السلام عليكم و رحمة الله و بركاته


إن شاء الله طالعين على باريس نهاية الشهر
لمدة أسبوع و بنروح على بروكسل بنجلس فيها ثلاثة أيام....


الاسئلة اللي عندي يا طويلين العمر
أول سؤال بخصوص الميزانية /
يعني 200 يورو في اليوم شامل الأكل و المواصلات
و دخول الأماكن السياحية تكفي أو لا ؟ بدون السكن

و السؤال الثاني بخصوص استئجار سيارة /
نبي نستأجر سيارة من باريس نروح فيها على بروكسل
لكن المشكلة اللي تطلع لنا هي عدد الكيلومترات!
يعني يكون العدد محدد و هو 750 كيلو
و أنا الرحلة شيكتها على قوقل ماب طلعت لي حول 800 كيلو!
إذا فيه أحد يعرف موقع يعطيني السيارة بكيلومترات مفتوحة
يدلني عليه الله لا يهينكم.
و أبي أعرف شالمطلوب يعني عشان أستأجر سيارة!

والسؤال اللي بعده بخصوص رسوم الطرق /
عطاني قوقل ماب من باريس الى بروكسل والعكس
4 طرق فيها دفع رسوم ، بس أبي أسأل يعني تقريباً
كم يكون الرسوم ؟ 10 يورو أو أكثر ؟
عشان أعرف أحدد الميزانية صح .

و السؤال الأخير /
بخصوص الميترو و الأماكن السياحية
إذا فيه موضوع يتكلم عن الأماكن السياحية و الميترو اللي
المفروض ننزل عنده يا ليت تعطوني إياه.


أدري طوّلت عليكم بس عشان أحسب لكل خطوة حساب
و ما اتوهق هناك.
و إذا أي أحد عنده نصحية لي سواء بسكن أو مطعم أو مكان
ما يتفوت بباريس أو حتى لو قريب منه يعلمني.


و يعطيكم ربي العافية
مع السلامة.

مواضيع عشوائيه ممكن تكون تعجبك اخترناها لك: