الموضوع: حجزت بالفيزا ؟؟؟

السلام عليكم صباحكم عسسسسسسسل

انشالله الصيف الجاي حجزت على الفلبين وقصيت التذاكر

واليوم قررت اني احجز فندق اول يومين بجلسهم في مانيلا

الفيزا اللي استخدمها مسبقة الدفع حقت الراجحي فيزا تسوق حجزت في فندق a venu وارسلو لي تاكيد الحجز وطبعته والامور تمام


لكن لما شيكت على الفيزا لقيت المبلغ موجود ومافيه اي عمليات معلقه

اتصلت على الهاتف المصرفي للراجحي وقالي مافيه اي عمليه تمت اليوم حتى مافيه اي عمليه معلقه لانهم عادة يحجزون المبلغ مسبقا

رجعت لشروط الحجز من موقع بوكنق


لقيت مكتوب انه لا يتم سحب المبلغ حتى يتم التشيك ان

هل وجود المبلغ في الفيزا حتى دخول الفندق امر طبيعي بالرغم من انني استلمت الفاوتشر وطبعته ؟؟؟

ام يجب علي ان اتصل على بوكننق او اتصل على نفس الفندق اشيك على الحجز ؟؟؟


افيدوني جزاكم الله خيرا

المرسل ( ع - م - ص ) ههههههه

مواضيع عشوائيه ممكن تكون تعجبك اخترناها لك:

• حجز الفنادق عن طريق النت
• انا واولادي بالفلبين يا سلام
• يا لبي قلوبكم فزعتكم
• الحجز ابي الرد ربي يعافيكم
• أيهما أفضل الفلبين أم أندونيسيا ؟؟؟
• استفسارررررررررررر عاجل
• شركات التصالات
• كيف توفر الفنادق والمطاعم والترفيه مدينة quezon city في الفلبين
• أين أستخرج الفيزا للسفر الى فلبين ؟
• مساعدة عاجلة جداً جداً الرجاء الدخول
• عضو جديد فهل من مرحب؟؟
• حبيبكم الجديد رايح للفلبين نصايحكم
• ملخص قراءاتي في هذه البوابه عن امن السائح في الفلبين
• كم سؤال عن الفلبين لو سمحتوا
• تهنئة لجميع الأعضاء والمشرفين والإدارة الموقرة
• سؤال عن
• قررت السفر لمانيلا على الخطوط السعودية
• عندي سفرة عمل للفلبين لمدة ثلاث أيام
• استفسار
• ارجو المساعده من رواد الفلبين

أهلآ أخوي ،

للأسف يآغآلي إني اجهل أمور الفيزآ كلهآ ولم يسبق لي أن تعآملت فيهآ ولآ يوجد عندي بطآقة فيزآ بالأسآس ،

لكن ومن خلآل سفرة سآبقة لي إلى دبي حجزنآ الفندق عن طريق فيزة أخو رفيقي في السفرة ،

ومثل مآسويت أنت طبعنآ أورآق الحجز ولمآ وصلنآ الفندق عطينآهم النقود كآش .

وقريب من أقآربي يقول أن نظآم غآلبية الفنآدق في العآلم بأنهم لآيخصمون المبلغ من الفيزآ الخآصة بك ،

بل حينمآ تصلهم يخيرونك هل ستدفع المبلغ كآش أم نخصمه من فيزتك .

أتمنى أني أفدتك

وشكرآ

يب شي طبيعي من بوكينق لكن اذا اخذو منك الفندق دي بوزيت(deposit ) اي بمعنى اخر تأمين لن يتم ارجاعه لحساب البطاقة الا بعد 45 يوم فأنا انصحك انك تقول لهم الدي بوزت(deposit) ابيه يكون كاش هذا من وجهة رأيي

السلام عليكم ورحمة الله وبركاته


طبيعي اخي الكريم واول ما توصل اعطهم رقم الحجز
في البدايه اذا لم تعمل تشيك ان يتم خصم مبلغ يوم واحد للحجز
واذا عملت تشيك ان يتم تعليق كامل المبلغ مع الخصم ليوم واحد وهي تعتبر رسوم خجز
والله اعلم ....

