حياك الله
موضوعي ببساطة ، عن نيتنا للذهاب برحلة لقطر في اجازة الربيع (بعد اسبوعين تقريباً) انا وثلاثة من العيال وابغاكم تفيدوني في اي شيء تقدرون عليه من اطلع من الرياض لين امسك خط الرجعة لان خبرتي ف السفر يبيلها تحديث لان آخر سفرة خارجية لي كانت في 2005 يعني خبري قديم
آمل التكرم بالإطلاع على هذا الرابط ( http://www.arabtravelersforum.com/travel827583/ )
وفي عدة استفسارات مخصوصة وهي :
1_ حنا طبعا 4 اشخاص 3 مننا عمرهم 17 و خوينا اللي عمره 18 بيروح يطلع رخصة يوم الاحد فهل ممكن تطلع قبل الاجازة ؟؟ و ناوين نستاجر موتر من الرياض باسم ابوه ويسوي له تفويض قيادة ففي مشكلة ؟
بخصوص الرخصة / تطلع بنفس اليوم . أما بخصوص تفويض على سيارة مستأجره / غير مسموح نظاماً
2_ الدخول عادي ببطاقة الاحوال وتصريح ولي الامر من هنا ع الجوازات ؟؟ ولا يحتاج كل واحد يكون بجوازه ؟؟
نعم الدخول ببطاقة الهوية الوطنية والتصريح الآن عن طريق الكمبيوتر بدون ورقة تصريح ، يتم التصريح من خلال خدمة ـــ http://www.moi.gov.sa/wps/portal/pas...ser_deflaut_ar ـــ . ما يحتاج جواز البطاقة الوطنية تفي عنها
3_ بخصوص وصف الطريق و ساهر و ايش ممكن نتعرض له ف الحدود من الناحية القانونية ؟
بخصوص ساهر نعم موجود بالقرب من الهفوف ولا أعلم إذا كان تم وضع كاميرات ثابتة أو لا
وإذا كنت تقصد كاميرات قطر صار فيه كلام منهم من يقول :
أ ــــ تحسب في سجلك ولكن ما راح تطالب بدفع المبلغ
ب ــــ يتم محاسبتك على دفعها في حالة وقع حادث مروري لا سمح الله
ج ــــ يتم دفع مبلغ المخالفات إذا وصل حد أعلى ( لا أعلم عن الحد )
4_ كيف اسعار البنزين عندكم ؟؟ والمخالفات تجي ع اللوحة السعودية؟؟ (ان شاءالله م نتعرض لها )
أسعار البنزين ضعف الموجود لدينا . نعم تجي على اللوحة السعودية
5_ بالنسبة لاقتصادكم واماكنكم السياحية .. كم تكون الميزانية ؟؟ (خذوا ف بالكم م راح نتسوق زي العوائل بالعكس تمشية فقط ) وايش اللي ممكن نصرف قروشنا عليه غير المطاعم والسينما ؟؟
ما راح تصرف إلا على المطاعم والسينما والنشاطات البحرية سواءً قوارب أو الأنشطة الموجودة بكتارا
والمطاعم أنت مخير بالمطاعم ذات الأسعار الموحدة مثل المطاعم الأمريكية المعروفة أو مطاعم ذات الأسعار الغير موحدة
للدعم بخصوص السينما إليك ما تم اقتباسه من الخبيرة / النوريq
نبذة عن سينما فيلاجيو ؟
تحتوي سينما فيلاجيو على 13 صالة للعرض ، وتوفر لمشاهديها قاعات للأفلام ثلاثية الأبعاد والـ Imax ، كما تضم في عدد من قاعاتها مقاعد للـ vip ، توجد في شرفة خاصة ، وتمتاز بمقاعدها الرحبة التي توفر للمشاهد شيئاً من الراحه اثناء المشاهدة ، وتكلفة مقاعد الـ vip هي 45 ريال قطري ، في حين أن المقاعد العاديه تكلفتها 35 ريال قطري .
نبذة عن سينما سيتي سنتر ؟
تحتوي سينما سيتي سنتر على 14 صالة للعرض ، وتوفر لمشاهديها قاعات للأفلام ثلاثية الأبعاد ، كما تحتوي على سينما خاصة بالـ vip تدعى vip Gold ، تمتاز هذه القاعة بخصوصيتها الشديدة ، ومقاعدها الجلدية الحمراء الواسعة ، وبجانب كل مقعد طاولة خشبية للمأكولات والمشروبات ، وتقوم العاملة في السينما بالقدوم إلى المشاهدين قبل بدء الفيلم وإحضار جميع طلباتهم من مقهى السينما دون أن يتكبدوا عناء الوقوف في الصف ، وسعر تذكرة الـ vip هي 100 ريال . في حين أن المقاعد العاديه تكلفتها 35 ريال قطري.
و أخيراً اتقبل نصائحكم وخبراتكم واي معلومات ممكن تفيدونا فيها
الوجهات السياحية واماكن التجمعات الشبابية ( اللي اعرفه بس خور العديد اسمع فيه بس)
ما عندي علم بشأن تجمعات الشباب
وعن النت كيف اشتغل عليه ؟؟ لان شغلنا كله بيكون على النت من جي بي اس ورفع وتحميل صور وغيره ، يعني مثلاً آخذ شريحة بيانات من هنا لشركة محلية (stc او موبايلي ) وبتكون شغاله معي هناك ؟؟ ولا آخذ من قطر ( اذا ايه ياليت تحددون الشركة)
للأسف ما عندي معلومات مستوفيه
(( تـــــروحـــــــون وتـــــــــــــرجـــــــعـــــــــون بــالــــســـــــــــلامــــــــــــــــــة ))
رد مع اقتباس
المفضلات