الموضوع: ناريمان تسال عن الكويت؟

السلام عليكم ورحمة الله وبركاته

انا باروح الكويت الأسبوع الجاي وحبيت استفسر عن بعض الأشياء وياريت تساعدوني وجزاكم الله الف خير



1- احسن المولات اوالمحلات اللي عندها ثياب للعيد شئ جديد وحلو اسماء المحلات اللي تبيع الثياب وشنط واحذيه ؟سؤال لنساء

2-وين نقدر نشتري ثياب رجاليه بدلات + قطعة ثوب وشنو احسن شئ واسم المحل؟سؤال للرجال

3- ابي محل حق احسن مكان الاقي فيه مكياج (الشدو المخملي وين احصله )؟ سؤال للنساء

4-اريد احسن مطعم تايلندي - هندي - فطور وين احسن الأماكن - واهم شئ الأكل الأيطالي مع الأكل سي فود اكلات بحريه ؟ حتي لو كان في فندق

5- احسن سينما في اي مول؟ وشنو الأفلام الجديده الأجنبيه

6- اذا توجد مسرحيات ارجوا ذكر اسماءها وين المكان ؟ واذا يوجد في العيد او بعد العيد

7-هل يوجد بوفيه في برج الكويت وكم سعره؟ وهل الأكل حلو


حبيت اسال كم درجة الحراره عندكم ناس قالوا لي وااااااااايد برد ابرد من البحرين لأن احنا امس درجة الحراره وصلت تقريبا مساءا 15 درجه مؤيه وبعض الأحيان الي 10 درجات بس طبعا الرطوبه قاصفتنا
قصاف 93 % واااااااااايد يعني غصب الروماتيزم يصيدك


والله احب اشكر الكل من يجاوبني وهم اللي بيستفيد من اجاباتكم وخصوصا هذي الأيام وااااااايد ناس تروح الكويت حق ملابس العيد


وتسلمون :24:

مواضيع عشوائيه ممكن تكون تعجبك اخترناها لك:

• استفسار عن رخصة القيادة الكويتيه
• رقم فندق الخليج ضروووووري
• ياليت معلومه عن منتجع شيك يالطيبين؟؟؟
• مطعم تاج للمأكولات الكويتيه
• عن تجربة أيهما أفضل سارة بلازا النوري للشقق
• جدول رحلتي ليومين الي الكويت باختصار
• كافيه بزة
• مساعدة عاجلة
• صوت لأفضل مجمع و مطعم تحبه
• مراسلتكم من حولي بارك
• استفسار بخصوص تأشيرة دخول الخادمة
• عشائي في مطعم بندروزا زيارتي لمركز امنية التجاري ومغادرتي للكويت
• تساؤلات كويتية
• افتتاح أول فنادق جميرا للضيافة في الكويت
• زعطـوطـه فـي سـوق شـرق
• اختكم طالبه الفزعه منكم
• رايح للكويت اول مرة وابي منكم المساعدة
• صور رحلتي ل فيلجا صور للجزيرة الكويتية فيلجا
• استفسار عن الجهراء
• يا اهل الكويت وينكم ؟؟

المشاركة الأصلية كتبت بواسطة ناريمان
http://www.arabtravelersforum.com/tr...1/#post1027079

السلام عليكم ورحمة الله وبركاته

انا باروح الكويت الأسبوع الجاي وحبيت استفسر عن بعض الأشياء وياريت تساعدوني وجزاكم الله الف خير

هلا اختي ناريمان حياج الله بالكويت

1- احسن المولات اوالمحلات اللي عندها ثياب للعيد شئ جديد وحلو اسماء المحلات اللي تبيع الثياب وشنط واحذيه ؟سؤال لنساء

