الموضوع: شارع الباسايو الشهير

هذا شارع تجاري شهير في البالم ديزيرت يسمونه شارع الرودايو درايف ديزيرت تشبيها للرودايو درايف بيفرلي. الشارع يقع في البالم ديزرت في غرب كاليفورنيا في الريفر سايد .شارع طوله تقريبا مايل وفيه اغلب الماركات العالمية ومطاعم ومشهور بعيادات التجميل خاصة البوتيكس والنفخ.شارع تقريبا نسخة من الرودايو بيفرلي.انصح اللي يزورون الديزيرت هيلز اوتلت انهم يمرون عليه.
http://www.palmsprings.com/elpaseo/

مواضيع عشوائيه ممكن تكون تعجبك اخترناها لك:

• صلاحية الفيزا للسفر الى امريكا ،،
• مهممطار واشنطن
• وش ارخص تذكره من امريكا الى السعوديه ؟
• استفسر عن مدينة لاس فيقاس
• موعدي الاربعاء الجاي وابي المساعدة
• السكن و استئجار سيارة في اورلاندو
• آآستفسارات عن ساندييقو ارجو الدخل ضروري
• افضل طيران داخلي من ناحية العفش
• انا في لندن ابي فيزا زائر لأمريكا
• الحمد الله انتهت المهمة الاولى بنجاح
• الرخصة الدولية لقيادة السيارة
• طيران دلتا الداخلي والعفش؟؟؟
• ملياراً خسائر أمريكا سياحياً بسبب إحجام الخليجيين عن زيارتها
• عند سفرك الى امريكا لمدة ايام كم من الدولارات تحتاجة ؟
• الرد بعد شهر او اكثر
• هل حصلت على الفيزا بعد الورقة الزرقاء الرجاء التسجيل
• هل تنصحون بالشيكات السياحية؟
• الضرائب معلومات مهمة
• شباب المنتدى ساعدووووني ارجوكم في اسرع وقت
• امبااااااكت ضروري

يعطيك العافية ياغالي علي المعلومة والمكان الحلو ,

دمت بخير , , ,

thankxxxxxxxxxxxxxxxxxxxxxxxxxxxx alot

يسلمووووووو ع المعلوومه

ان شاء الله يارب اروحلوو ^^

تسلم فاب،ابي امره انفخ خدودي

المشاركة الأصلية كتبت بواسطة waleed8818
http://www.arabtravelersforum.com/tr...6/#post5863536

يعطيك العافية ياغالي علي المعلومة والمكان الحلو ,

دمت بخير , , ,

الله يعافيك بوخالد ومتابعين تقريرك الذهبي

المشاركة الأصلية كتبت بواسطة tanya1234
http://www.arabtravelersforum.com/tr...6/#post5886816

thankxxxxxxxxxxxxxxxxxxxxxxxxxxxx alot



Ya most welcome. Have ya been to it?

المشاركة الأصلية كتبت بواسطة k@waii girl
http://www.arabtravelersforum.com/tr...6/#post5888546

يسلمووووووو ع المعلوومه

ان شاء الله يارب اروحلوو ^^

بارك الله فيج.الله انشاءالله يكتبلج روحة له والاماكن الحلوة.

المشاركة الأصلية كتبت بواسطة expert traveller
http://www.arabtravelersforum.com/tr...4/#post5898134

تسلم فاب،ابي امره انفخ خدودي



الله يسلمك خبير.احسن نفخ عندهم حتى احسن من ليزلي اللي في ساكرامينتو

وبرضه عندهم في البالم منتجع اكثر من رائع للي يبي يسترخي ويتسوق في الديزرت هيلز وشارع الباسايو وزيارة الملاهي واشجار النخيل.المنطقه حلوة واغلب الاغنياء والمشاهير لهم بيوت هناك.بس لايفوتكم البرحي في الصيف
http://www.marriott.com/hotels/rewar...ngs-villas-ii/

يعطيك العافيه اخوي
هالمكان كتبته وحطيته بلستة الاماكن اللي راح ازورها

لكن كم يبعد عن فندق المونتاج بالكانون درايف بيفرلي هيلز؟ وكم يكلف مشوار التاكسي لها؟
واذا انت تعرف فندق المونتاج ياليت تكتب لي اهم الاماكن القريبه منها واللي ماتتطلب مني اخذ التاكسي عشان امشي لها

وعليكم السلام ومبارك الشهر.فندق المونتاج من اجمل واروع الفنادق في المنطقة لايظاهيه فخامة سوى فندق الولشير فور سيسونز بيفرلي وهو على مسافة قريبة.عيبه الوحيد انج تسعين الصجة في الاجنحة المجاورة الفندق يبعد عن الباسيو تقريبا ساعة و45 دقيقة بالسيارة بس ترا هو قريب من الديزرت هيلز اوتليت يعني ممكن تروحون للاثنين او ممكن تسكنون يوم او يومين في المنطقة اذا ماتحبون المشاوير.انا استخدم سيارتي الخاصة ولا ادري عن التكاسي. الفندق في قلب البيفرلي وعلى بعد خطوات من شارع الولشاير وشارع الرودايو درايف الشهير اللي يعتبر افخم شارع في كاليفورنيا فيه مطاعم ومحلات ماركات وممكن تلاقين بعض المشاهير فيه. ينفع تتمشين فيه بالنهار وفي الليل تروحين للقروف برضه قريب بس يحتاج سيارة او تاكسي تقريبا سبع دقايق.شارع ميلروز برضه قريب.قريب ممكن وراء القروف تروحون للبفرلي سنتر ،و السينتري سيتي مول.هولييود قريبة وفيهاشارع المشاهير هولليود بوليفارد والشارع اللي بعده السنسيت.اذا ماتحبون مشاوير التاكسي ممكن تقسمون الاقامة بين المونتاج او الويلشاير فور زيزون في البيفرلي بجنب الرودايو درايف،والجزء الثاني على الهولييود بوليفارد.ممكن تسكنون في ريناسينس هوتيل في الهولييود هايلاند او فندق روزفلت.تحياتي..

