الموضوع: استفسار عن رحلات الكويتيه ومطار الكويت

بسم الله الرحمن الرحيم
كل عام انتم بخير
جعلنا الله واياكم من صوامه وقوامه
حبيت استفسر اذا ممكن عن طيران الكويت
عندي رحله ان شاء الله يوم 18سبتمبر على الكويتيه لكولومبو في سيلان من الرياض
وحنتوقف ان شاء الله في الكويت لمده ثلاث ساعات .
شلون طيران الكويت؟خصوصا لسيلان ودول اسيا؟
فيه بالطياره ترفيه وتسليه او اجهز حالي من الان؟
مطار الكويت فيه مطاعم وكفيهات او مثل مطارنا
يمديني اطلع من المطار لمطعم قريب،مثلا ميس الغانم او او؟
مشكورين والله لا يهينكم

مواضيع عشوائيه ممكن تكون تعجبك اخترناها لك:

• أماكن للأطفال
• رحلة لمدة أيام للتأثيث مع العائلة
• وزارة الصحة والجمارك؟
• █ܛܟܓܢܛ⅛๛◄ ألف مبروك للاعضاء اللي حصلوا على الاوسمه تعالوا باركوا لهم ►๛⅞ܛܢܓܟܛ█
• استفسار بخصوص السيارات فى دولة الكويت الشقيقة
• مركز بروي
• شنهو اسم الفندق الي فيه مجمع الصالحيه
• استفسار عاجل هل سوق المباركية يفتح يوم الجمعة الصباح ؟
• رحيل الفنان الكبير غانم الصالح
• بقيت رايكم
• للاعضاء اللي جربوا السفر على طيران الجزيرة و للي حجزوا التذاكر من النت حياكم الله
• معااااهد اللغة بالكويت
• وين القاها
• صور للخطوط الوطنيه
• مهرجان الطائرات الورقية فى صبحان
• بعض احداثيات المجمعات
• خاص لبنات الكويت
• دليل الزائر السياحي للكويت مدعم بالمعلومات والصور
• الكويت الحبيبة بعيد رمضان
• أول مرة أزور الكويت

هلا أخوي

وانت بصحة وسلامه

الخطوط الجوية فيها شاشات

وعن المطاعم بالمطار لا بالعكس مطار الكويت فيه مطاعم وكوفيات ومحلات تجارية

وإن شاء الله عن الرحلات الطويلة يساعدونك أخوانا

مرحبا بالنسبه لمطار الكويت الدولى موجود فيه كل شى من مطاعم وكافيهات وحتى محل بقاله او سوبر ماركت

مثلا الموجود بمطار الكويت استار بكس بصاله القادمون والمسافرون وفيه مطاعم مثل برجر كنج ودجاج نايف وفرايديز

ودجاج كنتاكى وبيتزا بيس وسينابون كافيه ومحل للمجلات والجرايد والهدايه ومحل تسجيلات ومحل ادوات رياضيه ودابنهامز ومحل ساعات ومحل للحلويات الشعبيه الكويتيه وبعد اكو جم محل بس ناسيهم وحياكم الله بالكويت

امل الكويت & كويت كويت

لا خلى ولاعدم

هذا العشم فيكم يا اهلنا

ممنونكم يا غوالي والله لا يحرمنا من هالكرم وطيبة النفس.

امس دشيت على موقع طيران الكويت وشفت انواع الطيارات والخدمات، وتبشر بخير ان شاء الله .


ممنونكم ومشكورين.

اذا فيه امكانيه

المطار بعيد عن البلد؟
فيني اطلع وارد بحدود ساعتين من المطار وله؟


اكرر شكري لكم طالت اعماركم على صحة وطاعه.

مرحبا اى نعم تقدرين تطلعين وترجعين والمسافه من المطار الى مدينه الكويت تغريبا ومع الزحمه والاشارات توصلين لها ب20 دقيقه وكل شى موجود بمنطقه الفروانيه واهى المنطقه القريبه من المطار يعنى خمس دقايق وانتى بالفروانيه وفيها مجمعات وعلى طريق المطار فى مجمع جديد اسمه 360 فيه سينمات ومطاعم ومحلات عالميه وسوبر ماركت والموجود بالمطار من محلات ومطاعم يكفون ويوفون واى استفسار حاضرين

مشكورين ولا خلى ولاعدم والله يجزاكم خير

متعودين على الفزعه منكم اخواننا في الكويت .

مرحبا العفو ماسوينا شى وحاضرين وبخدمه اهلنا اهل الخليج وتقبوا تحياتى اخوكم كويت كويت من الكويت

مع التحيه للجميع بصراحه رأيي انك ما تطلعين من المطار وما تدرين وش يواجهك خصوصا وانتي وراك سفره هذي نصحيتي وبالتوفيق