الموضوع: إحترت ياأهل الكويت بين ماريوت والكورت يارد

السلام عليكم ورحمة الله وبركاته

أنا أبغى أروح في عيد الأضحى المبارك للكويت وبصراحه إحترت من ناحية الفنادق وهذا أهم شي عندي
أحب في السفر الفندق أشياء كثيرة منها الموقع من داخل الفندق الشراحه والحركة بعض الفنادق تجيب ضيقة الصدر النظافه ومستوى الغرف بعض الفنادق ماودك تطلع من الغرفه أعشق هاذي النوعيه من الفنادق قالوا لي عن ماريوت وعن كورت يارد وعن هوليدي إن في جديد وفي قديم وعن ميريديان بس ما تعمقت في أي تفاصيل قلت أطرح الموضوع عليكم وإذا في فندق تشوفونه أفضل رشحوا بس الرجاء منكم الشرح التفصيلي وسمعت أفضل شي على شارع الخليج بس والله ضعت


أتمنى من الجميع المشاركه لتعم الفائده لي ولغيري

مواضيع عشوائيه ممكن تكون تعجبك اخترناها لك:

• التاكسي
• إلى أهل الكويت وحبايبي الكويتين الغالين
• آستفسآر عن آسعآر آيجآرآت آلسيآرآت بآلمطآر
• سؤال للي يسفر الخدم وياه سفر بري
• سؤال يطرح نفسه مطلوب فنادق على شارع الخليج
• السائح في الكويت
• يالله ياهل الكويت ورونا كرمتم المعروف
• مكان معرض الكتاب بأرض المعارض؟ واسئلة أخرى
• استفسارات عن مطاعم و محلات اطفال
• ماهي أجد الشقق الفندقية في السالمية
• ممكن تساعدوووني تكفووووووون؟
• ابحث عن افضل شركة تاجير سيارات في الكويت
• رسالة عامة ل بيت الكويت
• المغتربين بالكويت لو سمحتم
• بودل للشقق الفندقية صورمن جوالي لداخل الشقة
• استفسار
• تقريرـ رحلتي إلى دولة الكويت هـ يوجد إحداثيات للمواقع
• استفسار عن مخالفه
• استفسار عن حولي
• اريد فنادق رخيصة بالكويت ضروري والي يرحم والديكم

الكورت يارد جديد وتحت مجمع ضخم وذو ماركات عالمية وغالي اسمه ( مجمع الراية )

وجي دبليوا ماريوت فيه ايضا مجمع ولكن المبنى قديم ولكن لابأس به

وانا أرشح لك الكورت يارد


وموضوعك عزيزي سوف يتم نقله الى ساحة الاستفسارات

وشكراً لتعاونك

يعتبر فندق الماريوت هو الاحذث بين الفنادق اللي ذكرتها وهو يطل على شارع الخليج العربي ( الكورنيش) وسهل جدا وتقدر توصله بسرعه اما الكوت يارد قديم شويه ومكان بالعاصمه وزحمه وهذا راي واتمنى اني افدتك ولى فكره الماريوت فيه مطعم مالكولات بحريه من افضل المطاعم في الكويت اذا تحب السي فود

المشاركة الأصلية كتبت بواسطة ناصر كويتي
http://www.arabtravelersforum.com/tr...35/#post978035

يعتبر فندق الماريوت هو الاحذث بين الفنادق اللي ذكرتها وهو يطل على شارع الخليج العربي ( الكورنيش) وسهل جدا وتقدر توصله بسرعه اما الكوت يارد قديم شويه ومكان بالعاصمه وزحمه وهذا راي واتمنى اني افدتك ولى فكره الماريوت فيه مطعم مالكولات بحريه من افضل المطاعم في الكويت اذا تحب السي فود




اخوي ناصر
الظاهر ان الكباب لحد الآن بخاطرك ، علشان كذا ضيعت

الكورت يارد ، هو الأحدث

والماريوت هو الأقدم

والماريوت هو الي بالعاصمه مو الكورت يارد ههههههههههههه

انا بقطر وادل احسن منك هههههه



اخوي الكريم ، انا ارشحلك الكورت يارد
صحيح 4 نجوم على تصنفيه العالمي ، لكنه يستاهل 5 نجوم

مميز بكل شئ

بموقعه ونظافته وروعته :24:

JW ماريوت ممتاز أيضاً ..

لكن انا ارشح لك الكورت يارد

كل إقاماتي في الكويت فيه ،، لأنه الأفضل في وجهة نظري

عندك فندق الفوربوينت ، وفندق الميريديان وفندق الهوليدي إن الجديد والشيراتون والمارينا كلهم حلوين

ما يصير ناصر
الباب العالي يمدح الكورت يارد وإنت ترشح الماريوت كذا بديت أضيع الحين بالله شسوي

اكيد الكورت يارد مثل ما قال جاسم...

شكرا.

السلام عليكم ..

الكورت يارد مره حلو ورااااايق ونظيف .. والأحلي سوق الراية الملحق فيه من قهاوي ومحلات حلوة

وإذا رحت علي خير لاتفوتك عطورات الجزيرة :24: ,, وشي ثاني ماله دخل بس بقوله لك لايفووووووتك

مطعم لونوتر بشارع الخليج :113:

مثل ماقال الأخ جاسم انا ارشح الكورت يارد

بالنسبة لفندق جي دبليو ماريوت هو 5 نجوم ومجدد بشكل كامل قبل عامين عندما كان تابع للمرديان وفي موقع ممتاز ولكن المنطقة قديمة وهناك عمارات قديمة تحيط به وهذا الصورة تشهد

احجز بالكورت يارد وانت مغمض ومن غير تفكير صحيح الماريوت مجدد لكن الكورت جديد وموقعة افضل
وحياك الله

شكرا لردودكم الحلوه بس هل الكورت يارد قريب من سوق شرق أوشارع الخليج العربي أنا أستنتج إنه بعيد
من هالمناطق وعندي بعد سؤال أتمنى لوترشحون لي فندق أوإثنين على شارع الخليج أوقريب من سوق شرق وبعد سؤال إذا إنت جاي من شارع الخليج ومخلي مركز سلطان على يمينك وطالع على طول بيجيك الظاهر إشاره أوإشارتين وبعدين دوار يمين يوديك على طريق يوصلك للجابريه مثلا ويسار يوديك في طريق نهاية هالطريق على إشارة وكبري من عند الإشاره تطالع على يسارك فندق المسيله تعمل فوق تحت وترجع من الطريق نفسه أظن إنه على يمينك فنادق أبغى أعرف أساميهم

أخوي بو تركي إسمع مني الكلام انا سكنت بالفندقين الصيف الماضي (أهوى السكن بالفنادق وفق السياحة الفندقيةو كما تسمى بالغرب)
فندق جي دبليو ماريوت 5 نجوم جدد كامل أثاثه من 2003 إلى 2004 بدأ بالسويتات وإنتهاء بالغرف الستاندرد
يميز الفندق الفخامة الكبيرة لغرفه وأجلك الله (للحمام)
هناك ثلاثة مطاعم (2 مطعم + كافيه يقدم بعض المأكولات الخفيفة)
بوفيه الإفطار من أروع البوفيهات راح تشوف بنفسك إذا سكنت فيه
حمام السباحة متوسط الحجم مغطى
متصل مع الفندق (مجمع الصالحية أغلى مجمع بالكويت لأن محلاته كلها ماركات مشهورة المجمع ليس شرحا لذلك تجده غير مزدحم)
إحرص عند الإختيار أن لا يكون الفيو(المنظر عند المقبرة ) أغلب السياح يشترطون هذا الشرط .
بالنسبة الكورت يارد مصنف 4 نجوم ولكن لأنه فندق حديث يميزه اللوبى الكبير والجميل (بالدور الأول)ومطعمه الإيطالي اكله لذيذ (بوفيه الإفطار اقل مستوى من بوفيه الماريوت) ، وبالنسبة لغرفه طبعا أقل فخامة من الماريوت لكن جميلة والوانها شرحة (يعني بها لمسات عصرية متداخلة ألوان الأصفر والأحمر والأخضر) حمام السباحة أيضا مغطى .
ومتصل معه مجمع الراية (مجمع تسوقي 3 ادوار تغلب عليه محلات الماركات العالمية وبه عدد كبير من الكافيهات وعلى ما أذكر مطعمين وفيه محلات ملابس للأطفال يعنى مجمع جميل .
وبعد ما ذكرت لك الفروقات يبقى السعر
الماريوت للغرفة الستاندرد (مع التاكس 77،500)
الكورت يارد (سعره 50 أو 45)
لكل فندق مميزاته إذا تبي فخامة أخذ الماريوت وإذا تبي لوبي حلو وشرح وقعدته جميلة إخذ الكورت يارد

