الموضوع: استفسار عن العينابوظبيجبل حفيت

السلام عليكم ورحمة الله وبركاته

هذه اول مشاركة لي بهذا المنتدى اتمنى اكون خفيف عليكم..

باذن الله قاعد اخطط اسافر بعد العيد من الكويت الى الامارات بالسيارة (لأول مرة ) و بغيت اروح محل في دبي بغيت اشتري منه اغراض لرحتلي الى جبل حفيت . ياريت تساعدوني بالترتيب و وين اسكن
الهدف من رحلتي هو الرياضة ( ركوب الدراجة ) كل يوم راح اصعد الجبل الفجر والظهر اروح السوق و جزيرة ياس

وشكرا جزيلا

مواضيع عشوائيه ممكن تكون تعجبك اخترناها لك:

• بكره مسافره لدبي
• فندق او منتجع فيه حوض سباحه خاص
• البحث عن فنادق ابوظبي المطله على الكورنيش
• موفمبيك جميرا خدمة الغرف الآيباد
• ماهو الخيار الافضل لرحله بحريه ؟؟؟
• عندي دورة تدريبية في دبي نهاية شهر نوفمر وابي فندق رخيص
• انتظر اهل الخبرة
• الفزعه يأهل دبي
• بروح دبي وابي مساعده بليز
• مقتل سائحين في سقوط منطاد قرب مدينة العين الإماراتية
• افتتاح منتجع “جزيرة مرجان” رأس الخيمة نهاية العام
• عندي مخالفات في دبي
• هل حجزي مضمون يا أهل الخبرة
• فيزا خادمة لعائلة خليجية
• ممكن مساعدة قبل وصولي دبــي
• وسيلتك المفضلة للتنقل في أبوظبي
• القى هالنشاطات في دبي؟؟؟
• فندق جراند بيل فيو ، لا يفوتك
• أحداثيات مواقع
• فندق جراند ملينيوم

وعليكم السلام

هلا بو عثمان

وحياك الله بأي وقت

اخوي بو عثمان فيهسكن قريب من جبل حفيت
وفيه سكن في دبي

حسب رغبتك

انت حدد بتقعد طول الفترة في جبل حفيت
ولا مجرد زياره له يوم واحد

وابشر باللي يسرك

انا من العين ,, اي شي تبا تسأل عنه فالك طيب ,, ..

وبخصوص فنادق العين ,,, في فندق فوق في جبل حفيت اسمه ميركيور جراند جبل جفيت ,, واذا ما بغيت فوق اليبل ... عندك الهيلتون و الانتر و روتانا و شقق فندقيه انته حدد .. اذا بتكون عندنا على اجازة العيد فأحسن تحجز بدري لان ماشاء الله على اجازة العيد الفنادق تكون فول بوكينق ,,

فيه شاليهات قريبة من الجبل نسيت اسمها بس كويسه للعائلة

سعرها قبل سنتين 500 درهم في اليوم

مدري الحين كم بس تشوف جبل حفيت من نفس موقعك

وبالتوفيق لك

عاشق الورده تصدق ان هالشاليهات ايام الشيخ زايد الله يرحمه كانت ببلاش للمواطنين و الخليجيين ..!!

الله يرحمه زايد الخير

خيره ما يوقف الله يجعلها في ميزان حسناته

فيه فوق الجبل قصر الظاهر لزوجة زايد الله يرحمه او غلطان

الفندق اللي فوق فيه فطور حلو واغلب اللي فيه اجانب ما شافت عيني العربي

Aktd , ام الغالي, عاشق الوردة:
جزاكم الله خير على ردودكم وسرعة استجابتكم..
المدة 5 ايام..بس منو الاقرب للحدود اول ما ادخل من السعودية؟؟ وهل اذا قعدت اب ابو ظبي يصير درب جبل حفيت طوالة؟؟
و شلون طريق السفر من الكويت الى الامارات (خاصه اذا في تحويلات جديدة)
وافضل شقق فندقيه اذا ارخص من الفنادق بس تكون نظيفة
وما قصرتوا

وهذا رابط (يوتيوب فيديو) اوصل لكم الهدف من السفره

أخي الحبيب أرجو فتح موضوعك في القسم المناسب
لمعاونتنا على تنظيم المنتدى
إليك الرابط


http://www.arabtravelersforum.com/tr.../?daysprune=-1

المشاركة الأصلية كتبت بواسطة *ام الغالي*
http://www.arabtravelersforum.com/tr...8/#post4313707

انا من العين ,, اي شي تبا تسأل عنه فالك طيب ,, ..

وبخصوص فنادق العين ,,, في فندق فوق في جبل حفيت اسمه ميركيور جراند جبل جفيت ,, واذا ما بغيت فوق اليبل ... عندك الهيلتون و الانتر و روتانا و شقق فندقيه انته حدد .. اذا بتكون عندنا على اجازة العيد فأحسن تحجز بدري لان ماشاء الله على اجازة العيد الفنادق تكون فول بوكينق ,,




تم نقل الموضوع الى : http://www.arabtravelersforum.com/tr...2/#post4317769

وشكرا