السلام عليكم ورحمة الله وبركاته....
صراحة مادري كيف ارد الجميل لهذا المنتدى الرائع... والاعضاء المتكاتفين.. والمشرفين المتعاونين و بالخصوص امباكت..
المعلومات الي غرفتها من هالمنتدى تخلي الواحد يمشي واثق الخطى كانه جرب الشي من وصفكم و تجاربكم الي ذكرتوها وعقبال ما اجرب السفرة بنفسي و انقلها لكم المهم..
في نص January اخذنا موعد فيMay لفيزا سياحية.. لان هذا اقرب شي شفناه ..بس من كثر ما شفت الاعضاء يتكلمون عن توفر المواعيد توكلت على الله وكنسلته في بداية March ..و لقيت March كله فاضي ..وسألت زوجي وقالي خذي اقرب شي لان كل شي جاهز بس باقي تعبئة الDS-160 المقرود على قولة بعض الاعضاء ...وخذنا موعد بتاريخ 8 March بس وقتها كان الموقع معلق لمدة اسبوع الى عشر ايام تقريبا وكانت كل اوراقنا جاهزة بس الفورم عيا يكمل معنا كل شوي يطلعنا برا النظام ولا يقطع النت او يعلق ولا يتحرك بالمرة لدرجة احتجنا يوم كامل من 8 الصبح الى 2 الليل بس عشان نعبي فورم واحد بس ...وصراحة ما عبيناه قبل لان كان قدامنا وقت كافي 3 شهور قبل الموعد يمدي نعبي الفورم ...و كان باقي يوم عن الموعد ونزلت موضوع وسألتكم وماقصرتوا ...ورسلنا ايميل وشرحنا المشكلة وقالوا مافي دخول بدون الفورم طيب والحل مانقدر نكنسل ولا نأجل خلاص..وجا يوم الموعد ولا رحنا لان زوجي قال ما بيضيع وقته... ورجعت رسلت ايميل و ردوا بان لازم نشتري معرف جديد لان احنا تخلفنا عن الموعد و نصحونا ان اصلا ما نعبي بيانات شراء المعرف الا لمن نخلص من تعبئة DS-160 لجميع افراد العائلة... و انسدت نفسي كم يوم و بعدها جيت فتحت الفورم و ماشاء الله مشى معاي بسلاسة وخلصت في وقت قياسي كل فورم اخذ مني ثلث ساعة الا فورم زوجي لان بياناته واجد ومختلفة عني وعن اولادي و خليته يعبيه بنفسه وتقريبا اخذ ساعة وجيت اشتريت المعرف و دخلت على جدول المواعيد الا كللللللللله محجوز بس يومين كانو 23 و 27 وحجزت على طول 23 وجا يوم الموعد كان موعدنا 8 بالضبط و صلنا قبل بربع ساعة وطبعا معروفة الاجراءات الامنية والروتينية من تفتيش وغيره وبعد ما عدينا نقطة التفتيش وصلنا لطابور قبل الدخول للسفارة فيه نافذة عندهم لستة باسماء الي بيدخلون وشطبوا على اسمائنا ودخلنا ..وياخذون المفاتيح و نمر من الجهاز نفس حق المطارات ..وبعدين وصلنا الى قاعة انتظار وبالاصح غرفة انتظار خايسة وحارة موت والمكيف فيها بس صوت و قبل لانجلس ناخذ رقم وهنا تفاجأت ان فيه ارقام لان جايين على اساس عندنا موعد بوقت معين اتاري السالفة فيها ارقام وسالفة المواعيد بس كذا.. وتقريبا كنا خمسين نفر وكل شوي يزيد العدد.. وفيه قدامنا اربع كاونترات ..اثنين ياخذون البصمات ويطابقون الجوازات و الاوراق ويدخلون البيانات في السيستم عشان اذا جا القنصل او نائب القنصل يسوي المقابلة الا كل شي عنده جاهز.. والاثنين الباقيين للمقابلة ..كان رقمنا 36 بس اصلا ما ابتدوا برقم واحد لا البداية كانت مع رقم 21 ..والي يدخلون البيانات لبناني ولبنانية وصار حظنا مع اللبنانية وقامت تتفلسلف ليش ان جبت اولادي اثنين معاي اعمارهم سنة وسنتين.. وقالت لي بلاش ازعاج روحي انتظري مكانك لين اخلص من زوجك ..وقامت تقول لزوجي ليش جايب الجهال معاك وكان جبت معاهم بالمرة قرد يتنطط تخيلوا!!!!! وبعد ما جا رحت اخذ البصمة واطبق ولما جيت قال لي وش قالت له وقلت والله لوقالت لي الي قالته لك كان اقول لها مايحتاج اجيب قرد لان انتي موجودة بس الله يهديه يقول انا مارد على حريم بس والله اولادي طول الوقت هادئين وحتى ناموا بالاخير ..وكان فيه عوائل واجد واطفال واجد من جميع الجنسيات وجميع الاعمار..ولما نخلص من البصمة نرجع ننتظر لين شرف القنصل على الساعة 9 ونص تقريبا او قبلها بدقايق وابتدأ ومادري ليش ما كانوا يمشون بالترتيب وما جادورنا بالمقابلة الا 11 و 25 دقيقة و بس قعد يمازح بنتي الصغيرة يسوي روحه بيعطيها القلم من ورا الزجاج وهي تحاول تاخذه و يمزح مع زوجي و يسأله وين سافرت وفيه سفرة للصين نسى يكتبها زوجي لان كان يسرع وهو يعبي الفورم و قاله وهو يضحك عارف انك تبي تسرع قبل لا يخلص عليك الوقت وانت تعبي وسأل اسئلة عادية مثل رحت سوريا ولا ايران وليش تبي تروح ومن عندك هناك واي وقت تبي تسافر وكم بتجلس ووين بتجلس وين سافرت قبل وباي ولاية درست وين تشتغل و لما قاله زوجي انا رجل اعمال قال اممم تمام يعني كانه عجبه ههه وطلب اكشف عن وجهي و رفعت الغطا بسرعة و تغطيت في غضون جزء من الثانية و قام يضحك ويقول that was very quick وفي الاخير قال لزوجي جوازك in proccessing بس جوازي فيه اولادي فلازم نسوي لكل واحد جواز وقلت لزوجي شفت كيف امباكت قال لازم كل واحد بجواز بس انت خايب ومستعجز تروح الجوازات والحين بتطول المسألة بس القنصل قال ان شالله شهر وتاخذون الفيزا وبس
ادري طولت عليكم بس حبيت افيد بمقابلتنا الي يبي يستفيد و اقول ان مقابلتنا كانت في قنصلية الظهران و ان ترى المواعيد بس كذا ولا الي يروح ابكر يخلص ابكر ان شالله و دخلنا القنصلية ثمان الا ربع طلعنا منها 11 و40 دقيقة يعني تقريبا اربع ساعات الا شي .. وكان في ناس قبلنا موعدهم 10 ونص بس خلصوهم قبلنا لان جاو قبلنا و الي اولاده معه بنفس الجواز ما يقبلون ...مواضيع عشوائيه ممكن تكون تعجبك اخترناها لك:
- عااجلرحله دوليه وسفر امراه لوحدها الخطوط السعوديه
- عاجل إستفسار رعاكم الله عن الفيزا أرجو الإهتمام بأمري مشكورين
- الفيزا
- افضل اوت لوت في اورلاندو
- ماركة بالنسياقا وين احصلها ؟
- استلام الفيزا بعد التقديم بيومين
- أفضل الأماكن السياحية في مدينة لوس انجلوس
- ساااااااندياقووووووو
- افضل و ارخص خطوط طيران الى امريكا ؟ استئجار سيارة ؟
- هل القطار افضل والا الباص من بوسطن لنييورك؟
- ابغى سكن في
- الفيزا بتنتهي وانا لم ازور امريكا
- الرجاء المساعده يا استاذى المشرف
- سؤال عن افضل سكن في مدينة لوس انجلوس وضواحيها
- ما فيه احد يبي يبدل موعدة بموعدي
- كيف اغير فيزت دراسيه الى سياحيه لامريكا
- أرجو المساعدة مسافر لــ بعد شهرين
- السفر إلي ميرلاند
- أرجو المساعدة استلمت اليوم فيزا لكن للأسف غير الي طلبتها
- السياحه في لاس فيغاس
رد مع اقتباس
المفضلات