وبالنسبة لسؤالك ترى الفندقين الماريوت والراية مو بعيدين عن سوق شرق يمكن 7 أو 10 دقايق على أبعد تقدير
وترى أقرب فندق لسوق شرق هو الهوليدي إن داون تاون (جديد أقل من سنة) وهو مصنف أربع نجوم جميل لكن لوبيه صغير وبه مطعم واحد + كافيه باللوبي (وحمام السباحة مغطى أيضا ) لكن غرفه وإن كانت جميلة وجديدة لكن الماريوت والكورت يارد أرقى .وسعره تقريبا 45 دينار.
والفنادق اللي تسال عنهم بالترتيب :1- منتجع شيك فلامنغو شاليهات وغرف (الغرف دون المستوى أما الشاليهات جيدة لكن الجو بارد يعني ماكو بحر هاها)
2- فندق كويت ريجينسي (قبل الغزو كان حياه ريجينسي وهو 5 نجوم) وبعدين أصبح كويت ريجينسي وهو مصنف 4 نجوم وحاليا به تجديد سامل لكل الغرف بس على ما أذكر عندهم سويتات (عموما الفندق أثاثه قديم وايد أنا زرته سنة 2005 وما عجبني وما سكنت فيه )
3- منتج النخيل وهو حديث سويتات + شاليهات غالي ويكثر به الأجانب زرته وما سكنت فيه جوه ( بيئته) ما عجبتني .
3- راديسون ساس طبعا 5 نجوم وجميل لكن أثاثه ايضا غير مجدد من فتره (عيبه تحس انه فندق وايد رسمي اللي يسكنون فيه أجانب ورجال أعمال أوروبيين أمريكان يعني فيه اللي أحسن منه)
وعلى الطول الخ مابين شيك فلامنغو والريجينسي تشوف مطاعم وكافيهات وايد حلوة جرب وشوف .
وحياك الله بديرتك الكويت .

الحقيقه صار عندي لبس ومنخلص رمضان رجعنا حق الكباب مثل ماقال اخوي جاسم والكباب سوا بلاوي

الكوت يارد انا عبالي انه الماريوت القديم وفي بعد ماريوت على البحر هذا اللي اقصده اما الكوت يارد اللي في مجمع الرايه فهو ممتاز وحديث وانا اقصد الماريوت القديم اللي في مجمع الصالحيه الحين شنو صار اسمه ؟؟؟؟؟
واللي على البحر في بنيد القار شسمه بعد تراهم يغيرون ومحد يقوللي
اسف اذا كان في لبس او اني ظللتك اخوي بوتركي

والله يا ناصر إنك مضيعني الحين ماريوت على البحر وطلعت على بنيد القار
فهد الأحمد مشكور كثير معلوماتك جدا رائعه وإذا عندك زود ترى أنا طماع

الفنادق اللي على على شارع الخليج

سفير انترناشيونال
المرديان
فندق المارينا


اتمنى ان تزور هذا الرابط وانشاء الله تستفيد منه
http://www.travel4arab.com/vb/showthread.php?t=91391

انا انصحك بالكورت يارد


او فندق المارينا

يا اخوان ليش اللبس مواقع الفنادق واضحة :108:
قبل الغزو كانت السفينة (ماريوت على البحر ) بس الحين مافي (معقولة هالشي مو واضح ؟):114:
وبالنسبة لبنيد القار انت تقصد فندق المريديان (سابقا ريتز ) ، يمكن سكنت فيه أكثر من 7 مرات متفرقة وسبق أن تعرضت انا وبعض الإخوة الأعضاء للمريديان
راجع الرابط
http://www.travel4arab.com/vb/showth...ED%E1%C7%E4%D3
وأي سؤال انا حاضر :101:

مشكور يارحال على الرابط الجميل بس ودي ترشح لي فندق
روان مشكوره على الرد وأنا شكلي بعقد إتفاقيه بيني وبين نفسي على الكورت يارد
الماريوت من قالو لي مقبره الله يعطينا طولة العمر لكم وللمسلمين أجمعين
يعني ما أدري شقول
بس وشرايك في هوليدي إن الجديد من حيث الموقع والفندق بصفه عامه
فهد الأحمد صباح الخير يبه

هوليدي ان موقعه بشرق

فهد إنت نابغه والله معلوماتك وأسلوبك والله راقي أهنيك
ميريديان تاور بالله وينه عن مركز سلطان قريب منه ولا بعيد
عيبي أنا ما أحب أحفظ أسامي الشوارع
يعني أنا أتوقع ميريديان هذا اللي في بنيد القار بعيد
أنا أذكر مريت عليه بس أتوقع إنها بعد الجابريه تطلع في هذا الهايوي
وتبتل مسافه والله أعلم

