الموضوع: استفسارات باريس

السلام عليكم و رحمة الله و بركاته


إن شاء الله طالعين على باريس نهاية الشهر
لمدة أسبوع و بنروح على بروكسل بنجلس فيها ثلاثة أيام....


الاسئلة اللي عندي يا طويلين العمر
أول سؤال بخصوص الميزانية /
يعني 200 يورو في اليوم شامل الأكل و المواصلات
و دخول الأماكن السياحية تكفي أو لا ؟ بدون السكن

و السؤال الثاني بخصوص استئجار سيارة /
نبي نستأجر سيارة من باريس نروح فيها على بروكسل
لكن المشكلة اللي تطلع لنا هي عدد الكيلومترات!
يعني يكون العدد محدد و هو 750 كيلو
و أنا الرحلة شيكتها على قوقل ماب طلعت لي حول 800 كيلو!
إذا فيه أحد يعرف موقع يعطيني السيارة بكيلومترات مفتوحة
يدلني عليه الله لا يهينكم.
و أبي أعرف شالمطلوب يعني عشان أستأجر سيارة!

والسؤال اللي بعده بخصوص رسوم الطرق /
عطاني قوقل ماب من باريس الى بروكسل والعكس
4 طرق فيها دفع رسوم ، بس أبي أسأل يعني تقريباً
كم يكون الرسوم ؟ 10 يورو أو أكثر ؟
عشان أعرف أحدد الميزانية صح .

و السؤال الأخير /
بخصوص الميترو و الأماكن السياحية
إذا فيه موضوع يتكلم عن الأماكن السياحية و الميترو اللي
المفروض ننزل عنده يا ليت تعطوني إياه.


أدري طوّلت عليكم بس عشان أحسب لكل خطوة حساب
و ما اتوهق هناك.
و إذا أي أحد عنده نصحية لي سواء بسكن أو مطعم أو مكان
ما يتفوت بباريس أو حتى لو قريب منه يعلمني.


و يعطيكم ربي العافية
مع السلامة.

مواضيع عشوائيه ممكن تكون تعجبك اخترناها لك:

• استفسار عن باريس باقي ايام علئ رحلتي
• استخراج فيزا من السفارة الفرنسية
• استفسار عن الاماكن الترفيهيه في باريس
• مساعدة في استئجار سيارة بأوروبا دوختنا هالسيارة
• يرجى افادتي لرحلة حول اوروبا
• محتار في السكن في اللاديفانس ومحتاج رايكم
• محتاج فندق لشهر العسل ومحتار مساعدتكم
• احبابي استفساار بسيط
• حط طلبك وابشر باللى يسرك عن فرنسا
• "اجابة لكل تساؤلاتكم حول باريس تجدونها هنا...
• استفسار باريس إنترلاكن
• رائيكم في فندق
• مساعده بخصوص فندق
• با غ يس و نيس تحت الدراسة و التدريس يا آخوان
• استفسار عن صرف اليورو
• بالصور شارع الشانز في الشتا
• القطار من باريس إلى سويسرا
• رايكم بالمخطط المبدئي وبعض الاستفسارات
• نوفوتيل باريس
• جدول أيام لباريس

موضوع الأخ دل بييرو مفيد ومنظم احفظ نسخه منه عندك على طول وما راح تتوهق

جزاك الله خير أخوي فيصل
و بخصوص ديزني رافعين لها الميزانية
و المواضيع اللي ارفقتها سبق و ان اطلعت عليها
يعطيك العافية

تكفيك هالمواضيع ان شاء الله

لا تتسي الباس في ديزني

قراءة تقريرن راح يوضح لك كل شي
اي استفسار تفضل

بعد اذن الخبراء

نصيحة من القلب استبدل بروكسل ببروج واستاجر من هيرتز كيلو مفتوح ومحتاج بطاقة كريدت كارد وليست تسوق ورخصتك المحلية سارية المفعول

بالنسبة للمصروف اذا انتم اثنين فاقل شيء ممكن يكفيكم هو 250 يورو في اليوم

يكفيك دخولية الديزني لحالها مزودينها الفرنسيين ومدري وش اخرتها ....

