصين يعني إذا كانت الفاتورة 20 دينار تطلع عليك الفاتورة مثلا 11 أو 12 (لأن الخصم 50% يكون على الاكل ولا يشمل الضرائب والمشروبات)
ونظام الخصم شخص واحد 15%
شخصين 50%
3 اشخاص 33%
4 اشخاص 25%
5 واكثر 15%

قبل هالمرة كنت رايح المرسى طلعت الفاتورة 23:500 دينار وبعد تقديم البطاقة إطلعت الفاتورة (14:500 تقريبا)
أظن قدمت لكم معلومات كافية ووافية عن البطاقة

سويت لهم دعاية مجانية:109: :109: :109: :109:
وبغنتظار ردودكم حول التقرير

المشاركة الأصلية كتبت بواسطة eyesmax
http://www.arabtravelersforum.com/tr...3/#post1054043

تشكر على التقرير الحلو....

والله يخليلكم احمداني و لما تشيب و تطيح ضروسك يدورلك مطعم اكلهم لين ....

خخخخخخ




هاهاهاها:109: :109:
تسلم أيزماكس

المشاركة الأصلية كتبت بواسطة ناصر كويتي
http://www.arabtravelersforum.com/tr...5/#post1054075

هههههههههههههههههههههههههههههههههههههههه

هذا اذا خلاهم ياكلون مسكين حارمينه من الاكل الله يخليه لكم ويتربى بعزكم



لا والله أخوي ناصر خلينا ياكل اصلا يناشبنا إذا ماطعينا
و انا أشرب الشوربة يقولي (اته) أقوله يبا ما تصلحلك هاهاها:109: :109: :109:
إضطريت وعطيته

اول شي تقبل الله طاعتك
ثاني شي مشكور على التقرير الرائع وهذا مو غريب عليك والله يعطيك العافية
ثالث شي يبيله زياة حق هالمطعم

حج مبرور وذنب مغفور اخوي فهد الاحمد


ويعطيك العافيه على التقرير الحلو

تقبل الله وحج مقبول وذنب مغفور
وصف رائع بارك الله فيك
اقول عجبتني البطاقه اقدر احصل على اشتراكها وانا بالرياض

سلام عليكم
تقرير وصور جميلة
بارك الله فيك

المشاركة الأصلية كتبت بواسطة مسافرة كويتية
http://www.arabtravelersforum.com/tr...7/#post1054427

اول شي تقبل الله طاعتك
ثاني شي مشكور على التقرير الرائع وهذا مو غريب عليك والله يعطيك العافية
ثالث شي يبيله زياة حق هالمطعم



الله يسلمج إختي ولازم تزورينه وتعطينا رايج :101:

وإختي روان مشكورة على المرور

وريح الشرق حياك الله وإنشالله يكون عجبك التقرير

إختي درة : أتوقع إن البطاقة موجودة بالسعودية وأظن إن لها وسيط بالسعودية لأن بها عدد من فنادق المريديان (الخبر - مكة - المدينة)

والله شوقتنا يابواحمداني

وشكله مطعم حلو وراقي ومرتب

وانشالله بروحله لمن ارد الكويت الاسبوع الياي :")

وبخصوص البطاقه حلوه فكرتها ..

والله يعطيك العافيه على هالتقرير يالطيب .. وبارك الله فيك

الله يعطيك العافيه على هذا المجهود الكبير
وبصراحه ماتوقعت اني اشوف صور من داخل المطعم:108:

المشاركة الأصلية كتبت بواسطة Traveler Q8i
http://www.arabtravelersforum.com/tr...9/#post1056659

والله شوقتنا يابواحمداني

وشكله مطعم حلو وراقي ومرتب

وانشالله بروحله لمن ارد الكويت الاسبوع الياي :")

وبخصوص البطاقه حلوه فكرتها ..

والله يعطيك العافيه على هالتقرير يالطيب .. وبارك الله فيك



يا هلا فيك أخوي بالعافية مقدما:101: :101:

المشاركة الأصلية كتبت بواسطة fw_kw
http://www.arabtravelersforum.com/tr...2/#post1056692

الله يعطيك العافيه على هذا المجهود الكبير
وبصراحه ماتوقعت اني اشوف صور من داخل المطعم:108:




ما أنكر يا أخوي إني لقيت صعوبة بالتصوير وإلا كان شفت أكثر من هالصور وأكثر تقنية
لكن الجو العام ما كان يسمح ويوم الجمعة يعتبر شوي (لوود ) فصعب آخذ راحتي بس الحمدلله إجتهدنا وطلع هذا التقرير

وبتشجيعكم لي إنشالله نكمل هذه السلسة من التقارير .