الموضوع: رحلة شبابية استفسار عن المطاعم والاماكن السياحية

السلاام عليكم ورحمة الله وبركاته,,

نحن ان شاءالله ناوين نزور الكويت في تاريخ 20 فراير الى 23 فبراير

هذي رابع زيارة لي ان اشاءالله للدولة الكويتية الحبيبة

بغيت افضل المطاعم والكوفيات اليديدة الي فتحت في الكويت ويستاهل ان الواحد يزورها

انا هالمره حجزت فبودل ونحن 3 شباب

طبعا المطاعم نفضل كل شي ماعدا البحري
افضل مطعم هندي + تركي +ايطالي +لبناني + ونبا شي يديد

واتمنى انكم تذكرون المطاعم ويا اماكنهم بالتفصيل

وشو الاماكن السياحية الشبابية الي الواحد يفكر انه يسيرها فهالوقت والي بيضيفنا عنده في الشاليه بنقوله يزاه الله خير

مواضيع عشوائيه ممكن تكون تعجبك اخترناها لك:

• شـقـق بـودل الفـندقيـه
• خااااص لبنوتات الكويت الشيك
• زيارة لدولة الكويت
• هل تبحث عن شقة او فندق بدولة الكويت ؟
• لو ممكن طريق سوق الجمعه
• فندق مريديان تاور الكويت رفاهية و تقنية عصرية
• الكويت ترحب بكم
• مطعم أبو شقرة  في الكويت
• ابي برنامج شامل السكن واماكن التنزه في الكويت
• احد يعرف شي عن شاليهات الوطنية
• ساعه بالكويت وين ممكن اقضيهـا ؟
• استفسار بخصوص تأجير سيارة بالكويت
• تعطل طيران الامارات فى الكويت
• بيت الكويت للأعمال الوطنية متحف لكي لا ننسى
• أعياد الكويت
• فيزا شنغن للكويتيين أسئلة سريعة الله يبارك فيكم
• أبراج الكــــــــــــــويت وقصـــة مصٌــورة لشموخ يعانق السماء
• كيف الوصول من الحفر الى الكويت
• السفر الى الكويت بالهوية الوطنية
• الـقـصر الأحـمـر

الاماكن السياحيه في
حلبة سرب بالشويخ تلاقيها بتقريري بالبوابه
وكذلك عندك متحف بيت العثمان وفي تقرير عنه بالبوابه ايضا
المطاعم في الافنيوز عدة مطاعم جديدة وكلها تلاقيها بالغراند افنيو
والسوق اللي يكون على شكل الاسواق القديمه بالافنيو وراح تحصل المطعم التركي
في مجمعات مطاعم جديده كذا واحد على الشريط الساحلي من الفحيحيل الى الفنطاس
وهذه المجمعات كلها مطاعم جديده وكمان تلاقي تقارير عنها بالبوابه

في بشارع التعاون مجمع مطاعم جديد عند فندق النخيل واضافه الى المطاعم اللي عند الموفنبيك

في مجموعه مطاعم اسم المكان ذا فيلج بابو الحصاني منطقة ابو الحصاني
وتقدر تسال الفندق بيعلمونك عن هذه الاماكن
وسلامتك

قواها الله ام حسين على الرد والمعلومات اللي ضافتهم وانا راح اكمل عليها وأضيف لكم
ودان نضيفكم بس رحلتكم شبابيه ؛) تقدرون تحجزون شاليه بس لازم ويك اند يعني اقل شي يومين أتوقع بس في هالحاله كل شي بعيد عليكم او الحل الثاني تأجرون شاليه في منتجع صح ارى او هيلتون المنقف او جميرا المسيله او موفنبيك البدع او رمال هذيل اقرب شي عشان تكونون في الديره

بالنسبه للمطاعم وايديين انا بكتبلك وعن تجربه
1- ميلنزاني ( كاتبه عنه الإيمان تقرير ) إيطالي والأكل لذيذ مكانه 3 أفرع البدع يم فندق موفنبيك و واحد في الأفنيوز و واحد في برج الحمرا ( افضل فرع البدع بحكم الجلسات الخارجيه )
2- فيلا فيروز ( لبناني ) الأكل لذيذ له فرع بالافنيوز وفرع في منطقه الشعب على خط فحيحيل باتجاه الكويت ( افضل الأفنيوز)
3- b+f في مول 360 ( الأكل لذيذ امريكي على انترناشينونال ) منطقه جنوب السره بالتحديد في الزهرا على الدائري السادس
4- نينو (إيطالي ) الأكل لذيذ له كذا فرع الأفنيوز الجابريه الخليج العربي ارابيلا ( افضل ارابيلا القعدات الخارجيه والمكان توه يديد وحلو نظام اوربي
5- ليلى ( لبناني ) - لورينزو (إيطالي ) - someday (كافيه) كلهم بالصالحيه مجابل برج الصالحيه القعدات خارجيه وأكلهم لذيذ.
6- كافيه بزه ( كويتي ) الأكل لذيذ الافرع بنيد القار - الشامية - السوق بالافنيوز ( افضل الأفنيوز )
7- breakfast club من أقوى والذاطابق الريووووق يفتح من 7 الصبح الى 5 مساء برج كيبكو منطقه شرق بجانب برج الشهيد اللي على شارع خالد بن الوليد (بصراحه مايتطوف وخصوصا بان كيك بالكندر) والشيف كويتي
8- أشاز ( هندي) مارينا ويفز السالميه او البدع افضل البدع
9- شوكلت بار - البدع او الأفنيوز او برج الحمرا او سبونز في الفنطاس
10- تعبت لان وايد مطااااعم وكل واحد يقول الزين عندي ومثل ما كتبت ام حسين ذي فلج في ابوالحصانيه ومنيو وسبونز في فحيحيل

بالنسبه للأنشطة ؛
- عندكم اذا تحبون الطيران الجوي http://www.kuwaitparamotor.com
- حلبه سرب فيها درفت وكارتنغ ومتحف السيارات الكلاسيك
- متحف بيت العثمان يستحق الزيارة وتوهم فاتحين قريه صباح الأحمد في السالمي مع مهرجان الموروث الشعبي
- في ستاند أب كوميدي مع محمد المظفر تاريخ 21/2/14 في فندق السفير بنيد القار
- عندكم مسرحيات ( تحت الصفر و عوده التجنيد )
- تأجير طراد والتمشي في الخليج مع اتسون لكم باربيكيو من سلسان يم مطعم مركز السلطان اللي عالبحر عقب القهوى الشعبيه
- باجي الأنشطة تابعوهم في موضوع والفعاليات لسنه 2014 وان شاء الله كل شي تلقونه

وحياكم الله في ديرتكم من الموبايل

نسيت من الأنشطة عندكم
- لعبه ميلسم وبينت بول
https://www.facebook.com/milsimkuwait

http://www.paintball-kuwait.com من الموبايل

قواج الله مشرفتنا ويعطيج العافيه
كفيتي ووفيتي

كثر الله خيركم على هالردود ,, ويعطيكم العافية كفيتوا ووفيتوا ,,

انزين وبالنسبة لتاجير السيارات الافضل ااجر عن طريق المواقع ولا ااجر في المطار دايركت ؟

عادي نفس الشي الا اذا في المواقع مسوين عروض احجز منهم