والله يرحم اوروبا بارك بربع قيمتها وامتع من ناحية الالعاب

بالتوفيق

يعطيكم العافية يا شباب

بس عندي سؤال بخصوص الكردت كارد و قريته بكذا موضوع
يعني اللحين لا جيت استأجر ما يصير أستأجر كاش ؟
لأني حصلت سيارة من المطار بسعر حلو و كيلومترات مفتوحة

يعطيك العافية أخوي
عندي استفسار بخصوص تذكرة المترو المفردة - إتجاه واحد -
عادي أشتري 10 تذاكر و أخليهم متى ما ركبت المترو أستخدمتها
و إلا لازم أشتريها قبل لا اركب المترو ؟
شي ثاني كم تقريباً سعر تذكرة المترو و الرير المفردة ؟

و جزاكم الله خير

عادي تشتريهم
السعر المفرد 1.7
سمعت فيه تاجير بدون كريدت لعل مشرفنا باريس وبس عنده خلفيه

حلو والله إذا إلى ديزني و فيرساي
دخلت و شفت الأسعار و حنا اثنين بالغين تقريباً
يطلع علينا ب 800 ريال !
ما ادري احس السعر مُبالغ فيه !
لو أخذ تذاكر مفردة يطلع علي أرخص أعتقد خصوصاً إني ما راح أستخدم المترو كثير

بس حتى تذاكر الرير إلى ديزني و فيرساي بـ 1.7 ؟


جزاكم الله خير

المشاركة الأصلية كتبت بواسطة ASTU991
http://www.arabtravelersforum.com/tr...0/#post8167840

حلو والله إذا إلى ديزني و فيرساي
دخلت و شفت الأسعار و حنا اثنين بالغين تقريباً
يطلع علينا ب 800 ريال !
ما ادري احس السعر مُبالغ فيه !
لو أخذ تذاكر مفردة يطلع علي أرخص أعتقد خصوصاً إني ما راح أستخدم المترو كثير

بس حتى تذاكر الرير إلى ديزني و فيرساي بـ 1.7 ؟


جزاكم الله خير

ممكن جدا تخليك على التذاكر الافرادية

سعر التذكرة من باريس Gare de Lyon الى Marne-la-Vallée هو €7.20

وهذا الرابط جدا مفيد لك

http://parisbytrain.com/rer-train-paris-to-euro-disney/

اذا انت راعي روحات كثيره فيزت رائعه لك
مشوار او مشوارين الي خارج زون 3 اشتر تذاكر لهم خاصه
يعني ديزني رايح راجع تقريبا 14 يورو
او اشتر من زون ون الي ثري وحللها صح

السﻻم عليكم

اخوي انا حاليا في باريس ... بخصوص سفرتك الى بلجيكا من باريس عندك السيارة جدا راح تكون الرحلة ممتعة و المسافة قريبة جدا توصل الى بروكسل 3 ساعات و 20 دقيقة
بالنسبة للتاكس على طريق السفر راح تواجهك نفس بوابة اول ما تبعد عن باريس باتجاة بلجيكا تقريبا بعد ساعتين بالسيارة وراح تاخذ منها تكت ... و قبل ﻻ توصل حدود بلجيكا بنص ساعة ايضا راح تﻻقي بوابات للدفع وتاكد ان توقف دور جهة دفع الكاش ... والله ماني متذكر اتوقع ان مابين 9 الى 13 يورو .... وﻻ تنسى تاخذ جوازاتك معاك ﻻن راح تﻻقي شرطة في بعض المرات ينتقون عشوائي للسيارات و يستفسرون عن وجهتك و اثباتاتك ... اجراء روتيني فقط
بالنسبة للسيارات عندك شركة يرروب كار ممتازة سياراتها من غير عداد ... و بالنسبة للكردت كارد كل الشركات ﻻزم يكون عندك كردت كارد على شان ياخذون منك مبلغ احتياط للحوادث ﻻ سمح الله يعملوله نفس بلوك في حسابك وﻻ ينسحب و بمجرد ان ترجع السيارة سليمة انشالله ترجع الفلوس الى الحساب بعد 24 ساعة وﻻ يقبلون في الكاش نهائيا
اما بالنسبة الى المصرف هناك على حسب ياخوي انت شونك اﻻماكن اللي حاب تزورها و طبيعت مشترياتك ... عموما نصيحتي لك روح بروكسل يوم و روح يومين الي بروج قريبة منها 45 دقيقة منطقة جدا راقية وجميلة و راح تتحسف انك ما جيتها من قبل
منطقة صغيرة و يتخللها نهر و انت حر في التنقل اما في النهر ام على خيل يجر عربانه .... انا كنت اخلي السيارة بالفندق واتنقل مشي ... فيها تقريبا 52 متحف و المنطقة مشهورة في الشوكوﻻته ... اسال الرسيبشن في الفنادق هناك يعطونك خرائط فيها المتاحف الموجوده في بروج ...
اسف على اﻻطاله ... اذا اي سؤال انا حاضر و موجود