مارينا مول - سوق شرق - الكوت - المهلب - مجمعات شارع سالم المبارك2-وين نقدر نشتري ثياب رجاليه بدلات + قطعة ثوب وشنو احسن شئ واسم المحل؟سؤال للرجال
عندج كاكولي لبيع الاقمشه الرجاليه3-
ابي محل حق احسن مكان الاقي فيه مكياج (الشدو المخملي وين احصله )؟ سؤال للنساء
عندج فافافووم بمارينا مول4-
اريد احسن مطعم تايلندي - هندي - فطور وين احسن الأماكن - واهم شئ الأكل الأيطالي مع الأكل سي فود اكلات بحريه ؟ حتي لو كان في فندق
اذا تبين هندي عندج اشاز اللي بمارينا كرسنت والسي فود عندج توتالي فش بعد بالمارينا كرسنت وعندج لابيازا الايطالي وواسابي الياباني5-
احسن سينما في اي مول؟ وشنو الأفلام الجديده الأجنبيه
عندج سينما مارينا مول وسينما سوق شرق (كل مجمع تلاقين في سينما )6- اذا توجد مسرحيات ارجوا ذكر اسماءها وين المكان ؟ واذا يوجد في العيد او بعد العيد
في مسرحيه البيت بيتك لطارق العلي بمسرح نقابة العاملين بميدان حولي7-هل يوجد بوفيه في برج الكويت وكم سعره؟ وهل الأكل حلو
هذا فطور للنساء فقط اسمه شاي الضحى وسعره 4 دنانير
حبيت اسال كم درجة الحراره عندكم ناس قالوا لي وااااااااايد برد ابرد من البحرين لأن احنا امس درجة الحراره وصلت تقريبا مساءا 15 درجه مؤيه وبعض الأحيان الي 10 درجات بس طبعا الرطوبه قاصفتنا
قصاف 93 % واااااااااايد يعني غصب الروماتيزم يصيدك
درجة الحراره 16 درجه الظهر وتوصل لي 5 درجات بليل

والله احب اشكر الكل من يجاوبني وهم اللي بيستفيد من اجاباتكم وخصوصا هذي الأيام وااااااايد ناس تروح الكويت حق ملابس العيد



وتسلمون :24:



العفو اختي واي خدمه احنا حاااضرين ؟؟

يا إخت ناريمان حياج الله بالكويت وروان بنت بلادي جاوبت على الاستفسارات وما قصرت
وبالنسبة للاضافة
أقول هناك شارع سالم المبارك من ناحية المارينا وزقزاق (الخط المتعرج) وكيتكات وبالقرب من الشرقية للأدوات الرياضية يوجد عدد كبير من المحلات تبيع البدلات الرجالية وباسعار متفاوتة .
ويوجد أماكن أخرى مثل الشارع الذي يقع فيه مجمع المثنى والجي دبليو ماريوت يوجد عدد كبير أيضا من المحلات ز

أبراج الكويت سعر الإفطار 3:500 بس يمكن بالعيد يتغير ما أدري
وأروع مطعم تايلندي بفندق منتجع الهيلتون لكن مشكلته بعيد شوية إلا إذا كانت لكي نية للذهاب إلى الكوت ( لابد من زيارته خاصة بهذا الجو الحلو) لأنه قريب منه الكويت بالفحيحيل والفندق بالمنقف يبعدون عن بعض حوالي 6 دقائق . وكلهم على خط البحر ما يضيعون أبد.
وأي سؤال إحنا حاضرين.

المشاركة الأصلية كتبت بواسطة روان بنت الكويت
http://www.arabtravelersforum.com/tr...1/#post1027188

العفو اختي واي خدمه احنا حاااضرين ؟؟




مشكوره روان علي الأجابات :24:

بس حبيت اسال عن المسرحيه والسينما والمكياج

المسرحيه اذا شايفتها هل تستاهل الواحد يروح له وكم الأسعار واي تاريخ ؟

والسينما اذا عندك فكره عن latest movie وشنو احسن سينما بالنسبه للمقاعد ؟

بالنسبه للمكياج بس فافافوووم او في بعد غير ياريت تعطيني اسماء لأن بيختصر علي الوقت ؟

وتسلمين ياروان بنت الكويت

المشاركة الأصلية كتبت بواسطة فهد الأحمد
http://www.arabtravelersforum.com/tr...1/#post1027266

