الموضوع: كلمات تغنت بحب وطني الكويت

بسم الله الرحمن الرحيم

أخواني أعضاء منتدى العرب المسافرون

السلام عليكم ورحمة الله وبركاته


هناك كلمات كتبت في حب هذا الوطن ( وطني الكويت ) وتغنت به أيضا .

لا عجب في أن تكتب بحق هذا الوطن الكثير من الكلمات الجميلة الكلمات الرائعة الكبيرة بمعناها

النابضة من القلب لعطاء هذا الوطن الغالي هذا الوطن المعطاء ،

لا تقتصر الكلمات التي كتبت والتي تغنت على الكويتيين فقط ، بل على الكويتيين وأبناء الوطن العربي

وأكبر مثال على هذا ... كوكب الشرق ( أم كلثوم ) عندما غنت عن الكويت أغنية ( يا دارنا )

من كلمات الشاعرالكويتي أحمد العدواني وألحان رياض السنباطي في سنة 1969م

فأهلا وسهلا بمشاركاتكم بكلمات جميلة كتبت غزلاً بهذا الوطن


:smile125:

مواضيع عشوائيه ممكن تكون تعجبك اخترناها لك:

• استفسار عن قرية يوم البحار
• سؤال لأهل الكويت الكرام
• من يساعدني عطشان
• الفزعه يا اهل الكويت ابي رقم الستي سنتر بالسالمية
• فزعتكم يا رواد الكويت
• صور زيارتي ل هوم سنتر اللي في سنتر بوينت حصررررررررررررررررررررررررررررررررريا
• بخور أهل الكويت
• افضل محلات لملابس الاطفال ــ أين تقع ؟
• بزوركم ليومين فقط
• ياجماعة داخل على الله ثم عليكمويارب ماتخيبون ظني
• صور شاليهات الفارس
• أعلي ابراج في دولة الكويت
• اتحاد الفنادق الكويتي يعلن تقديم خصم على أسعار الغرف
• الكويت بلصور
• من بيتكم لي الأفينيوز
• معرض الكتاب في الكويت أين يقع وما أٌقرب الشقق له
• القادمين الي الكويت احذروا الطقس بارد جدا
• مسافر الكويت أول مرة وعندي اسئلة مهمة اذا تكرمتوا
• الخطوط الوطنية الكويتية تعتزم تدشين رحلات أسبوعية إلى جدة مع بداية رمضان
• حجزت في البودل

وطن النهار

وطني ..وطن النهار أنت النهار يا وطـني
أنت الأمـل لي هل أنت النـهار لي طل

آآآآآآه يا وطن
ياللي انولدت من جديد
أنـت محيـط الأرض
يا موج البحار وطن النهار

***
ويـاك عبرت الزمن الله شكثر يا كويت
قلبي خـفق يا كويت شلتك بيوفي وطن

***
أنت الوطن بس أنت أنت الأصل بس أنت
أنت الحيــــاة بس أنت
غصب على الآلام ترجع وطن من جديد

آآآآآآه يا وطن
ياللي انولدت من جديد
أنـت محيـط الأرض
يا موج البحار وطن النهار

مشكور حبيب قلبي على الموضوع وصح لسانك

وانا من مواليد الكويت وبصراحه اتشرف اني مواليدها لاني اموت عليها كلها تهبل شعب واماكن وطلعات ووناسه بصراحه امنيتي الوحيده اني اسكن فيها وانطريني يالكويت انشاء الله راح اجي بعطلة الصيف بأذن الله لاني ما اقدر على فراقك....

مشكور اخوي على موضوعك واسمحلي طولت ...

المشاركة الأصلية كتبت بواسطة Mr,FirSt ClAss


مشكور حبيب قلبي على الموضوع وصح لسانك
وانا من مواليد الكويت وبصراحه اتشرف اني مواليدها لاني اموت عليها كلها تهبل شعب واماكن وطلعات ووناسه بصراحه امنيتي الوحيده اني اسكن فيها وانطريني يالكويت انشاء الله راح اجي بعطلة الصيف بأذن الله لاني ما اقدر على فراقك....
مشكور اخوي على موضوعك واسمحلي طولت ...




