المشاركة الأصلية كتبت بواسطة adel.dammam
http://www.arabtravelersforum.com/tr...9/#post4160119

اخوكم غشيم ... وين وسيع الصدر ... عندي 14 سؤال عن دبي العزيزة واولها طريق الدمام دبي بالتفصيل ؟
عندي جمس سوبربان وحنا عائلة مكونة من 8 اشخاص والاعمار 50/45/16/15/14/10/4/4
1 يعني من اول حي الفيصلية بالدمام مرورا بشاطئ نصف القمر ثم ابقيق ثم الاحساء ايلين دبي .
ابحث عن موضوع لعضو اسمه عريس استراليا راح تلقا وصف الطريق بالكامل
2 في الاحساء يقولون فيه طريق يختصر تقريبا 80 كيلو الى دبي !!!!! وشلون ؟ وبالتفصيل ؟
فعلا" بمحذاة البحر لكن لسا ما انتهي
3 وبالنسبة للبنزين عرفت انه لازم اعبي كل مره يوصل فيها العداد الى النص . مع ان البنزين 95 اذا عبيته فل يوصلني من الدمام الى الرياض ويبقى فيه اكثر من النص بشوي ... يعني الفل يكفيني حوالي 800 كيلو .
عبا في الدمام
ومن المحطات اللي في منفذ بطحا راح يوصلك الي دبي بالراحه لان الطريق قرابة470 كلم من المنفذ للدبي
فما تشيل هم اهم شي فلل عند المنفذ لان البنزين غالي في الامارات
4 وبعدين وش سالفة كروت الفيزا اللي في جمارك دبي ... يقولون انهم ياخذون 100 درهم عن كل جواز .... والله هاذي مشكلة .... لاني انا رب الاسره وعددنا الاجمالي 8 اشخاص ... لكل واحد جواز مستقل ... يعني 800 درهم .. معقول
او هل هو تأمين وبعدين يرجعونه لي ؟؟؟؟

اول مره اسمع فيه
ما فيه شي زي كذا
اول ما تعدي الجمرك راح تلاقي مكاتب تامين امن علي السياره بحدود 150 درهم علي السياره مالهم شغل بعدد الاشخاص وهذا هو اللي اعرفه
5 كم الوقت من الدمام الى دبي بسرعة 120 كم / ساعة ؟
المسافه :
الدمام الاحساء : 150 كيلو
الاحساء سلوي :140 كيلو
سلوى البطحاء : 150 كيلو
اسم منفذنا بطحا والامارات اسمه الغويفات لا تنسي هذا الاسم عشان وانت راجع تتبع اللوحات الارشاديه تحت هذا الاسم - اذا تبغا تصلي اول ما تدخل الحد بتلقا جامع كبير وجميل انصحك تصلي فيه - فيه سوق حره ومطعم صغير يقدم وجبات سريعه
من تدخل الامارات الطريق رائع تقريبا" 470 الي دبي
فيه محطات مره ممتازه اول محطه بتقابلك بعد تقريبا" 170كيلو اسمه استراحة ادنك وهي رائعه وفيها سوبرماركت ومسجد ودورات مياه نضيفه ومطعم وكوفي شوب
6 اذا وصلت دبي ان شاء الله وابي اروح الى شقق سها اللي في المارينا جميرا بيتش .... وش اسهل طريق يوصل ؟
معك قارمن ؟
الافضل يكون معك قارمن عموما" طريقه سهل لانه في المدخل بعد ما تتعدي ابن بطوطه بتجيك منطقه جميرا بيتش علي اليسار
راح تجيك لوحه تشير لها ياخذ الكبري يمين وبينعطف فيك علي اليسار راح تكون في جميرا بيتش ريزدنس وهناك اسال اى واحد عن سها منك
7 وش الفرق بين المارينا والجميرا بيتش ؟
بجنب بعض اذا سكنت ممكن تروح مشي للمارينا
8 الممشى اللي في المارينا ... كم طوله تقريبا ؟ وايش الفندق اللي في بدايته والفندق اللي في نهايته ؟
اخره اعتقد قرفنر هاوس
بدايته والله ما ادري ناسي
9 ماهي ترجمة الكود spa اللي موجوده في كثير من حجوزات الفنادق ؟ هل هي نادي صحي ام ماذا ؟
سباء النادي الصحي وعمل المساج والسونا وحمام البخار
10 في عام 2008 كنت ساكن في فندق 4points by sheraton اللي في شارع الشيخ زايد .... هل المارينا احلى واجمل من المنطقة الاولى ؟
اكيييييييد احلي واجمل واحدث
11 انا عرفت ان اللي يستخدم في الدمام بنزين 95 .... من الافضل يعبي في دبي 95 او اعلى ... هل هذا صحيح ؟
اذا تعبي 95 خلك 95 او اعلي
12 انا ما ودي احجز فندق لانه جايز اتعطل في الدرب ولا اجي بنفس اليوم فيخصمون علي يومين بالفيزا كارد ... انا ابي رقم حجز مباشر وسهل بحيث اني اذا دخلت دبي ... حجزت على طول .
لالا يا عادل ما يصير الكلا هذا
خلك مرتب وحدد موعد ذهابك
انتهت ان الواحد يلف نص يوم وهو يدور شقه
احجز من بدري وروح علي الوقت ورتب امورك واول ما توصل لا تلف ولا تتعب عائلتك ولا تتعب نفسك
يا عادل احجز من الان ورتب امورك ةانا اخوك
13 كم الحد الاعلى لعمر الطفل في النظام الفندقي ؟
حبيبنا في الامارات امورهم سمحه
بس مو اذا جيت تعمل شيك ان تصفون قدام الرسبيشن
يعني خلك ذيب وكلك نضر
14 هل التدخين مسموح في الممشى اللي في المارينا ... جنب شقق سها وفندق الموفمبيك والاوسس ؟ولا لازم تروح كيلو داخل البحر علشان تدخن .. الله يفكنا منه ... قولو آمين
امين
اى مكان مكشوف ماعندك مشكله والامكان اللي ذكرتها
تعبر اماكن مكشوفه
--------------------------------------------------------------
اذا فيه احد يقدر يجاوب على الاسئلة هاذي او اي واحد يجاوب على السؤال اللي يخصه اكون شاكر ومقدر له وادعو الله ان يجزاه ألف خير في الدارين .
--------------------------------------------------------------
ابو تميم



يا مرحبا يا ابو تميم
احس كانه اختبار توفل يا بو تميم