الموضوع: ارجو مساعدتي بزيارتي الأولى

السلام عليكم ورحمة الله وبركاته
اسعد الله مساكم جميعاً

ان شاء الله راح نزور الكويت زيارتنا الأولى
من 26 فبراير لـ 3 مارس
انا وابو محمد ومحمد 8 سنوات واخته 5 سنوات

حابه اسال عن مكان للسكن شقق فندقية نظيفه وقريبه للأماكن (مطاعم - سوبرماكت) مولات
غرفة بس لان بس للنوم وخسارة اخذ اكبر بزيادة ملبغ (نوفرها للطلعات والتكاسي افضل)
شفت ببوكنق شقق اوتاد وسبايس بوتيك اسعارهم لكل الأيام من (4500-5000)
حابه تساعدوني بتحديد الجدول اليومي راح احط الاشياء الي حابين نزورها ممكن اضافات وممكن تعديل
المهم الزيارة حابتها تكون احلا سفره لنا لان صارت بعد ززززن كم سنه

المطاعم (فريج صويلح -ميس الغانم-المطعم الدوار بالابراج-مقهى سليمان الشميمري)
ممكن اضافات ع حسب الجدول بالقرب
المولات (المباركية -سوق شرق-الكوت-المارينا-السالمية-مجمع الاوقاف -مجمع البلوكات قالوفيه دراريع)
(الجزيرة الخضراء-المركز العلمي يتكون من شنو بالضبط - ارض المعارض من شنو بالضبط )
وسيلة المواصلات في شركات معتمدة للتكاسي وكم سعرهم تقريباً
سينما للأطفال افضل مكان لهم وكمان مكان للاطفال مميز وتنصحون فيه
ناويه اجهز للعيد لي انا والعيال لان بكون برمضان قريبه ولادتي ان شاءالله على خير
مشكورين مقدماً

مواضيع عشوائيه ممكن تكون تعجبك اخترناها لك:

• دهن العود
• لو سمحتووو ابي مساعده شوي
• سؤالى عن مكتب حجوزات ؟
• دينار تبرع من الشيخ سالم العلي لكل متقاعد كويتي راتبه دينار فأقل
• يـا أهل الكويت الكرام ، إستفسارات يبيلها طولة بال
• البلد في البلد
• أدعية السفر لكل مسافر للكويت او أي بلد
• الحجز على الخطوط الكويته
• مهم جدا الرجاء الدخول
• مطلوب اسماء مجمعات تجاريه بالكويت
• ابحث عن شاليهات قريبه للمجمعات التجاريه
• §ô§ مـجموعة صـور لـدولة الـكـويت §ô§ متأكد راح تعـجبكم
• نـبي فزعـتكم
• زيارة لدولة الكويت لمدة يومين
• بناء برج بطول متر
• ميراج سويتس
• محل الفيرو مارتيني في الكويت في الفنار
• البر والكشتات ولقطات من أجمل الا وقات
• بعد الامطار والخير بعض الصور لربيع الكويت
• الخطوط الوطنية تضع قدمها في أوروبا بثلاث رحلات أسبوعية إلى روما

السلام عليكم

هذا تقريري و فيه تقريبا كل الاماكن اللي حابه تزورينها

http://www.arabtravelersforum.com/travel891890/

الشقق لاقونا سعرها حلو و موقعها ممتاز و موجوده في بوكينج و في موضوع لاحد الاخوان عنها في البوابه

رحله موفقه ان شاء الله

ماقصرتي اخت هاوية تقريرك شفته وسجلت منه تقرير رائع ماشاءالله
بالنسبة للسكن كيف انطباعك عنهم ممتازين ويستاهلون لان ماحصلت سكن الا وفيه سلبيات احترت
ايهما افضل ليدر بلازا او لي رويال ع اني حبيت ليدر
سجلت لاغونا بالقائمة

طبعا ليدر بلازا احسن من لي رويال بس موقعه بعيد عن المدينه و خاصه وقت الذروه تستوي زحمة فضيعه
و المشكله انه ما عندكم سياره
شوفي لاغونا يمكن يكون انسب

اي والله من التعليقات كانه بعيد واحنا تكاسي الواصلات ووقت اجازة
لاغونا عجبني كثير وراح نتصل فيهم ان شاءالله
يعطيك العافيه اخت هاوية ماقصرتي الله يبارك فيك