يا إخت ناريمان حياج الله بالكويت وروان بنت بلادي جاوبت على الاستفسارات وما قصرت
وبالنسبة للاضافة
أقول هناك شارع سالم المبارك من ناحية المارينا وزقزاق (الخط المتعرج) وكيتكات وبالقرب من الشرقية للأدوات الرياضية يوجد عدد كبير من المحلات تبيع البدلات الرجالية وباسعار متفاوتة .
ويوجد أماكن أخرى مثل الشارع الذي يقع فيه مجمع المثنى والجي دبليو ماريوت يوجد عدد كبير أيضا من المحلات ز

أبراج الكويت سعر الإفطار 3:500 بس يمكن بالعيد يتغير ما أدري
وأروع مطعم تايلندي بفندق منتجع الهيلتون لكن مشكلته بعيد شوية إلا إذا كانت لكي نية للذهاب إلى الكوت ( لابد من زيارته خاصة بهذا الجو الحلو) لأنه قريب منه الكويت بالفحيحيل والفندق بالمنقف يبعدون عن بعض حوالي 6 دقائق . وكلهم على خط البحر ما يضيعون أبد.
وأي سؤال إحنا حاضرين.




مشكور يافهد الاحمد علي سرعة التجاوب
انا بروح الكويت تاريخ25 من هذا الشهر اذا الله اراد

يعني ما فهمت بالنسبه عن المطعم في اي واحد فيهم

فندق منتجع الهلتون
وين الكوت ما ادري وين يعني تري الصراحه مافهمت شئ ياريت تشرح لي ((((((()))))))))المخ مايستوعب :109: :109: :109: :109: :109:

ما ادري قلت وايد اسماء فحيحيل المنقف والكوت لالالالالالالالالا كلش ما فهمت شوي شوي علشان المخ تتدخل المعلوات فيه عدل :24:

بالأنتظار ومشكور وما قصرت:113:

المشاركة الأصلية كتبت بواسطة ناريمان
http://www.arabtravelersforum.com/tr...1/#post1027302

مشكوره روان علي الأجابات :24:

العفو اختي ناريمان
بس حبيت اسال عن المسرحيه والسينما والمكياج

المسرحيه اذا شايفتها هل تستاهل الواحد يروح له وكم الأسعار واي تاريخ ؟
بصراحه انا ماشفتها والاسعار اول شي 10 دنانير وبعدين 7 واللي ورا 5 وفي بعد مسرحية الحاسه السادسه لعبدالعزيز المسلم على مسرح غرناطه
والسينما اذا عندك فكره عن latest movie وشنو احسن سينما بالنسبه للمقاعد ؟
في عندج سينما ليلى جاليري فيها مقاعد vip
بالنسبه لاخر الافلام عندج :
1- dejavu
2- happy feet
3-the thing about my folks
4- eragon
5- shes the man
6- gridiron gang
7-بنات وسط البلد
8-لخمة راس
بصراحه انا ماشفت ولا واحد فيهم بس كل ثلاثا تنزل افلام يديده واذا تحبين افلام الرعب انشالله تشوفين the grudge 2 اذا نزل
بالنسبه للمكياج بس فافافوووم او في بعد غير ياريت تعطيني اسماء لأن بيختصر علي الوقت ؟
في بعد المركز الفرنسي للتجميل وعندج بعد تاناغرا الصالحيه في ميك اب وبعد بيضون السالميه تلاقين في ميك اب
وفي بعد بكل جمعيه مركز تجميل مثل مركز التجميل اللي بجمعية الشاميه وايد حلو
وتسلمين ياروان بنت الكويت



واي خدمه حااضرين ؟

اختي ناريمان في معرض الملابس الشتويه ومعرض العطوور بأرض المعارض بمشرف

في جلابيات من مصر

اختي هناك مطعم جدا مشهور واكله جدا لذيذ واسعاره معقولة وتجدين فيه كل زوار الكويت حتى الأجانب مطعم ميس الغانم على شارع الخليج بالقرب من الأبراج
(مطعم لبناني)

