الموضوع: استفسارات خاصة بالكويت سفري بعد يومين

عندي بطاقة فيزا الراجحي هل استطيع الشراء بها في جميع متاجر الكويت وهل فيه رسوم على الشراء

وكذلك هل استطيع السحب ببطاقة الراجحي الالكترونية من الكويت وهل فيه رسوم على السحب
وهل صرافات الراجحي منتشرة بالكويت

- وهل اصرف مبلغ من السعودية

- وبخصوص البنزين ماهو البنزين الذي يصلح لسيارتي حيث أنني استخدم بنزين أخضر 91 اوكتين

مواضيع عشوائيه ممكن تكون تعجبك اخترناها لك:

• برنامج عائلي لزيارة الكويت
• زيارتي السريعه ل كارفور بالصـــــــــــــــــــــــــــــــور
• الوضع ربشة والتقارير حاست مخي
• ل أول مره أروح الكويت عدة إستفسارات أرينزا تاور
• قراء بعض مساجد الكويت
• يا اهل الكويت الكرام ممكن مساعدة في الفنادق؟
• ابحث عن شقق مفروشع راقيه جدا بلييييييز
• سؤال بخصوص الطريق البري الي الكويت والسكن في الكويت
• الخطوط الجويه الكويتيهضرورى
• مقولة السكن غاااالي؟
• المناطق البرية في الكويت
• السلام عليكم ممكن مساعده ضرروري؟
• ابي شقق الكويت قريبة من الاسواق والمارينا
• وين احصل الجلابيات والطواقي والاقمشه الرجالية
• وش رايكم بفندق ايباس السالميه او ميراج سويت
• تكفون فزعتكم ترا تكفى تهز الرياجيل
• مهم حدث في مطار الكويت
• 乂★乂 جداول توضيحية لتخطيط و تنظيم سفرك لبلدك الثاني الكويــت 乂★乂
• دخول الكويت لحاملي الجنسية اليمنية
• عاجل جدا تكفون كم سعر التذكره للشخص من جده الى الكويت الاسبوع القادم

حياك الله بو روان
تقدر تسحب وتشتري فيها بس راح يكون في عموله على فرق السعر ياخذها البنك وكل عمليه سحب لها رسوم اذا كنت بره ديرتك تأكد من الراجحي جم ياخذون .. بس فرع الراجحي واحد بالكويت في برج احمد في شرق مقابل سوق شرق ..
الصرف انت وكيفك والبانزين ان شاءالله الشباب يفيدونك

ماقصرت مشرفتنا كويتية متنقلة
وهذا موقع الراجحي للأسئلة الشائعة
http://www.alrajhibank.com.kw/ar/per...ages/faqs.aspx

وهذا موقع المزيني للصرافة
http://www.muzaini.com/content/rate.aspx?lang=ar
تحط الريال كم يساوي بالدينار
وإن شاءالله الشباب يفيدون عن البانزين
أكثر مننا

ورحلة موفقة بإذن الله

بالنسبة للبانزين:
91 = ممتاز (عادي)
95 = خصوصي

المشاركة الأصلية كتبت بواسطة ابو روان959
http://www.arabtravelersforum.com/tr...1/#post7056949

عندي بطاقة فيزا الراجحي هل استطيع الشراء بها في جميع متاجر الكويت وهل فيه رسوم على الشراء

وكذلك هل استطيع السحب ببطاقة الراجحي الالكترونية من الكويت وهل فيه رسوم على السحب
وهل صرافات الراجحي منتشرة بالكويت

- وهل اصرف مبلغ من السعودية

- وبخصوص البنزين ماهو البنزين الذي يصلح لسيارتي حيث أنني استخدم بنزين أخضر 91 اوكتين






أخيي صباح الخير
أخيي ابو روان
مادام فيه فرق عموله ورايح ياخذون زود بالفيزا من رايي ماتستعملها

بالنسبة للصرف من الكويت تستطيع وتجد الصرافات بالجمعيات وسوق المباركية والاسواق الكبيره هذا اللي اعرفه
بالنسبة لفرق العموله بالصراف الالي حقة الراجحي تصرف من أي صراف آلي و اللي ااعرف ان البنك ماياخذ عموله يعطيك نفس اللي ماتريد من مبلغ بدون عموله وافضل من الصرافين اللي فاتحين محلات هم اللي ياخذون عليك زود


شوف اخيي بالنسبة للبنزين شوف محطة اسمها محطة الكويت قبل تدخل الجمارك فلل السيارة وان كان مدتك يومين على ماظن ترجع ويبقى اكثر من نصف التناكي لكن في حالة انها خلص عادي عبي من الكويت ولافيه مشكله لو كان احمر

( بالنسبة قولتك اصرف من السعوديه اللي يبدو لي انك تقصد تصرف دنانير بس ترى ماله لزوم لان الكويت فيه صرافات بالجمعيات مثل قلت لك والاسواق تحصل بسوق المباركيه وسوق شرق واكثر الاسواق الكبيره تحصل فيها صرافات اقصد صراف آلي اكرر عليك لاتصرف من المحلات ترى ياخذون زود وليت تجرب من محطة البنزين وأنت ياي من السعودية ترى بعض المرات يصرفون وخلك ذيب اذا عطيته خمسمائه سعودي مثلا قسم 500 على 13 من جذيه تعرف جم يطلع لك من دينار مثلا لو عطيته 100 ريال سعودي اذا قسمتها على 13 = 7 دنانير وكسور
واقصد انك تقسمها على 13 يعني على الدينار ويطلع لك الناتج
واذا كان معك دنانير وطلعت من الكويت اول محطه بعد الجمارك عادي يصرفونها لك سعودي
كل ماعليك تضرب الدنانير اللي معاك في 13 يطلع لك الناتج مثلاً
30 دينار في 13 = 390 ريال سعودي وهكذا




وتروح وترجع بالسلامه ياأخيي وماتشوف شر
والمعدذرة على الاطاله يالغلا
وانك كان في كلامي خطاً الاخوان
مايقصرون يعدولون على كلامي
بس ان شاء الله مافيه خطأ

ترى ماقلت شي قلت راي وقلت وجهة نظر
على ماقال اخينا وحبيبنا سعود الورع

اخوك بوخالد

وفقكم الله جميعاوماقصرتم والله يعطيكم الف عافية

كفيتم ووفيتم

أجل بأصرف معي مبلغ من الصرافة اللي بالخبر بالسعودية