مشكور الف الف شكر فابيولس
انا هونت عن الفور سيزونز بيفرلي ويلشير لاني قريت احد الاراء تقول ان الغرف فيها ريحة سجاير والمصيبه انها تكررت مرتين في الاراء بموقع تريب ادفايزور وانا اكره شي عندي ريحة السجاير وصرفت النظر عنه وحولت على مونتاج
ميزته فعلا انه بقلب البيفرلي وباهم مناطقها الحيويه وقريب من الكوداك والمولهلاند درايف
ابيك تعلمني المولهلانك درايف هل يتطلب سياره من المونتاج للوصول اليه؟
ماهي طبيعة طريق مولهلاند
هل هو مجرد شارع بهصبه عاليه تطل على كل لوس اجلوس؟؟؟ واستمتع هناك بالمناظر
لانه فعلا من ضمن اهم الاشياء اللي راح اعملها اذا رحت هناك

باعتقادك ايضا المونتاج الاوتيل لما اتفاهم مع الكونسيرج بانهم يوفرون لي سياره مع سائق عشان يوديني لرحله خاصه لصحراء لانكستر لان هناك في كنيسه حابه اشوفها على الطبيعه واتصور عندها !! باعتقادك هل راح يخدموني!! خاصة انه اوتيل 5 نجوم واكيد راح يحاولون يرضوني بشتى الطرق لاني سائحه ولا عندي سياره واكيد راح يتفهمون هالشي

انا شكلي راح اخذ ب3 فنادق هناك
الاول sls مدة 7 ايام والمونتاج مدة 7 ايام والمونتاج ريزورت باللاقونا بيش مدة 6 ايام المجموع 20 يوم

شكلج اختي تحبين الافلام.الشارع الشهير اللي قريب للاوتيل هو الرودايو درايف وتروحوله رجلية.طلعة المالهوللاند درايف والكوداك مو قريبة وتحتاج تاكسي لانها في هوليوود تقريبا 10 دقايق.شارع المالهولاند مرتفع وتشوفين فيه الهاليوود ساين والاماكن المحيطة لاكن مافيه شئ مميز مثل الرودايو درايف والهولييود بوليفارد وشارع السنسيت الموازي له.على فكرة اغلب الشوارع المشهورة من الرودايو درايف الى الثيرد ستريت بروميناد في سانتا مونيكا يحدها شارعين مهمين ،اللي هم الويلشير وسانتا مونيكا بوليفارد.الفندق اكيد يوفر شوفير خاص بس غالي جدا وبالساعة لان اغلب سياراتهم كدالك فخمة وماي باخ.انا انصحك فيه سيارات فخمة جدا الستريتش ليموزين لينكولن ممكن تاخذينها من شارع الهولييود بوليفارد مع جايد مصري لمدة اكثر من ساعة يدوربكم اهم معالم لوس انجليس خاصة هولييود وبيفرلي هيلز والسعر على مااذكر 250 دولار.مدينة لانكستر بعيدة تقريبا اكثر من ساعة وربع وماتستاهل اغلب اللي فيها طيارين والقاعدة الجوية الضخمة تقريبا بعد سان جابرييل.طبعا يوجد سائقين عرب خاصة سودانيين ممكن تلقينهم عند المطار LAX.وفيه شركات خاصة مع الشوفير. مثل
http://www.hire-personal-driver.com/
فندق LSL حلو بجنب مول البيفرلي سنتر.المونتاج لاجونا بيتش مااعرفه بس بجنب اللاجونا بيتش النيوبورت بيتش الرائعة وفيها منتجع الماريوت فاكيشن كلوب نيوبورت حلو وقريب من الفاشن ايلاند.تحياتي

المشاركة الأصلية كتبت بواسطة fablulous riyadh
http://www.arabtravelersforum.com/tr...8/#post5902958

وبرضه عندهم في البالم منتجع اكثر من رائع للي يبي يسترخي ويتسوق في الديزرت هيلز وشارع الباسايو وزيارة الملاهي واشجار النخيل.المنطقه حلوة واغلب الاغنياء والمشاهير لهم بيوت هناك.بس لايفوتكم البرحي في الصيف
http://www.marriott.com/hotels/rewar...ngs-villas-ii/



هذا المنتجع رائع خاصة في الشتاء.شكرا لك

شكراً على المكان الحلو ..سجلته عندي عشان اروح له في اقرب زيارة ان شاء الله واي معلومات واماكن جديدة لاتبخلون علينا فيها شكرا لكم

مرسي عالشارع الحلو.كتبته في النوتة للزيارة.

ثانكس الوت

شكرا اخي وبارك الله فيك

معلومه جميله