الرد الوافي اليوم ان شاءالله عندج

يعطيك الععافيه اخت كويتيه ماقصرتي
حسيت نفسي ضعت ومتشتته
حابه اسوي الجدول كل يوم بيومه وحسب المناطقمثلا يوم الثلاثاء الوصول العصر السكن وبعد العشاء نروح لكذا ونتعشاء ونرجع
يوم الأربعاء نفطر بكذا ونروح كذا وكذا وكذا
ممكن تساعدني الله يبارك فيك

يوم الوصول 26 يصادف الأربعاء وراح يكون في مسيرات الاحتفالات يعني زحمه السالميه والأسواق ان شاءالله تكون مفتوحه
مثلا وصلتوا العصر ممكن بعد صلاه المغرب وبما أن سكنكم في السالميه كل شي يمكم تقدرون تروحون مشي عندج سوق السالميه وشارع سالم المبارك فيه ( الفنار- ليلى غالاري- زهره- مريم سنتربوينت- مركز السلطان) والجهه الثانيه اتجاه مارينا مول والسالميه القديمه واليديه وكله محلات واسواق وأماكن ترفيه للأطفال- تعشوا في فريج صويلح يم مارينا مول وبعدها دسوا السينما في المول او تقعدون جهه الثانيه من المارينا كافيهات ومطاعم ..

اليوم الثاني 27 يصادف خميس تكملت أجازه الاحتفالات تروحون الصبح المباركيه وتتريقون اذا حابين في دلق سهيل او breakfast club في برج كيبكو تتمشون في المباركيه الأجواء حلوه وكل شي فيها ويمها البلوكات - برج كيبكو في محلات قلتلج لمصممات كويتيات وبرج التجارية وترا مو ابعاد عن بعض وكلهم حوالينكم محيط الديره وبعد بيت ديفا وشرق يم المستشفى الأميري وبعدين سوق شرق وآخر شي تغدوا في ميس الغانم يعني نفرض خلصتوا مشاويركم عا2:30 يعني 3 انتوا فيه زين بعدها ترجعون اذا حابين تريحون وتالي روحوا حديقه الشعب لعبوا اليهال والعشا في نينو الايطالي عالبحر .

اليوم الثالث اليمعه 28 الصبح تروحون الأفنيوز اذا حابين تتريقون في مطعم الحمرا بغراند أفنيو او اي هوب او كافيه كاكاو او دين اند لوكا وتقضون نص اليوم أهناك وفيه للأطفال كيدزانيا وماجك بلانت وبروي انصحج أدخلينهم كيدزانيا لان المول وايد كبير وايد محلات من A to Z وفيه كل الأسعار الرخيص والغالي ومحلات لمصممات كويتيه وماركات عالميه الغدا راح يكون متأخر على ماتخلصون فر طبعا مطاعم لاتعد ولا تحصى في فيلا فيروز لبناني - ميلنزاني إيطالي- جيز كيك فاكتوري أمريكي - رد لوبستر بحري- قائمه طويله عرضيه ماتخلص وقسم السوق مطاعم كويتيه مثل بزه و زواره والخ - بعدها تطلعون من الأفنيوز ممكن تروحون المركز العلمي للأطفال وبعدين العشا في اشاز هندي او ميلنزاني إيطالي في البدع واتحلون في جوكلت بار ..

اليوم الرابع 1/3 يصادف السبت الصبح تبون ريوق بيتوتي او مطعم كوكوروم او مطعم ريوق انا أقول ريوق لأنكم راح تروح منطقه الشعب البحري وأهو متواجد أهناك وفي محلات المصممات اللي ذكرتهم هديل ورودينا وبعد الشعب البحري يمكم حولي روحي المهلب ومجمع النقره الشمالي والجنوبي ألقي نظره ايبون أشياء حلوه وبما أنكم في حولي في متحف بيت العثمان وحولي بارك اذا حابين للأطفال او خلاص تروحون الديره مجمع ديسكفري للأطفال ومقابله برج جاسم . الغدا على السيف في مطعم سلايدر ستيشن - تالي تريحون اشوي وعالمسيان تروحون مول 360 تقضون باجي يومكم فيه العشا في p+ f او لورينزو او بوش ..

اليوم الخامس 2/3 يصادف الأحد تتجهون الى منطقه فحيحيل مجمع الكوت تتمشون وتتريقون في الكافيهات على النافوره وأسواق فحيحيل تتمشون فيهم وفيها كويت ماجيك ومطاعم اذا بتغدون - تخلصون منها ودي أقول تروحون المدينه الترفيهية بس درب من جنوب لي الشمال لان اتوقع تفتح من بعد صلاه الظهر او تروحون الديره اذا حابين تمرون على برج الحمرا والصالحيه وتدخلون سينما..

