الموضوع: استفسار عاجل قبل بكره ياهل لكويت لأني جاي الكويت

السلام عليكم ورحمة الله وبركاته

كيفكم يا شباب ويا اهل الكويت

انا من السعودية وبتحديد من الشرقية

آخر زياره لي كانت سنة 1988م كنت صغير جدا

وصار لي سنين ابغى ازور الكويت لكن ما ادل شي فيها ابد


حتى الطريق للكويت ما ادله

فحبيت استفسر عن كم سؤال خاصة وانا جاي مع زوجتي وبنتي الصغير

س1- كم سعر تأمين السيار لدخول للكويت وهل الجمارك زحمة مثل البحرين وياخذو وقت طويل ؟

س2-افضل طريق يدخلني للكويت وما يضيعني؟

س3-افضل منطقة لسكن العائلي واسعارها مناسبة؟

س4-وشو تنصحوني اي فندق اسكن واتمنى ذكر العنوان وكم سعره اذا ممكن ؟

س5-افضل مكان فيه العاب لصغيره عمرها سنتين يعني صالات العاب مغلقه ؟

س6-كيف الجو هذي الايام لأني خايف على بنتي من البرد؟

س7-وكم تتوقعو احتاج اصرف معايي ليومين؟

س8-والساعه كم تفتح المجمعات وكم تغلق؟

س9-وش رايكم ازور حديقة الحبوان في هذا الجو او برد على بنتي؟

س10-ونفسي اروح مع بنتي المركز العلمي لأنه فيه حوض سمك وهي تحب الاسماك اي وقت مناسب اقدر ازوره؟

س11- افضل المطاعم العائلية؟

س12- افضل المقاهي الشيشة وتكون مغلقه يعني داخلية؟

س13-وياريت لو احد يسوي لي جدول مبسط وين اروح لمدة يومين ؟

س14-طبعا انا من هوات المطاعم البنانية والايرانية بعض المطاعم الامريكية مثل تشيليز وين احصل كل هالمطاعم هذي؟

س15-هل توجد مقاهي لشيشة عائلية ؟

س16- وين افضل اماكن تبيع عبي مع شيلات وكم اسعارهم تقريبا؟

س17-وكيف ومتى اقدر ازور الابراج ؟

س18-وين اقدر الاقي خريطة مفصلة للكويت والاماكن السياحية فيها؟

س19-وكيف الازدحام هذي الايام بالكويت؟

س20-واهم شي لما اجي بطلع من الكويت وراجع لسعودية كيف ادل الطريق؟



ادري كثرت عليكم بالاسئلة اعذروني واتمنى الاجابة باسرع وقت

واتمنى تدلوني على خريطه اقدر اطبعها وتدليني الطريق من حدود الخفجي لين داخل الكويت + الاماكن السياحية

ومشكور مقدماً


وابشرو بالتقرير المصور لما ارجع

مواضيع عشوائيه ممكن تكون تعجبك اخترناها لك:

• ارجو المساعده كم المسافه بين السعوديه والكويت
• وييييين اسكن محتاره؟؟
• جوني روكتس
• احداثيات مطاعم مع الوصف؟؟؟
• ابي مساعدتكم يا اهل الكويت
• يوغرتينو للآيس كريم
• أحسن مطعم هندي
• ¨° جزيرتنا فيلكا وزيارتي لها °
• يومين بالكويت ان شاء الله
• تقرير مصور عن مدينة الألعاب المائيه اكوابارك
• ممكن تعطوني الفعاليات والمعارض الي شغالة حاليا بالكويت
• منح دراسية للكويتين في مجال الضيافة الفندقية
• عيد الكويت
• بدء التنقل بالهوية الوطنية بين المملكة والكويت
• أخوي عسل وخبراء الكويت ياليت تساعدوني
• دريم ان اللي قي السالمية
• مامستوى الخدمة في المنتجعات؟
• مشاركه بالجو الحلو
• لمحــه عامــه بالصــــور للكويــــت الحبيبـــــة
• رحلتي بعد بكرا وابغااا مساعده

راح اجاوب على بعض الاسئلة واترك للاخوان بقية الاسئلة خصوصا المشرفين

ج 1 - اعتقد اذا ما خانتني الذاكرة 50 ريال تقريبا لمدة اسبوع ، في الغالب ما في زحمة الا وقت الاعياد و المهرجانات
ج 2- طريق خادم الحرمين الشريفين يوصلك الى وسط العاصمة لا يمين ولا يسار ولا اشارات.
ج 3 - انصحك بشقق سارا بلازا لموقعها المتميز وقربها من المجمعات وحداثتها وموقعها على الانتر نت http://www.saraplaza.com/
ج 6- الجو مقارب لجو الشرقيه ما في فرق تقريبا .
ج 14- المطاعم الامريكية والاوربية والشرقية جميعها متواجدة بشارع الخليج العربي وايضا في بعض المجمعات .
ج 5 - بالنسبة للبنت الامورة والله انا افضل الالعاب الموجودة بالمجمعات .
ج 8 - المجمعات تفتح تقريبا من الساعة 10 صباحا وحتى منتصف الليل ومن اهم المجمعات : الافينيوز طبعا لا يفوتك - مارينا وهو رايضا رائع - مجمع شرق .. مجمع جميل وهو يعتبر الاصالة والجمال - المهلب تصميم مميز واغلبه محلات نسائية .
ج 20 - اسأل عن طريق خادم الحرمين الشريفين واهل الكويت ما يقصرون معاك