ناريمان الظاهر أمس كان المحل ربحان (الله يزيد ويبارك) عشان هالسبب مخج بالأرباح عدل هاها
أختي ناريمان راح أشرح حبة حبة
مجمع الكوت يقع بمنطقة الفحيحيل (ماشي )وميزته أن موقعه يطل على البحر وكذلك به عدد من المطاعم والكافيهات يطلون على النافورة الراقصة الموجودة بالساحة الخارجية للمجمع (مشابه للدبي مارينا للي راح هناك)
وبالنسبة للمطعم التايلندي هو صاير بمنتجع الهيلتون (أوكي)
هذا المنتجع يبعد عن الكوت فقط 6 دقائق بالسيارة وهو بمنطقة المنقف ماشي
يعني ممكن تخلين مشوار واحد المطعم مع الكوت
وإذا تبين أشرح لج الطريق انا حاضر بس ما أدري إنتي جاية بسيارة وإلا مشاويرج راح تكون بتاكسي
إذا تاكسي ما كو مشكلة طبعا السائق يدل
أما إذا جايين بسيارة فإخذي عندج
تخيلي نفسج إنج بشارع الخليج على البحر ومركز سلطان على يمينج وبعدها بشوي المركز العلمي على يسارج
تمشين للامام حتى تصلين لدوار صغير (به تصليحات ) إسمه دوار البدع تكملين سيدة وراح تشوفين على يسارج منتجع شيك فلامنغو وعدد من المطاعم وفندق راديسون ساس ومنتجع النخيل ، حتى تصلين لاول إشارة إخذيها سيدة وبعدها الإشارة الثانية إخذيها يسار وإمشي سيدة حوالي 20 دقيقة راح تشوفين غعلان على يمينج مكتوب أبو حليفة والمنقف وبعد غعلان منتجع هيلتون إتبعي الإعلان - راح تروحين يمين وتاخذين تحت الجسر يسار(لا تخافين إنتي تبعي الإعلان وراح يكون واضح) بعدها سيدة راح تشوفين المنتجع أمامج وإذا لا قدر الله ضيعتي إسألي اي أحد بيدلج لأنج في مكان قريب جدا منه .
أظن ما في أكثر من هالشرح تفصيلا ودقة .
وأي سؤال حاضرين لو إستطعت الدخول للمنتدى اليوم أو غدا صباحا مثل ما إنتي عارفة
وأدعيلي بالتوفيق .

هلا ناريمان حياج الله ببلدج الثانية بحاول اجاوب على كل اسئلتج
بانسبة حق المجمعات عندج:
مارينا مول ( السالمية)
سوق شرق ( دخلي محل انوتا وشويز)
المهلب ( في وايد محلات حلوة)
الفنار ( السالمية)
ماركس بنسر( بالسالمية بجانب المارينا عنده تنانير وايد حلوة)
الراية والصالحية ( عندهم الماركات وبوتيكات للملابس حلوة)

بالنسبة لشدو المخملي تحصلينة في الفنار في محل مكياجي وايضا في دبنهامز في سرق شرق.

المطاعم توجد باغلب المجمعات وهناك سلسلة مطاعم عالمية على امتداد شارع الخليج.
عليج بزيارة مطعم برج الحمام وميس الغانم ومطعم محل مغل ( هندي)
بالنسبة لابراج الكويت فيها بوفيه اكله حلو والسعر للفرد بحدود 8 دنانير.
السينمات توجد باغلب المجمعات وكلهم حلويين ومريحيين وكبار.

المسرحيات موجودة بالعيد منها مسرحية البيت بيتك حق طارق العلي بمسرح ميدان حولي
ومسرحية الحاسة السادسة لعبدالعزيز المسلم بمسرح سينما غرناطة
ومسرحية نيو لوك على مسرح صالة الدعية ( بس انصحج ماترحين لها لان مايمدحونها)
هناك مسرحيات اطفال مثل عايلة ذهب حق هدى حسين والا صلاتي.

بالنسبة للجو بارد يعني الصبح درجة الحرارة توصل 13 او 12وبليل جدا الجو بارد فلبسي شتوي

وحياج الله