الموضوع: المسافرين باجازة الحج هنا

السلام عليكم .....

انا بسافر باجازة الحج ومو محدد كم يوم بس بهالوقت من 4/12/1431 الى 16/ 12/1431 تخبرون هذا وقت الاجازة بتكون مدة اجازتي 5 ايام احسها كافيه .... بس بصراحه ما ادري اسافر الامارات قبل العيد والا بعد العيد ... ناس كثير تقول العيد الاسعار ناااااااااااار .... وما ادري وين اروح هناك ابي منكم النصيحة وش احلى الاماكن هناك وافضلها .... وهل تنصحون بالقارمن وخرايطه وشلون تكون جديدة .. وبالنسبة للعملة هل تنصحون اخذ معاي ريال سعودي والا احوله للدرهم الاماراتي ..... وبالمناسبة انا مخطط اشتري سيارة يعني في العصر ودي اروح معارض السيارات في دبي او الشارقة وبالليل تماشي مع العائلة ... فودي تنصحوني وين المعارض اللي في دبي والشارقة ووين الافضل ... لاني سمعت ان معارض الشارقة سياراتهم احسن .... وعلى طاري السيارات سمعت من واحد مره يقول انا اشتري السيارة من الميناء على طول كيف الطريقة

ارجو منكم المساعده

مواضيع عشوائيه ممكن تكون تعجبك اخترناها لك:

• ممكن مساعدة
• عاجل ماهي أوقات دوام مكتب عرب لينك في رمضان ؟
• كويت دبي كويت
• وين الاقي شقق معقولة في ابوظبي؟
• إلى أهل دبي الاعزاء ارجو المساعدة
• بليييييييييز الوايلد وادي و الأكوافنشر
• الاجواء في رمضان
• اماكن بالشارقه
• مطعم أنيس بالانتر كونتننتال
• سؤاال سريع
• عــجمان
• استفسار عن الأمارات والدخول لها
• ساعدوني رحلة شبابيه
• انا قررت اهذىسكن الشقق
• ابن زايد يستفسر منكم يا عيال زايد
• المشرفين والأخوان الكرام
• تفضلوا هنا
• ارجوكم المساعدة يااهل الخبرة
• افضل منطقة للسكن بدبي
• فندق القصر بمدينة جميرا

اذا بتسكن في الشارقة اسكن في فندق البستان لانة قريب من معارض الشارقة ومنها اذا خلصت من المعارض تاخذ الاهل وتتمشون طبعا ماعرف عن الفندق شي مايقصرون الاخوان يفيدونك

تسلم اخوي وناسة وناسة

قد سكنت في فندق البستان من قبل ؟؟؟ ودي اسالك عن نظافة الفندق تخبر معي عائلة واطقال وكم سعره

الاخوان جزاكم الله خير ممكن احد يفيدنا والافضل باي فندق .... واذا جيت بتمشى لدبي كم تبعد دبي كم يحتاج وقت .... ووين الامكان الجميلة فيها

كيف اسعار فنادق دبي في اجازة الحج
ودنا نعيد هناك وش تنصحون باي فندق.....مشكووورين

يوجد فنادق كثيرة واسعارها متنوعة ..
عندكم موقع بوكنج بحيث تشوفون الموقع وصور الغرف والأسعار ..
انا اجد اسعارها مناسبة ..مو رخيصة ..
اتكلم عن فنادق وشقق 4 نجوم ..

والله ياخوي كل شي نار الله يرزقنا والفنادق ياليت تفتح موقع بوكينق وتحط تاريخ روحتك وتشوف أنت والعيال الصور والسعر واللي يعجبك تاخذه وأنا رايح في عيد الفطر نفس أسعارنا في الغلاء ماعدا البنزين غالي الدبل 3 مرات بس يبطي ورح قبل العيد أفضل لأنك لو حسبت الاجازه بعد العيد ماتسوا ودبي فيها الاسواق والحدائق لأن الجو بيكون حلو والقرية العالمية والممشى سكاي دبي في مول الامارات وكدزانيا في دبي مول إذا معك عيال صغار الشواطئ هناك حلوه ونظيفه فندق اتلانتس فيه مطاعم بوفيه مفتوحه حلوه والقارمن إذا كان معك أيفون حط برنامج igo مره حلو خرائط الخليج 2009 لأن دبي تغيرت مره ينفع انصح فيه لا تصرف خلها سعودي وهناك في كل مكان مكان صرافه بدل على حسب حاجتك والسيارات لما تروح هناك وعزمت تشتري لاتفحصها في نفس المعارض أطلع لأنهم يتأمرون كل واحد يتصل على الثاني ويقول قل السياره زينه وهي خربانه خلك حريص والاسعار للامريكي حلو والباقي اسعارها عادي مثل عندنا وأنا عندي خبره بس علمني إذا معزم وش نوع السياره وخلها صبح أفضل إلى الظهر وتعال ارتاح شوي واطلع العصر حرام تضيعه في المعارض لأن الجو بيكون حلو
اتمنى افدتك

حول فلوس اول ما توصل في المطار حقة مصاريف اول يوم ولا تعتمد على مكينة الصراف اللي في المطار لانو مررة ما قبلت بطاقتي وبعدين في وسط البلد اسحب من اي صراف عادي .

والقارمن انصحك به جدا جدا لانه يجعل حياتك سهلة تروح وتجي اي مكان بدون ما تشيل هم واهم شي يكون محدث واذا الفندق او مكان السكن غير مخزن فيه انصحك تخلي تكسي يمشي قدامك الين مكان السكن وخزن الموقع في القارمن وسلامتك .

الاماكن الحقيقة تقدر تتابع تقارير الاعضاء اللي سبقوك وتسجلها في ورقة واذا رحت هناك بتلاقي معظمها مخزن مسبقا في القارمن .

ملحوظة صغيرة
بطاقة الصراف لما تصرف فلوس تأكد من الشعارات الموجودة بالبطاقة وبالمكينة الصراف

ومن ناحية الصرف بتحصلها في كل مكان بالمطار بالمولات

وبالنسبة للغلا الغلا في كل مكان ودبي غالية بصراحة بس تستاهل الواحد يروحها
وبالتوفيق

انا ان شاء الله رحلتي الاحد 1 ذو الحجه والعودة الاحد اللي بعده .. بس الى الان ماحجزت الا حجز
مبدئي لان اجازتي لم تؤكد الى الان

بالنسبة للاسعار انا الحج اللي راح سكنت في الراديسون في مارينا غرفة وصاله بـ 6400 بالضبط لـ 8 ليالي
ارجو اختيار الاحياء الجيده والشقق المناسبه حتى لا تواجه سكراى او عرابحه وشكرا

أخي الحبيب أرجو فتح موضوعك في القسم المناسب
لمعاونتنا على تنظيم المنتدى
إليك الرابط


http://www.arabtravelersforum.com/tr.../?daysprune=-1