اليوم السادس والأخير 3/3 الصبح روحي الفروانيه مجمع الحمرا والعربيد او تخلينه بالخامس مكان الكوت وبجذي تقريبا غطيتي كل الاماكن ..

وأتمنى لكم زياره حلوه وونيسه في ديرتكم من الموبايل

الله يعطيك العافيه كوييييييتيه ماقصرتي
من شفت الجدول ارتحت وانبسطت فيه قصرتي علي التجميع واترتب
الجدول بكذا ممكن اعدل ممكن اضيف


وكمان هاوية ماقصرت الله يبارك فيها يارب

الله يعافيج
اي نعم ممكن تضيفين وممكن تلغين
نسيت اقول في رحلات بحريه تتمشون فيها مدتها تقريبا 20 دقيقه وفي رحلات خاصه
عند مرسى إليخوت الشعب يم مطعم مركز السلطان اللي عالبحر
http://www.silsan.net/silsan/

وفي رحلات عشا او غدا بوفيه بالمركب عند مارينا كرسنت من الموبايل

اييييييييي نسيت اسال عنهم الرحلات البحريه
كيف طريقة الحجز لازم قبل او اروح واحصل
احتمال تكون رحلتنا هالاسبوع حصلنا 3 مقاعد اكيد وواحد انتظار حابين نحظر هلا فبراير ونلحق ع شي منه
وعن المسرحيات ممكن يدخلون الاطفال 8-5 سنوات

فديتك ماقصرتي كوييته

اقترح عليك فندق دلال سويت بالفروانية ( شقق فندقية مفتوحة من اسبوع ) قريبة جدا من مطار الكويت الدولي خمسة دقائق فقط بالسيارة ولديهم خدمة التوصيل ... ويبعد مجمع الافنيوز ومجمع 360 خمسة دقائق ايضا بالسيارة ... كما انها بجانب المدينة التجارية بالفروانية ومتوفر بجانبها جميع الخدمات والمرافق

المشاركة الأصلية كتبت بواسطة T2 meedo
http://www.arabtravelersforum.com/tr...8/#post8186458

اييييييييي نسيت اسال عنهم الرحلات البحريه
كيف طريقة الحجز لازم قبل او اروح واحصل
احتمال تكون رحلتنا هالاسبوع حصلنا 3 مقاعد اكيد وواحد انتظار حابين نحظر هلا فبراير ونلحق ع شي منه
وعن المسرحيات ممكن يدخلون الاطفال 8-5 سنوات

فديتك ماقصرتي كوييته

الرحلات البحريه عادي نفس اليوم

والمسرحيات اي يدخلون عادي بس احسن بعد سألي بس انا اشوف جم مره يدخلونهم

العفو ماسويت الاالواجب

المشاركة الأصلية كتبت بواسطة aftan
http://www.arabtravelersforum.com/tr...9/#post8187539

اقترح عليك فندق دلال سويت بالفروانية ( شقق فندقية مفتوحة من اسبوع ) قريبة جدا من مطار الكويت الدولي خمسة دقائق فقط بالسيارة ولديهم خدمة التوصيل ... ويبعد مجمع الافنيوز ومجمع 360 خمسة دقائق ايضا بالسيارة ... كما انها بجانب المدينة التجارية بالفروانية ومتوفر بجانبها جميع الخدمات والمرافق

ياريت اذا عندج صور تنزلين عن تقرير

مساكم سعاده ورضا
حبيت اسال عن فندق Ibis و الكورنيش
حصلتهم بسعر ممتااز جداً ومع افطار بس ماشفت لهم تقارير شرايكم
او بس اخذ لاغونا اغلى بديل وبدون افطار
ان شاء الله جيتنا الأربعاء الجاي
متحمسسسسسسه باقي لنا السكن بس

السلام عليكم
دلال سويت للشققالفندقية بمنطقة الفروانية خلف الكراون بلازاو قريبة جدا من سوق الفروانية ومجمع الافنيوز ومجمع 360والمطار وشارع المطاعم ,, دلال سويت شقق فندقية عبارة عن غرفتين وصالة وحمامينومطبخ ،،

http://www.q8yat.com/ads.php?id=84

ايبيس حلو اقتصادي بس غرف صغيره الكورنيش مااعرفه من الموبايل