الى المالديف فزعتكم يالربع

**ahmed2** · 02-03-2015, 12:06 PM

السلام عليكم
فكرت اسافر الى جزر المالديف مع زوجتي في عطلة الربيع و الصراحه ماعندي اي فكرة عن المالديف
و ابيكم تساعدوني

من ناحية السكن وين تنصحون نسكن؟ و شنو نظام السكن؟ فنادق ولا اكواخ ولا شلون نظامهم؟
و شلون اسعارهم؟

وقرير تقرير احد الاخوات و عرفت ان كل النشاطات بحرية، شلون ممكن اقضي يومي؟

و من ناحية الاكل ( الجانب المهم جدا جدا جدا

) ) شنو نظام اكلهم؟
و شلون اسعارهم؟

اذا بروح حق اسبوع جم احتاج من مبلغ تقريبا؟
مصاريفنه بشكل عام لاهي اقتصادية ولا مبذرين

1000 دينار ممكن تكفي؟

بانتظار اهل الخبره

مواضيع عشوائيه ممكن تكون تعجبك اخترناها لك:

**ahmed3** · 02-03-2015, 12:06 PM

و بضيف بعد نقطة
شلون الجو بشهر 2؟

**alifun** · 02-03-2015, 12:06 PM

وعليكم السلام ورحمة الله وبركاته
إن شاء الله تلقى لك اللي في خاطرك

http://www.arabtravelersforum.com/travel762781/

**ahmedali** · 02-03-2015, 12:06 PM

يعطيك العافيه اخوي

الموضوع قريته قبل لا احط استفساري

التقرير بغاية الروعة لكن مالقيت جواب على اسالتي بالموضوع

**ahmed1** · 02-03-2015, 12:06 PM

اسئلتك تحتاج تاخذ لفه على التقارير وبتحصل اجوبه لكل استفساراتك
بالنسبه للميزانيه مااعتقد انها تكفي
والسكن في الفندق نفسه اكثر من نوع غرفه مطله على المحيط واكواخ على الماء وكل فندق وله تصنيفاته للغرف
الاكل تقدر تاخذ الفندق مع فطور بس او مع فطور وعشاء او تاخذ فطور وغدا وعشاء وانا انصح تاخذ فطور بس والعشاء تنوع بين المطاعم الموجوده في الفندق وتاخذ معك من ديرتك سناااك

طبعا اكيد بتكون كل النشاطات بحريه بس اليوم هناك يطير بسرعه من غير ماتحس فيه حتى لو هذا اليوم ماسويت اي نشاط .. غالبا تقدر تسوي سنوركلينق وهذا يكون مجاني.. انا رحت هناك وجلست 5 ايام ماسوينا الا نشاط واحد اللي هو الصيد والباقي كله نسوي سنوركلينق طبعا من درج الغرفه الى البحر على طول وماننام الا الساعه 12 بالليل يعني اليوم ابد مو ممل

الجو في مارس بيكون جدا حلو

طبعا الف دينار اذا قصدك مصاريف طيران وسكن استحاااااله تكفي

اتمنى اكون افدتك