سبحان الله وبحمدة سبحان الله العظيم من الموبايل

أخوي أبو عزيز يعطيك العافية و بيض الله وجهك
حطيت الرابط عندي بالمفضلة

:


أخوي فيصل جزاك الله خير و ماقصرت
فعلاً تعبتك معي

وعليكم السلام أخوي علي
يعطيك العافية ما شاء الله عليك
و فعلا انا ودي اروح لبروج لكن سمعت ان نص يوم يكفيها!
يعني يومين مو واجد عليها؟
و بخصوص المتاحف ما شاء الله عددها كثير
ممكن تذكرلي بعض أنواعها أو أفضلها
لأن المواضيع اللي تتكلم عن بروج محدودة و ضعيفة

وربي يجزاك بالخير

العفوا يالغالي

انا تحت امرك .... اسمحلي عطيتك معلومة غلط توني اشوف الخريطة مالت بروج و المتاحف عددها 43 متحف كنت متخربط ﻻن اخر مرة كنت هناك السنة اللي فاتت ....
عموما في متحف اﻻلماس و الكاكاو و البطاط ... الخ
متاحفهم صغيرة و خفيف يعني كل ماحف تاخذ فية ساعة تقريبا و على طول تنتقل الى غيرة
وفيها اسواق جميلة للحريم يستانسون فيها
محﻻت الكاكاو كثيرة هناك ﻻنها بلد الكاكاو
طبعا اهم نظام اي شى يسون علية متحف ...
عموما تقدر تخلص من بروج يوم واحد اذا حاب ان تتنقل اكثر من مكان
انا عموما حاليا بفرنسا و اكلمك من تلفون و مو عارف كيف احطلك صور من بروج على شان تشوف جمالها عموما ادخل على قوقل واكتب brugge وشوف جمالها ... عموما المنطقة فيها امان و نظافه و هدوء يعني بالمختصر تريح ذهنك فيها لو يوم واحد
اذا حاب اعطيك اسم فندق هناك قريب من سنتر المدينه اللي فيها السكوير ... الفندق راح يعطيك بطاقة توريها للمتاحف يعطونك خصم
للتذاكر شئ بسيط بس يفيدك

اذا في اي سؤال كمان انا تحت اﻻمر

سبحان الله الذي ﻻ اله اﻻ هو الحي القيوم و اتوب اليه من الموبايل

اي والله عزالله ما قصرت الله يجزاك بالخير
و دخلت على بروج و فعلاً جميييله و أحس انها هاديه و تغيير يومين عن صخب باريس
طيب اذا ما عليك امر ابي اسم الفندق اللي قلت عنه
و ابي اعرف المكتب اللي اجرت منه السيارة و كم يوميتها
و وشهو الافضل الحجز عن طريق النت او اذا رحت هناك احجز ؟

الحجز من النت افضل
هيرتز اعتقد عندهم خصم مدري انتهي ام لا
حاول اي شركه تسجل من موقعهم عضويه
وحاول تشوف السعر من النت وتمر اي شركه سياراه كبيره زي هيرتز او افيس بالسعوديه وتقارن اسعارهم مرات يصير عندهم اكواد خاصه للخصم

يعطيك العافية اخوي فيصل
والله يجزاكم خير جميع عزالله ماقصرتوا

المشاركة الأصلية كتبت بواسطة فيصل
http://www.arabtravelersforum.com/tr...4/#post8167324

عادي تشتريهم
السعر المفرد 1.7
سمعت فيه تاجير بدون كريدت لعل مشرفنا باريس وبس عنده خلفيه



شركات التأجير ما عندهم نظام يقيدهم .. يعني انت وحظك .. ممكن تحصل موظف متفاهم ويقبل الكاش مع التأمين ايضا كاش

والبعض يتشدد ويصر على بطاقة ائتمانيه .. وبعضهم يقبل ببطاقة ليست بأسم المستأجر ..

انا شخصيا استأجرت سياره هنا برخصية منتهيه ... لاني كنت محتاج ولا قصر الموظف