الموضوع: جروبات الكويت السياحية

شباب افكر اسافر للنمسا مع جروبات الكويت السياحية , هل في احد جربها وايش رايكم فيها

شكرا مقدما

مواضيع عشوائيه ممكن تكون تعجبك اخترناها لك:

• يا أحباب ألا توجد خريطه للكويت واضحه وجديده
• لا يطوفكم أحدث صور لزيارتنا ل الافينوز روعه
• باقي كم يوم وماعندي برنامج انقذوني
• كيف الوصول من الحفر الى الكويت
• مجموعة ديفا جلام تقيم ملتقى المرأة يناير
• المعجم الكويتي الأصيل للمفردات العامية
• استسفار بخصوص دخول الخادمة مع غير كفيلها
• إستفسار بخصوص المواصلات العامة بدولة الكويت
• نوعية إستكانة
• الذهاب الى جزيرة فيلكا ؟؟
• «ديسكفري تشانل» تعرض «برج الحمراء» ضمن برنامج « »
• خرائط توضيحية لشاليهات الكويت
• المسرح في العيد
• من السعودية بعد منفذ الرقعي كيف أصل إلى المباركية
• سؤال بخصوص الاجواء
• فندق كويت يارد الراية
• حلاوة نهر خوز
• فعاليات عيد الفطر المبارك
• الكويتيون ينفقون مليون دينار على تذاكر الطيران
• بنات الكويت الذويقات ممكن تساعدوني

ليش ماحد رد تكفون افيدونا

و الله اول مره اسمع فيها


ان شاء الله احد غيري افيدك


و بالتوفيق

والله القروبات زينين


اذا بتروح النمسا هذا خط الرحله ماعتقد في غيره..

(فينا - سالزبورج - زل ام سي - ميونخ)
او
(فينا - زل ام سي - انسبروك - ميونخ )









من السفريات الزينه اللي انصحك فيها

(الرابيه + السيد + سماء + فضاء )

تكفون اهل الكويت ولا تعرفون مواقع السفريات الجروبات

مكاتب السفريات المتخصصه في عمل قروبات لاوربا موقعها سوق الدوليه خلف مجمع المثنى يعني روح مدينه الكوبت دوار الشيراتون عدي الاشاره اللفه على اليمين ادخلها راح تلقى مواقف للمثنى عده وروح لمواقف الدوليه وهناك تلقى مكاتب السفريات

الدوليه..


اكو واحد ورا المثنى + و اكو واحد ورا الكويتية..

ورا الكويتية وقصر العدل ومقبال مجلس الامه من الخلف..

مافيه احد مشهور منهم


؟؟؟؟؟؟؟؟؟؟؟؟؟ظظ تكفون مابي اعني وهم ماحطو الاجروبات 2008 تكفون عطوني خبر اهم حطو لا متى يحطون

المشاركة الأصلية كتبت بواسطة ولد البوعبيد
http://www.arabtravelersforum.com/tr...4/#post1705004

مافيه احد مشهور منهم


؟؟؟؟؟؟؟؟؟؟؟؟؟ظظ تكفون مابي اعني وهم ماحطو الاجروبات 2008 تكفون عطوني خبر اهم حطو لا متى يحطون





لا ماحطوا حق الصيف الياي.. :108:

على نص شهر 6 يحطون :24:

شكراً جزيلاً

عن نفسى رحت فى ال2001 عن طريق احد المكاتب السياحية

وكانت الرحلة (( فينا - زل ام سي - انسبروك - ميونخ ))

وكانت التجربة حلوة بس فيها التزام فى الوقت

وبالتوفيق ان شاء الله

شكراً جزيلاً


كيف التزام بلوقت من اي ناحية

أخي العزيز مكتب الراية ممتاز جداً هذا رقم تلفونهم كلمهم وتفاهم معهم

009652629999

والله يوفقك

السلام عليكم ورحمة الله وبركاته

أخي الكريم ..

بالنسبة لسفر القروبات له سلبيات و ايجابيات ..

السلبيات :

* لا تستطيع ان تختار الفندق .. فالشركة هي التي تختار الفندق وانت وحظك ..

* بعض الاحيان وليس دائما تكون حجوزات الطيران غير مؤكدة .. ونادرا ما يحدث .. ( حصل معنا في سنة 2000)

* العائلات التي تكون معكم في المجموعة بعض الاحيان تكون ممن يثيرون المشاكل ويعكرون الرحلة .. وانت وحظك ..

