الموضوع: انا واعوذ بالله

السلام عليكم ورحمة الله وبركاته

انا واعوذ بالله من كلمة انا جاي لم الكويت هذا الخميس وراجع الجمعه لشغل خاص وعاجل
وقلت يا ابو الشباب وش شرايك تشتشير اخوانك اهل الكويت عن محلات الاقمشه الرجاليه:24:
لاني في عام 2002 شريت اقمشه من محل مشهور على حسب كلام الدليله الا معي:113:
وصراحة ما لقت مثلها في السعوديه
ويا ليت تعلموني عنها وذا فيه خياطين يسوون الثيا ب في يوم واحد الله جزاكم خير
عطون عنه بعد

ولا راح انسى فعلكم هذا وبدعيله من كل قلبي في هذا الشهر الفضيل

والله لا يحرمكم الاجر

اخوكم ابو راشد

مواضيع عشوائيه ممكن تكون تعجبك اخترناها لك:

• كم يبعد فندق ومنتجع جميرا المسيله من المطار والاسواق
• برج الكريستال
• أبي آيسكريم وين ؟؟؟
• فزعتكم يا اهل الكوويت
• قررت ازوركم بس محتاجكم شووية
• صور من السالمية
• متي يطبق القانون
• مطاعم اسواق الكويت
• هل يوجد مطعم البيك
• إلى أهل الكويت الطيبين
• مـــــجـــــمــــع الـــبــــيـــرق
• مجموعة استفسارت مهمة جداً أرجو المساعدة
• أستفسار عن أسعار الأقامة بفندق المنشر
• من يعطيني تلفون الهوليدي ان بالسالميه
• اريد شقة في حولي ممكن
• جايه الكويت و ابي مساعدتكم ؟
• الخطوط الوطنية الكويتية تبرم اتفاقية مع سيكست لتأجير السيارات
• تاشيرة دخول الكويت بري " بالعربية "
• استفسار عن رحلات الكويتيه ومطار الكويت
• اريد احداثيات المجمعات والمناطق السياحية في الكويت العزيزة لبرنامج

المشاركة الأصلية كتبت بواسطة ابو را شد


السلام عليكم ورحمة الله وبركاته
انا واعوذ بالله من كلمة انا جاي لم الكويت هذا الخميس وراجع الجمعه لشغل خاص وعاجل
وقلت يا ابو الشباب وش شرايك تشتشير اخوانك اهل الكويت عن محلات الاقمشه الرجاليه:24:
لاني في عام 2002 شريت اقمشه من محل مشهور على حسب كلام الدليله الا معي:113:
وصراحة ما لقت مثلها في السعوديه
ويا ليت تعلموني عنها وذا فيه خياطين يسوون الثيا ب في يوم واحد الله جزاكم خير
عطون عنه بعد
ولا راح انسى فعلكم هذا وبدعيله من كل قلبي في هذا الشهر الفضيل
والله لا يحرمكم الاجر
اخوكم ابو راشد



الله يحييك يا بوراشد بين اهلك واخوانك
المحلات كثيرة ومميزه الكويت بالاقمشه الجميله وبنفس الوقت رخيصه بالنسبه للخليج وانصحك لاتلف ولاتدور روح حق سوق الاقمشه وهو في البلوكات وهو معروف اي تكسي وقوله البلوكات ويقع في عاصمه الكويت

اما محلات الخياطه وهم ماشاء الله كثار بالكويت وكل محل اقمشه عنده اكيد محل خياطه اتفق وياه على العمل واعتقد انها صعبه هاليومين لان كل الكويتيين عندهم تفصيل للعيد يعني وقت الذروه في الكويت الله يعينك

اخوك ناصر كويتي

مرحبا للجميع

على طاري الملابس الرجالية موضوعك جاء مناسب لي يا أخ/ ابو راشد ، بسالك أخ / na9erq8 وين القى احسن محلات بالعاصمة او الجهراء تبيع اغتر بيض الثقيلة الي يسمونها اغتر السادة على مااظن.

