الموضوع: استشاره في برنامج رحله للاهل

السلام عليكم،



ابغي استشارتكم في ترتيب برنامج رحله لاهلي.



الاهل ودهم يروحون رحله اوروبا لاكثر من دوله ويبغوني ارتب بهم البرنامج. عددهم خمسه وهم الوالد والوالده واختي واخواني ثنين. انا عندي خبره لاني زرت بعض الدول مثل لندن والنمسا وسويسرا.



من ضمن الدول اللي تحت النظر مبدئيا:



باريس ، لندن، سويسرا او النمسا، المانيا .



وش رايكم ؟ ابي افضل خطه لرحله ممتعه لافضل المناطق بدون تكرار ولا ودي اتعبهم بكثر التنقلات.



بالنسبه للطيران، هل اخليهم يروحون ويرجعون من نفس الدوله ولا يروحون لدوله ويرجعون من اخرى؟ وش افضل طريقه للتنقل هناك؟ وماهي عدد الايام في كل دوله؟



اشكر ارائكم مقدما.

مواضيع عشوائيه ممكن تكون تعجبك اخترناها لك:

• استفسار عن مخططي لسويسرا
• احداثيات انترلاكن
• للخبراء والمشرفين فزعتكم
• اريد مساعدتكم بخصوص الرحله و ارحب باقتراحاتكم
• هل مناسب تخطيط الرحله يا عرب
• ارجو المساعدةمحتاج كوخ في انترلاكن
• الشباب باسطين ولا معزلين هذي الفتره
• ابغي رايكم
• عاجل الى المشرفين والأعضاء
• عاجل أرجو من لدية الخبرة في ترتيب رحلة أخوكم يتفضل
• ارجو المساعد برحلتي
• الرياض
• عندي مشكلا في الفيزا الشنقن
• استفسار عن عدد الليالي الكافية
• أبي مساعدتكم
• رايكم في موقع الشقه؟؟
• استفسار لا عدمناكم للضرورة
• طريقة تسديد مخالفات الرادار في سويسرا
• استفسار عاجل موعدي بالسفارة اليوم الصبح
• طيران الامارات تدشن رحلاتها المباشرة بين دبي وجنيف

و عليكم السلام و رحمة الله
انا اعتقد ان روحتك من لندن الى وسط اوربا (الشنقل) تعب

اما بالنسبه الى طريقة التنقل فهذا يعتمد على العمر و القدره على القياده (انا عن نفسي ارشح السياره لانها متعه خاصه)
تعطي نكهه في التنقل و لا تحاتي من ها الناحيه لان طرقهم رحله عكس طرقنا هههههههه
و يفضل ان منطقة الوصول و العوده من نفس المدينه الي هي المانيا علشان ترجيع السيارة يكون فيه توفير

انا عن نفسي ارشح هذي الرحله مع انك ما حددت عدد الايام:

الوصول الى مطار ميونخ (المانيا) لمدة ٣ ايام
بعدها كابرون (النمسا) لمدة ٦ ايام ((تبعد النمسا عن المانيا ساعتين))
بعدها ميلان (ايطاليا) لمدة ٣ ايام ((تبعد ٣ ساعات عن النمسا))
بعد هذا كلة مدينة السحر و الجمال انترلاكن (سويسرا) لمدة ٨ ايام ((تبعد ٣ ساعات عن ايطاليا)) طريقها من اجمل الطرق الي شفتها في حياتي كلها جبال هههههههه
بعدين تروح رست (المانيا) لزيارة افضل مدينة العاب يورو بارك ((لمدة يومين))
ويصير الرجوع من مطار فرانكفورت الي يبعد ساعه و نص تقريبا

انا اقول شيل لندن لان لندن سفرة افضل ان اروحها في سفره خاصه بها و باريس حلوه بس اذا بتستخدم الطياره و تبي تزور عدة مدن بتصير مشوار عليك اما بالطياره فما اعرف

السلام عليكم ورحمة الله وبركاته ::


اولا ..عذرا ..تم نقل الموضوع للقسم الصحيح .


ثانيا ..ما شاء الله ما قصر اخوي أحمد ..اعطاك مخطط جميل .




لكن اذا كان ودك زيارة المدن اللي ذكرتها راح تكون عندك تأشيرتين ..وحدة بريطانية والثانية الشنجن .


بس ياليت تحدد وش المدن بالضبط في المانيا ..وايضا في سويسرا .


لأن ممكن يكون مخططك كالتالي :
لندن خمسة ايام
بالقطار الى باريس اربعة ايام
بالقطار الى ستراسبورغ الفرنسية والسكن في اليوروب بارك مدينة الالعاب في المانيا يومين ..وزيارة الغابات السوداء .
انترلكن خمسة ايام
جنيف والريف الفرنسي ثلاثة ايام




ولو قلت لنا كم المدة الاجمالية للرحلة يكون افضل .




رأيي من رأيي الاخ احمد ..لندن يبيلها سفرة لحالها .


وممكن النزول في باريس او جنيف ..والعودة من احدهما .


او العودة من ميلان لو ودهم يزوروها ..برضو ممكن .


خيارات متاحة كثيرة ...والامر راجع لكم .




وبالتوفيق

هلا,

البرنامج مبدئيا حسب رغبتهم مصربن على لندن وباريس وانا اقترحت:

ميونخ --ثلاث ايام
ميونخ - النمسا بالسياره-- وقضاء ثلاث الى اربعه ايام فالنمسا
العوده الى ميونخ بالسياره والذهاب بالطياره الى باريس
4-5 ايام باريس والذهاب الى لندن بالطياره (ولا اجرب قطار؟)
6 ايام لندن ثم العوده للوطن.

يعني المده 17-18 يوم. ابي رايكم واقتراحاتكم. وبديت اجراءات الفيز.
الطيران لقيته كله على klm بسعر زين ل 5 اشخاص.

شكرا