الموضوع: مخطط

الاخوه الافاضل ان شاءالله لي نيه للسفر في صيف 2013 لمده 16 الي 20 يوم من اول يونيو
طبعا هذي اول سفره لي مع عيالي عسي الله يحفظهم انا سافرت كثير بس هذي اول تجربه مع الاطفال
طبعا انا راح استأجر سياره بس ابي توجيهاتكم في الاماكن اللي ممكن اروح لها والاطفال ممكن يستمتعون فيها في سويسرا والمانيا وفرنسا
ولكم كل الشكر والتقدير

مواضيع عشوائيه ممكن تكون تعجبك اخترناها لك:

• نداء لابو عزوز واهل الخبره في سويسرا
• اتمنى مساعدتي في رحلتي لشهر العسل
• مساعدة في ترتيب رحلة لاوروبا
• ريموون عاد ليحكي لكم حكايته في بلاد السحر والجمال تقرير مصور
• احتياطات الاكل الحلال
• زهور و أشجار وأنهار و جبال سويسرا ما هذا الجمال ؟ رحلة نسيم نجد المصورة
• ماهي الوسيلة المناسبة للتنقل داخل جنيف للمجموعات ؟
• اول مره في انترلاكن، البرنامج مضبوط او يحتاج تعديل؟ الله يسعدكم
• ابغى جدول لسوسيرا لاهنتم
• بكره انا رايح لوسان ابي خبرتكم
• أماكن سياحيه قريبة من انترلاكن وضواحيها....((محدث 2009 ))
• الطريق من جنيف الى باريس
• طلب جدول لمدة يوم انترلاكن وميونيخ
• أفضل موقع تأجير سيارات في جنيف
• ساعدوني الله يجزاكم خير
• طلب فنادق ولا عليكم امر
• قرية هايدي او بالإنجليزية
• اتصلت بالسفاره ولم يتم ذكر كشف حساب بنكي ولاتعريف بالراتب
• سويسرا الحلم جولاي ، تقرير مختصر جداً لرحلة اسابيع بالصور
• شرايكم بخطة سفر ي وابي رايكم اي فندق احجز

احنا 4 اشخاص انا والمدام وبنتي 5 سنوات ولدي 4 سنوات

السلام عليكم ورحمة الله وبركاته::
اولا اخوي انصحك بقراءة بعض المواضيع الخاصة بالرحلة حتى تكون عندك الصورة واضحة وتقدر تحدد وش ودك تزور بالضبط:
أولا
http://www.arabtravelersforum.com/travel51030/




ثانيا
http://www.arabtravelersforum.com/travel571386/




ثالثا
http://www.arabtravelersforum.com/travel750029/


==================


وطبعا ..لقرب مدينة الالعاب اليوروب بارك (بمثابة الديزني لاند) الكثير يفضل السكن فيها لأايام معدودة ..وخاصة للي تتوفر معاهم سيارة .
ومناسبة جدا للأطفال وللكبار.


========


وبالتوفيق أخوي.

ماقصرت medo77 علي تجاوبك والله قاعد اشوف حجوزات التذاكر في الغالب راح يكون الحجز كويت جنيف كويت
طبعا الاماكن اللي ممكن ازورها يورب بارك وديزني وميلان عشان التسوق هذي الاماكن الرئيسيه
بس ماني عارف من وين ابدي الرحله

الله يعافيك اخوي ميلانو..
ديزني لاند موجودة في باريس..وممكن تغير المخطط الى :
كويت باريس - جنيف كويت


واذا كنسلت الديزني ..لوجود اليوروب بارك في المخطط ..خليها مثل ما تفضلت كويت جنيف كويت


او ممكن تقضي ايامك في سويسرا ..اذا كنسلت اليوروب بارك ..ثم بالقطار الى باريس والرجعة منها الى الكويت
يعني تكون الروحة كويت جنيف والردة باريس كويت.


وممكن تخلي ميلان برضو كمدينة للعودة ..بعد الشوبنج طبعا.
يعني تروح باريس وتزور الديزني وبعدها تنزل على جنيف وتطلع على اليوروب بارك ثم تنزل على انترلكن ..ثم على ميلان .




فلو كانت كويت جنيف كويت ..وزيارة باريس فقط للديزني لاند..من رأيي انك تكنسل باريس وتوزع الايام على اليوروب بارك والمانيا - جنيف مونترو انترلكن - ميلان






الخيارات مفتوحة امامك ..استخير وشاور ..والله يكتب لك اللي فيه الخير.