سلام لكليكما
وللجميع

عزيزي ابو راشد
اهلاً وسهلاً بك في الكويت ,,,,,,,,,,,,,, وحياك الله
اخوي الكريم
اذهب إلى سوق المباركية ..... حيث هناك الكثير من محلات الأقمشة الرجالية
وبجانب سوق المباركية هناك سوق الصرافين ، والذي يقع خلفه محلات الخياطين وهم كثر
وتستطيع باذن الله تعالى استلام الدشداشة بنفس اليوم ...

ودمتم

اول اسمع عن غتر الساده ؟؟؟؟


واكيد في سوق الغربللي راح تحصل الكثير من المحلات الرجاليه للغتر والملابس وعزكم الله الاحذيه

وهو بالمناسبه رخيص وتقدر تفاصل مع البائع على كيفك يعني نشف ريجه عدل ماوراك شي

مشكور أخ / na9erq8

وعل الجوة
سلام

المشاركة الأصلية كتبت بواسطة DON354


مشكور أخ / na9erq8
وعل الجوة
سلام



العفو حبيي والله يقويك وتشرفنا بزيارتك لنا

السلام عليكم و رحمة اللة

المشاركة الأصلية كتبت بواسطة na9erq8


الله يحييك يا بوراشد بين اهلك واخوانك
المحلات كثيرة ومميزه الكويت بالاقمشه الجميله وبنفس الوقت رخيصه بالنسبه للخليج وانصحك لاتلف ولاتدور روح حق سوق الاقمشه وهو في البلوكات وهو معروف اي تكسي وقوله البلوكات ويقع في عاصمه الكويت
اما محلات الخياطه وهم ماشاء الله كثار بالكويت وكل محل اقمشه عنده اكيد محل خياطه اتفق وياه على العمل واعتقد انها صعبه هاليومين لان كل الكويتيين عندهم تفصيل للعيد يعني وقت الذروه في الكويت الله يعينك
اخوك ناصر كويتي




الله يبارك فيك اخوي على المعلومات وبيض الله وجهك
وصراحة ما قصرت المحل ذكرته اذا ما خاب الظن اسمه كوكوني كيوكوني ما اعرف اجيبه صح

طيب السكن متوفر في الويكند هذا ولا اسوي حجوزاتبي بدري واذا خابر شي راقي
ترا مانستغني عن نصايحك

وبارك الله فيك

[glint]السلام عليكم أنا بس حبيت أفيد الأخ أبو راشد عن اسم المحل وهو ( كاكولي ) ولكم كل شكر و تقدير[/glint]

روح للبلوكات بشرق....فيه كل الاقمشه الرجاليه اللي تبيها
بالنسبه للسكن....احجز مبجر احسن لك...

حياك الله اخوي بالكويت

طيب المحلات اللي في سوق المباركية وش رايك فيها

اهلين اخوى حبيت اساعدك لاتستغرب انا دايما اخوى ياخذ ذوقى فى الاقمشه الرجاليه
واكثر المرات انا اللى اشتريله
فى محل فى مجمع المثنى اقمشه رجاليه بس شنو حلوه
وفيه محل فى مجمع الفنار السالميه عنده خام عجيب
وفى محل اسمه (اجواخ )على مااظن فى شارع الجهراء فى العاصمه
وفيه متل ماقالولك الاخوان البلوكات فى العاصمه الكويت راح تحصل اكثر من عشرين محل
انت قصدك محلات(((( كاكولى ))))معاك حق خامهم دايما حلو
بس فى كذا محل لكاكولى اللى انت شريت منه وين مكانه بالضبط
اغلب المحلات اللى انا كتبتهم لك لكاكولى
وحياك الله فى الكويت
بس انهم يفصلون لك خلال يوم شوى صعبه بس ان شاء الله راح تحصل
السكن فى المارينا انصحك فيه بس غالى شوى