تسلم يالغالي Mr,FirSt ClAss

هذا من طيب أصلك حبيبي وحياك الله بالكويت بالصيف وغير الصيف

بدامك من مواليد الكويت عيل لازم تشاركنا بكلمات حلوة شعر حتى لو خواطر

عن كويتنا الحبيبة

( وطـــــــــن )

مو وطن .. جنة بلادي مو وطن
وأحلى وطن
منوة الأحرار وال يشتكون من الزمن
من يشابه ديرتي ؟
ديرتي .. شوف الضرير
وضحكة الطفل الغرير

من يشابه ديرتي ؟

عشنا بين أحضانج بخير وأمان
حـارسج ربي من ظـروف الـزمان
كل ما نكبر .. كبر فينا غلاج
والعمر يفداج يا كل الحنان

من يشابه ديرتي ؟

يا وطن ماله بهالدنيا شبيه
يعجز التوصيف .. ويش نقول عنه
يا وطن فيه العدل .. والخير فيه
مو وطن هذي بلاد الخير جنه

من يشابه ديرتي الكويت

صح لساااااانك يا إخوي F9y

:113:


وأنا من متابعيك

:24:

إخوك
World Liner

مهما نقول بحق الكويت صدقني اخوي ما نوفيها هي بلدنا عشنا وتربينا على خيرها حلوة بحرها وبردها حلوة باهلها حلوة بلي فيها عسى الله لا يحرمنا منها والله يديم علينا نعمة الامن والامان والتفاهم والى مزيد ان شاء الله من التطور والتقدم و الرفاهية في ظل قائد مسيرتنا سمو الامير الشيخ صباح الاحمد الصباح وسمو ولي عهده الامين الشيخ نواف الاحمد الصباح وسمو رئيس مجلس الوزراء الشيخ ناصر المحمد الصباح.
وقال عبدالله الرويشد في علم الكويت وبلا شك ان العلم هو رمز البلد:

الأخضر في أراضيها
و الأسود خير معطيها
والأبيض قلوب أهاليها
و الأحمر ويل منه يعاديها

الله يحفظ الكويت من كل شر
ودمتم سالمين

المشاركة الأصلية كتبت بواسطة مسافرة كويتية


مهما نقول بحق الكويت صدقني اخوي ما نوفيها هي بلدنا عشنا وتربينا على خيرها حلوة بحرها وبردها حلوة باهلها حلوة بلي فيها عسى الله لا يحرمنا منها والله يديم علينا نعمة الامن والامان والتفاهم والى مزيد ان شاء الله من التطور والتقدم و الرفاهية في ظل قائد مسيرتنا سمو الامير الشيخ صباح الاحمد الصباح وسمو ولي عهده الامين الشيخ نواف الاحمد الصباح وسمو رئيس مجلس الوزراء الشيخ ناصر المحمد الصباح.
وقال عبدالله الرويشد في علم الكويت وبلا شك ان العلم هو رمز البلد:
الأخضر في أراضيها
و الأسود خير معطيها
والأبيض قلوب أهاليها
و الأحمر ويل منه يعاديها
الله يحفظ الكويت من كل شر
ودمتم سالمين




مشكورة أخي مسافرة كويتية على أطلاعج للموضوع

شكره لج على المشاركة الحلوة بكلمات جميله صادقه

عن كويتنا الحبيبة

مو وطن .. جنة بلادي مو وطن
وأحلى وطن
منوة الأحرار وال يشتكون من الزمن
من يشابه ديرتي ؟
ديرتي .. شوف الضرير
وضحكة الطفل الغرير
من يشابه ديرتي ؟
عشنا بين أحضانج بخير وأمان
حـارسج ربي من ظـروف الـزمان
كل ما نكبر .. كبر فينا غلاج
والعمر يفداج يا كل الحنان
من يشابه ديرتي ؟
يا وطن ماله بهالدنيا شبيه
يعجز التوصيف .. ويش نقول عنه
يا وطن فيه العدل .. والخير فيه
مو وطن هذي بلاد الخير جنه
من يشابه ديرتي الكويت
@@@@@@@@@@@@@@@@@@@@@@@@@@@@@@@@@@


نوال


غنت من قلبها قبل لسانها فكانت أروع من غنى في الكويت
تحياتي

المشاركة الأصلية كتبت بواسطة alwanahmed


مو وطن .. جنة بلادي مو وطن
وأحلى وطن
منوة الأحرار وال يشتكون من الزمن



مشكور أخوي alwanahmed

على هذا الأحساس الصادق

وشكرا على مشاركتك في الموضوع :24:

لا تلوموني إذا ذبت بهواها *** او تماديت بمحبتها وغلاها

القمر وده يسمونه الكويت *** والنجوم تغار والله من حلاها

يا بعد عمري وقلبي يالكويت

دام جابر شيخها ويا سعد *** ودام ابو ناصر لهم ذخر وسند

افرحوا يا أهل الكويت بأرضكم *** والله جنة مو بلد ماشالله

يا بعد عمري وقلبي يالكويت

حببتني فيها هالديرة العجيبة *** كل يوم تصير لي أكثر قريبة

حب من أول نظرة حبي للكويت *** ومن كثر حبي لها تغار الحبيبة

يابعد عمري وقلبي يالكويت

لا تلوموني إذا ذبت بهواها *** او تماديت بمحبتها وغلاها

القمر وده يسمونه الكويت *** والنجوم تغار والله من حلاها

يا بعد عمري وقلبي يالكويت

عاشت لنا الكويت وعاشت أهلها ...