والله ياخوي حبيت فكره كويت باريس جنيف كويت فيها توفير للجهد والوقت بس بغيت رايك بخط السير باريس رشت جنيف منها ممكن اروح ميلان وارجع
وطبعا المده الاطول تكون في جنيف يعني 3 ايام باريس او 4 بالنسبه لرشت كافي يومين او 3 والباقي لسويسرا ومنها يومين ميلان للتسوق
اذا ممكن تنصحين بافضل ترتيب اكون شاكر لك

حلو ..اقترح عليك المخطط التالي:

الوصول الى باريس 3 ايام
بالقطار الى مدينة ستراسبورغ الفرنسية وتاخذ السيارة وتنطلق الى رست..وتقعد فيها يومين
تطلع من رست وتمر على شلالات الراين ثم تنزل على انترلكن وتقعد فيها أربعة ايام
تنزل على لوقانو وتتمشى فيها ثم تسكن في ميلان يومين
ومن ميلان ..تطلع الى جنيف ..مرورا بأنسي والريف الفرنسي لمدة ثلاثة ايام


https://s.yimg.com/qn/up/travel/2/4/...9b7edc5f70.jpg


المدة اسبوعين.


بهذه الطريقة تتفادى استلام السيارة من دولة وتسليمها في دولة الاخرى.
يعني تستلمها من فرنسا وترجعها في فرنسا .
(مطار جنيف له جانبين ..جانب فرنسي ..وجانب سويسري..انت ترجعها في الجانب الفرنسي)




هذا موضوع عن ستراسبورغ
http://www.aboaziz.net/blog/?p=717


وهذا عن بادن بادن بالقرب من ستراسبورغ
http://www.aboaziz.net/blog/?p=746



وهذا عن مدينة الالعاب في رست
http://www.aboaziz.net/blog/?p=746


وهذا عن انترلكن
http://www.aboaziz.net/blog/?p=948


وهذا عن لوقانو
http://www.aboaziz.net/blog/?p=396



=========




اذا ممكن تنصحين



اذا ممكن تنصح ..مش تنصحين


=========
وفي انتظارك اخوي ميلانو

تسلم والله خوش مخطط يبيله تمخيخ وترتيب والله يعطيك العافيه تنصحين = تنصحني بس اماكن الاحرف ي اسبقت النون
السموحه ياخوي بالدوام فاكتب بسرعه

بس عندي سؤال دايما الاحظ ان تفضلون حجز السياره يكون من ستراسزبورغ مش من باريس انا ما افضل القطار خصوصا اني راح اتدبس بشيل الشنط والاغراض عشان جذيه افضل السياره تكون من باريس
ولا لك شور ثاني وش تنصحني فيه ؟

هلا والله اخوي ميلانو..
بالنسبة لأخذ السيارة من باريس ..بإمكانك طبعا .


وجهة النظر.. من رأيي ..ان مسافة خمس ساعات بالسيارة ..تقريبا 500 كم ..طويلة نوعا ما..بين باريس وستراسبورغ.
فيكون خيار ركوب القطار خيار مريح ..وتجربة للي ما جربه.


لكن نصيحة ..خذ السيارة وانت طالع من باريس..لأن باريس لا تطاق من الزحمة اللي فيها
والبديل موجود وهو الميترو والرير.


او اقولك اذا سكنت في ضواحي باريس ..ممكن تاخذ السيارة معاك من المطار ..يعني من بداية الرحلة.


والامر راجع لك اخوي


انت استخير وشاور ..والله يكتب لك اللي فيه الخير.


وبالتوفيق

صباحك الله بالخير اخويmedo77والله يا اخوي انا مجرب القطار مع الاهل ومع الشباب ومجرب السياره صحيح القطار اسرع لكن صعوبته في حمل الشنط
السياره كثير اريح طبعا بالنسبه لي.
باريس زحمه واشاراتها كثيره اغلب الظن اني راح استأجر السياره في اليوم الاخير من باريس
بس رايك اخذ السياره من المكاتب اللي بالسنتر او من اللي في المطار افضل ؟

السنتر اكيد ارخص ..لأن المكاتب اللي في محطة القطار او المطار يسمونها بريميوم لوكيشن ..وعليها زيادة تقريبا 17%

اش رايك رحلتك تكون كويت - باريس - ميلانو - كويت

وعن التجربة القطارات جدا متعبة في التنقلات وتحرم الاستمتاع بالاماكن اللي تمر عليها غير موضوع الشنط اذا في تبديل قطارات واذا معكم بالرحلة اطفال التعب مضاعف

بالتوفيق ورحلة سعيدة