* قائد المجموعة ممكن يكون ممن يسافرون لاول مرة للدول التي ستزرورنها ( وهذه حقيقة عشناها )


الإيجابيات :

* شغلك في المطار والفنادق خالص وانت قاعد في مكانك ( لأنه شغل قائد المجموعة)

* سعر الرحلة مع المجموعة ارخص من سعر الرحلة الخاصة( أي انت من يقوم بتنسيقها) ..

* رحلات سياحية في الدول تكون ممتعة مع المجموعة وقائد المجموعة اللي ينسق لكم الرحلات والمواصلات وانتم عليكم الدفع فقط ..

* مواصلات من المطار الى الفندق والعكس .. قائد المجموعة اللي يروح ويشوف لكم الباص ويناديكم لما يضبط كل شي ..

* اذا كانت المجموعة تتكون من اشخاص طيبة و ونيسة راح تكون الرحلة من اروع من ما يكون .. وتكونون صداقات وتتلاقون بعد ما ترجعون للديرة ( ** كنا مسافرين سنة الغزو للنمسا والمانيا مع قروب وللحين نتواصل معاهم وكانت رحلة ولا بالأحلام لأنه الناس اللي معانا كانوا ذهب )..

أفضل مكتب للسفر الى اوروبا وبالذات النمسا والمانيا هو

الفضاء للسياحة والسفر
هاتف:- 2439696

وبالنسبة لشرق آسيا واستراليا

المستقبل للسياحة والسفر
هاتف:- 2453414

مممم .. وبس هذا اللي اقدر افيدك فيه وان شاء الله فدتك .. والله ولي التوفيق ..

دمتم بحفظ الرحمن ..

شكراً جزيلاً بس والله محتار من كثر السفريات وكل واحد يمدحي مكتب والله اني محتار


وانا سفري في شهر 7 متى احجز ؟؟؟؟؟؟؟؟؟

تو الناس اخوي ولد البوعبيد
انطر على شهر سته السفريات اتنزل برامجها بالجرايد

موضوع رائع وشكرا للاعضاء المشاركين ..

واحب استفسر عن اسعار الجروبات هي هي غاليه او رخيصه يعني بحدود كم ؟؟؟

المشاركة الأصلية كتبت بواسطة Abr22
http://www.arabtravelersforum.com/tr...3/#post1724143

موضوع رائع وشكرا للاعضاء المشاركين ..

واحب استفسر عن اسعار الجروبات هي هي غاليه او رخيصه يعني بحدود كم ؟؟؟

السلام عليكم

بالنسبة لأسعار القروبات فهي طبعا تختلف على حسب الدولة المراد السفر اليها

بالنسبة لأوروبا .. تتراوح الأسعار

من 600 د.ك الى 800 د.ك للشخص .. سعر الطفل اقل ..

وبالنسبة لأستراليا

من 800 د.ك الى 1000 د.ك وممكن تكون اكثر يعتمد على المدة ومستوى الفنادق .. للشخص .. سعر الطفل اقل ..

الأسعار تشمل :

التذكرة + الفندق + مواصلات من المطار الى الفندق والعكس + الإفطار اغلب الأحيان + ( في استراليا تشمل 3 رحلات او اربع ) + ( في اوروبا بعض الأحيان تشمل رحلة واحدة .. )+ قائد المجوعة ..

أغلب رحلات اوربا تكون 21 يوم .. ورحلات استراليا 26 يوم ممكن اكثر بيومين او اقل بيوم او يومين ..

.. بعض رحلات اوروبا تشمل القاهرة او لبنان .. وهناك جدول لكل مكتب ينزل في الجريدة وتشمل الجداول رحلات كثيرة واسعار متفاوتة ..

المشاركة الأصلية كتبت بواسطة Abr22
http://www.arabtravelersforum.com/tr...3/#post1724143

موضوع رائع وشكرا للاعضاء المشاركين ..

واحب استفسر عن اسعار الجروبات هي هي غاليه او رخيصه يعني بحدود كم ؟؟؟




متوسطه
اوربا من 600 الى 900
اذا فيها لندن 850 و فوق ! :24:

استراليا 700 الى 1000

الارجنتين و البرازيل
اكثر من 1000 (عند سفريات السيد)

جنوب افريقيا
800 و فوق عند (سفريات البندر)

ماليزيا
اقل 650


الاسعار للشخص !!
و تشمل مواصلات + اقامه + تذكره
من مدينه الى مدينه غالبا بالباص و نادرا بالطياره :101:

السلام عليكم

ابشر بالخير اذا كنت من خارج الكويت اشتر جريدت الوطن اليوميه فى بدايت شهر 6 فى الصيف الجريده اكثر واحده تحط الاعلانات السفر

وشكرا