أغاني عطرة ... وعيون نظرة ... و ألسنة معبرة ... وكويتٌ مخضرة

(( مع تحيات الشاعر : فارس F_l_b ))

ودي اشاركم بشي اذا ا سمحتولي من الاغاني المميزة لعبدالكريم عبدالقادر وطني النهار وهي نزلت بعد التحرير على بلدنا الغالي الكويت كان لها الاثر الكبير على الكل وخصوصا علي انا لاني من محبين بوخالد لدرجه العشق واغنيه وطني حبيبي نزلت في وقت خطير وهو حرب تحرير العراق وكانت اغنيه ناجحه بكل معنى الكلمه
وطبعا لا ننسى نبيل شعيل ورابج صقر وقفتهم وقت الغزو الغاشم على ديرتنا والله بيضوها من قلب وبوخالد بعد عبدالله الرويشد ماقصر

اشكرك على الموضوع الحلو والشيق لبلدي الحبيب الكويت

المشاركة الأصلية كتبت بواسطة F_L_B


عاشت لنا الكويت وعاشت أهلها ...
أغاني عطرة ... وعيون نظرة ... و ألسنة معبرة ... وكويتٌ مخضرة
(( مع تحيات الشاعر : فارس F_l_b ))



مشكور أخوي F_L_B

على المشاركة الحلوة وناطر منك مشاركة كاملة

المشاركة الأصلية كتبت بواسطة na9erq8


ودي اشاركم بشي اذا ا سمحتولي من الاغاني المميزة لعبدالكريم عبدالقادر وطني النهار وهي نزلت بعد التحرير على بلدنا الغالي الكويت كان لها الاثر الكبير على الكل وخصوصا علي انا لاني من محبين بوخالد لدرجه العشق واغنيه وطني حبيبي نزلت في وقت خطير وهو حرب تحرير العراق وكانت اغنيه ناجحه بكل معنى الكلمه
وطبعا لا ننسى نبيل شعيل ورابج صقر وقفتهم وقت الغزو الغاشم على ديرتنا والله بيضوها من قلب وبوخالد بعد عبدالله الرويشد ماقصر
اشكرك على الموضوع الحلو والشيق لبلدي الحبيب الكويت




مشكور na9erq8 على المشاركة

فعلا وطن النهار كانت قوية ومميزه

لما فيها من عزيمة وإصرار على إرجاع ديرتنا كما كانت بالسابق

وتقول الكلمات (( غصبٍ على الآلام ترجع وطن من جديد )) شوف الإصرار

سلام ياوطني أمان ياوطني

ياساكن الوجدان يا سيد الأوطان

يا أجمل وطن في نظري يا نظري

أنت الكويت

ياعشقي في الصغر ياعشقي في الكبر

انام بأحضانك تنام بأحضاني

عايش على صوتك ياصوت انساني

والله وحبيبي ياوطن

والله وحياتي ياوطن

ياعالي الرايه

ياساكن الوجدان ياسيد الأوطان

يا أجمل وطن في نظري يانظري

أنت الكويت

والله انا ما ادري شكتب عن الكويت الغاليه ويمكن اصعب سؤال اهو(شنو تعني الكويت بالنسبه لي؟)
صحيح اني سعوديه لكني من مواليد الكويت (امي كويتيه)
ومعظم الاهل والجماعه فيها بما فيهم اهل ابوي لانه تقريبا عاش اكثر من نص حياته فيها
فما يعدي شهرالا ونروح لها.وشي اكيد العيد لازم يكون بالكويت والا ما يكون عيد. :24:
فلو تسالوني عن الكويت اقول,,,
....يكفي ان اول ماشافت عيني بهالدنيا كان سما الكويت وشمسها
....يكفي ان اول نفس لي كان من هوا الكويت
....يكفي ان اغلى واعز ناسي كويتين
....يكفي ان جدي وجدتي اللي يسوون الدنيا وترخص لهم روحي كويتين
....يكفي ان احلى ايامي واجل الذكريات كانت بالكويت
....يكفي ان الكويت اهي الوحيده اللي لا اقبلت عليها نسيت همي وضيقتي
....يكفي ويكفي ويكفي منيه لين باجر وما راح اخلص بعد :24:
الكلمات تخلص لكن حبي المجنون لهالديره مستحيل يخلص ومحد يقدر يلومني :106:
ملاحظه: هذا الشي مو معناته اني ما احب السعوديه فلا تفهموني غلط شي اكيد اني احبها
وما في انسان مايحب وطنه اللي عايش فيه :101:

مشكور اخوى على الموضوع الحلو

والاغانى الجميله

من أروع ما غنى في دولتنا الكويت الحبيبه