افيدوني جزاكم الله خيرا

المرسل ( ع - م - ص ) ههههههه



هع هع هع حسيت اني اتابع القناة الاولى



نفس الشي صار لي في اول حجز مع الفندق الي جنبه انتل سبا يمكن لان الحجز كان قبلها بفترة طويلة وما خصمو اي شي من الفيزا
بس دام ارسلو تأكيد الحجز ما عندك مشكلة ، وبتلقى في التأكيد رقم الفندق اتصل عليهم وسو تأكيد

اتمنى لك سفرة موفقة

طبيعي مع بوكنق...واذا وصلت لك الخيار بالدفع كاش اوفيزا

والله الامور بتكون طيبه بس عين خير وبعدين في شباب نفس بطاقتك وتم التعامل معها

انا استخدم فيزا الراجحي مسبقة الدفع ( تسوق ) وحجزت من موقع اقودا فندق في الفليبين و تم قبول العملية وسحب المبلغ من البطاقة .

طيب يا اخوان بوكنق الى الحين ما ردو علي وش السواة


وجتني رساله من الراجحي انه تم سحب مبلغ 0.01 eur من البطاقة ؟؟؟يستهبلون ولا وش قصتهم

السعر اللي في موقع بوكنق غير ؟؟

ومن امس وانا اكلم الفندق وما ردو علي ويوم ردو قالت لي اتصل الساعه 8 الصبح تبي تلقا من يخدمك

المشاركة الأصلية كتبت بواسطة هاوي الخبر
http://www.arabtravelersforum.com/tr...4/#post5417894

انا استخدم فيزا الراجحي مسبقة الدفع ( تسوق ) وحجزت من موقع اقودا فندق في الفليبين و تم قبول العملية وسحب المبلغ من البطاقة .




حياك الله اخوي هاوي الخبر


بالنسبه لموقع اقودا عجزت اقتنع فيه

i love agoda

مع السلام .... ليش رفضوا البطاقه لانها مسبقة الدفع.. طباعه وليست حفر..... وهاذا السبب بعض الشركات


فى النت وشركات السيارات نرفضها ..... حاول تاخذ غبر مسبوقه مثل قسط ...

طيب الحين وش رايكم ارسلو لي مره ثانيه يقولون انه النظام ما يقبل البطاقة هذي

قلت ابحجز من نفس موقع الفندق

هل هو امن ؟؟؟

ابشركم يا اخوان حجزت من موقع الفندق واول ما ضغطت زر مواااافق


ومير يسحبون 1151 بيسو حجز مبلغ عشره بالميه


وادق على الفندق قلت له اني توي حاجز عن طريق موقع الفندق وعطيته التاريخ ونوع الغرفه والاسم

قالي اصبر ما يبين معنا الا عقب 24 ساعه دق علينا الصبح عشان يكلمونك حقين الرسيرفيشن

بس ادامك حجزت وعطاك الفاوتشر معناته ان حجزك اوكي وماكد


وارجع واقرا الفاوتشر والى مكتوب هذا الحجز غير مسترجع

اللي انا مستغرب له وشلون يقولون الفندق انهم ما قبلو البطاقه وبعدين احجز من نفس موقع الفندق ويسحبون المبلغ بهالسرعة


الله يستر انا زملن الى وصلنا هناك وقال ما عندكم حجز !!!!

زين انحلت امورك citigroup وألف مبروك

يمكن في حجزك المرة الاولى البطاقة باقي ما تفعلت بشكل كامل لانها جديدة وصارت الاشكالية بالحجز

لكن الحمدالله الحين زانت الامور

اتمنى لك سفرة موفقة

المشاركة الأصلية كتبت بواسطة zabinx
http://www.arabtravelersforum.com/tr...0/#post5447970

زين انحلت امورك citigroup وألف مبروك

يمكن في حجزك المرة الاولى البطاقة باقي ما تفعلت بشكل كامل لانها جديدة وصارت الاشكالية بالحجز

لكن الحمدالله الحين زانت الامور

اتمنى لك سفرة موفقة

اشكرك على الرد ياعزيزي ولكن البطاقه له سنه عندي ومجربه قبل كذا وضبطت معي. لكن باعتراف احد وظفين الراجحي بطاقة فيزا تسوق مسبقة الدفع غير معترف بها في اغلبية الاماكن خارج المملكه يعني توهقنا وهي ببلاش اول ثلاث سنين ومعروف شي ببلاش ربحه بين