طيب تعرفين ميس الغانم قريب منه

عزيزي بو تركي حياك الله
شوف المريديان بنيد القار والمريديان تاور أثنينهم بالعاصمة
المريديان بنيد القار يطل على البحر (أوصفلك مكانه عن طريق شارع الخليج - البحر)
لو انت على شارع الخليج وعلى يمينك المركز العلمي تمشي للأمام شوية على يسارك مركز سلطان (التسوق وليس المطعم) واضح
تكمل سيدة للامام لغاية ما تلاقي على يمينك مطعم يننو على البحر انظر على يسارك تشوف المريديان بنيد القار.
وبالنسبة للتاور هو ملاصق للشيراتون والفوربوينت (عند دوار الشيراتون) يعني يبعد 15 دقيقة تقريبا عن مركز سلطان وهو قريب جدا من جي دبليو ماريوت 3 دقايق .
بس أشوفك طاب خاطر من الماريوت ليش (عشان المقبرة هاهاها:109: ) عادي جدا لو بغيت تسكن فيه قوله خل الفيو على الشارع وليس على المقبرة (عموما أغلب الغرف تطل على الشارع بينما السويتات أغلبها يطل على المقبرة ) وانت واختيارك
وترى الهوليدي ان داون تاون جديد وجميل لكن الكورت يارد اشرح .
بس لو تحدد انت تبي تكون قريب من اي مجمع قول واحنا نقولك الفنادق القريبة حسب طلبك:101:

وسؤالك عن ميس الغانم
ميس الغانم على نفسالشارع (شارع الخليج - البحر) يكون على اليسار وهو ملاصق للسفارة السعودية وقريب من سوق شرق والهوليدي ان داون تاون .

[quote=فهد الأحمد;981170]عزيزي بو تركي حياك الله
شوف المريديان بنيد القار والمريديان تاور أثنينهم بالعاصمة
المريديان بنيد القار يطل على البحر (أوصفلك مكانه عن طريق شارع الخليج - البحر)
لو انت على شارع الخليج وعلى يمينك المركز العلمي تمشي للأمام شوية على يسارك مركز سلطان (التسوق quote]


عفوا
بس انا الحين تلخبطت
الحين المركز العلمي وشارع الخليج مب في السالمية؟؟؟؟؟؟؟؟؟؟:114:
وانا سالت عن السالمية قالو تقريبا نص ساعة من العاصمة الكويت:108:

زين شلون تقول انهم في الكويت؟؟؟؟؟؟؟؟؟؟؟؟:114:

^ ^ ^ ^ ^ ^ ^

اختي المسافرة ...
شارع الخليج العربي يمتد من السالمية و حتى ما بعد مدينة الكويت...!

المركز العلمي و المارينا مول متجاورين في السالمية و كل واحد فيهم على طرف من الشارع...


أما المريديان فهو في منطقة بنيد القار...(بين السالمية و الكويت) على شارع الخليج العربي...


أما بالنسبة لـ المسافة بين السالمية و الكويت...ما تزيد عن 20 دقيقة.!

تحياتي.

المشاركة الأصلية كتبت بواسطة Dhari
http://www.arabtravelersforum.com/tr...8/#post1029558

^ ^ ^ ^ ^ ^ ^

اختي المسافرة ...
شارع الخليج العربي يمتد من السالمية و حتى ما بعد مدينة الكويت...!

المركز العلمي و المارينا مول متجاورين في السالمية و كل واحد فيهم على طرف من الشارع...


أما المريديان فهو في منطقة بنيد القار...(بين السالمية و الكويت) على شارع الخليج العربي...


أما بالنسبة لـ المسافة بين السالمية و الكويت...ما تزيد عن 20 دقيقة.!

تحياتي.



Dhari
جزاك الله خير ان شالله :x1:

زين ممكن المسافة التقريبية بين المناطق الكويتية :101:

^ ^ ^ ^ ^ ^

حقيقة المناطق الأكثر زيارة من قبل المسافرين...

السالمية و منطقة البدع(مجمعات-فنادق)
مدينة الكويت(مجمعات-فنادق)
بنيد القار و الشعب(فنادق-شقق)
حولي(مجمعات)

هذه المسافة بينهم تقريبا ثابتة مابين الـ8-20دقيقة بالكثير!


أما المنطقة البعيدة و اللي عليها إقبال من الزوار...هي "الفحيحيل"
و تقع بجنوب مدينة الكويت...و تبعد حوالي 30 كيلو من السالمية و 40 من مدينة الكويت.
و اهم مشاريع المنطقة : "مجمع الكوت-مجمع المنشر-منتجع هيلتون-فندق روتانا"


تحياتي.

Dhari
رااااااااااااااااااااائع

اشكرك على المعلومات القيمة

يا هلا فيج اختي...!

و اي خدمة أحنا حاظرين ...:d

أشكركم جميعا بالعون ماقصرتوا


وفي اللحظة الأخيرة سكنت في هوليدي إن داون تاون

حلو بس أشوف السكن بالكورت يارد أحلى بإذن الله


إذا الله يسر ورحت فبراير هذا الكورت يارد بدون تردد