اعذرني على بقية الاسئلة بس الاخوان ابخص بالديرة مني

بصراحه موضوع مرتب كل الشكر للاخ الي حاط الاسئله وكل الشكر ايضا لاهلنا في الكويت الله يحفظهم يارب

وتحيه خاصه للاخ ضاري مواضيعه متميزه اخذت بنصيحته في دبي كان السبب تصويره لفندق شنغريلا وبالفعل كان مثل ماقاله

تحياتي للجميع بس اخوي الكويت في هالوقت برررررررررررد لانه بردها اكثر من الشرقيه بالرغم اني مازرتها لكن من محبتها اتابع اخبارها مانصحك تروح هالوقت عشان بنتك او ان رحت لاتروح اماكن مفتوحه الاطفال مايتحملون الجو الباررررد

موفق خير واذا رحت نبي منك تقرير مفصل خصوصا حق امثالي الي من سنة الطبعه ابي اروح ومارحت

حياكم الله بالكويت
اخواني و اخواتي ما قصروا ... انا باجاوبك على اللي اعرفه

س5-افضل مكان فيه العاب لصغيره عمرها سنتين يعني صالات العاب مغلقه ؟
اكثر المجمعات فيها العاب
و فيه قرية الطفل
س6-كيف الجو هذي الايام لأني خايف على بنتي من البرد؟
شوي بارد
س7-وكم تتوقعو احتاج اصرف معايي ليومين؟
على حسب ... و طبعا اخذ اكثر من المصاريف اللي تتوقعها
س8-والساعه كم تفتح المجمعات وكم تغلق؟
من الصبح الى 11 او 10 بالليل
س9-وش رايكم ازور حديقة الحبوان في هذا الجو او برد على بنتي؟
حلوه الحديقه للاطفال
روحوا لها الصبح .... و ثقل اللبس لبنتك
س10-ونفسي اروح مع بنتي المركز العلمي لأنه فيه حوض سمك وهي تحب الاسماك اي وقت مناسب اقدر ازوره؟
اعتقد تقدر تروح له بأي وقت ...و هو فعلا حلو للاطفال
س11- افضل المطاعم العائلية؟
ميس الغانم
قيصر .. كتبت تقرير عنه
مغل محل
فريج صويلح .. كتبت تقرير عنه

س13-وياريت لو احد يسوي لي جدول مبسط وين اروح لمدة يومين ؟
أحس انه يومين شوي ... لو مخليهم أربع أيام أحسن ...
عالعموم ... فيه اماكن كثيره حلوه ... و الاحسن تستغل الوقت و تشوفون اكبر كميه من الاماكن الحلوه بالكويت لانك من زمان ما شفتها
المجمعات:
الافينوز
المارينا
شرق
المطاعم :
اللي ذكرتها لك
س14-طبعا انا من هوات المطاعم البنانية والايرانية بعض المطاعم الامريكية مثل تشيليز وين احصل كل هالمطاعم هذي؟
بشارع الخليج ... لكن انصحك بالمطاعم اللي قلتها لك .... منوعه و حلوه و تعجبك ان شاء الله

س16- وين افضل اماكن تبيع عبي مع شيلات وكم اسعارهم تقريبا؟
برأيي أفضل أماكن بالفروانيه ... بمجمع العربيد ... فيه كل انواع العبي ...و حتى دراريع
دير بالك ... فيه قريب منه العربيد بلازا ... مو هذا اللي قصدي ... قصدي مجمع العربيد .... كله تفصال و جاهز من العبي و الدراريع
و تلقاه جنب قيصر ... بمنطقة الفروانيه
س17-وكيف ومتى اقدر ازور الابراج ؟
بأي وقت
بس الاحسن تروح لها قبل تغيب الشمس عشان تشوفون بالمنظار الكويت من الابراج

س19-وكيف الازدحام هذي الايام بالكويت؟
لا ... مو زحمه ...لانه عطله و الكل مسافر
س20-واهم شي لما اجي بطلع من الكويت وراجع لسعودية كيف ادل الطريق؟
اللي يسأل ما يتوه
و ان شاء الله ما راح تضيع
بانتظار التقرير و الصور

انا بس حابب اقول الله يحفظ الكويت والخليج كله من كل شر ومبروكين ياهل الكويت بالذكري الثانيه لتولي الشيخ صباح ومبروكين علي الاعياد الجايه والله يجعل الكويت واهلها بكل خير كلمه في خاطري وحبيت اقولها

المطاعم اللبنانيه

ميس الغانم - يسكر يوم الاحد

كافيه بلان - موجود بالمارينا كريسنت

ايام زمان بهولداي ان السالميه

ميجانا - بمجمع الكوت

فيلا فيروز بالشعب

الطربوش بالشراتون



مطاعم ايرانيه

شابستان بهولداي ان الفروانيه

جاردن بالافنيوز

بابا طاهر بشرق

شهريار بالشراتون