الموضوع: اهل الدشاديش دشوا ضروري

السلام عليكم ورحمة الله وبركاتة

صراحة المنتدى قمة الروعه وشدني جدا وانا والله اشكر كل الاعضاء الي نزلوا تقارير حلوة
قاعد نستفيد من خبراتهم والله لا يحرمنا منهم يارب

الصراحه انا توني مسجل وما ترددت بهالخطوه ابد
وقلت هذا انسب مكان

ابي استفيد من خبرة اهل الدشاديش الكشيخين
انا بفصل دشاديش صيفية وتدرون احنا بندش برمضان وتجهيزات حق العيد وهالسوالف
حاليا عندي وقت بعدين كلش ما راح افضى
فقلت بروح افصل وللأسف انا ما عندي ادنى خبرة بتفصيل الدشاديش

فأبيكم تساعدوني بهالخطوه
شنو احسن دشادشي صيفية او شنو الخامة المناسبة وتنصحوني بشنو ؟
ووين احصلهم ؟
لو بالبلوكات عند منو بالضبط ؟
اجواخ الحسن زينين ؟

وفي شغله معقدتني يا جماعه انا دشاديشي نظام مخفي !! وعندي واحد من الربع مطلع روحي ليش مخفي ومادري شنو قديييم وخلهم جذي عادي ويطبع الزرار ومادري شنو !!
انا من وجهة نظري يمكن المخفي احلى مو ؟ مادري شلون صاير شكل الزرار المكشوف انا ماعندي خبره شتنصحوني للأمانه مخفي ولا مكشوف احسن ؟مهم جدا متعقد من هالموضوع

ووين اخيط عند احسن خياط ليشني تعبت كل ما خيطت عند واحد يا انه يخيت على مقاسات الدشداشه الي انا لابسها واقوله مالك شغل بالمقاسات ويمشي على كيفه او انه يوسعها زيادة عن اللزوم وانا ضعيف وبعضهم خطايتهم كلها فاشله

بس يا الوقت الي قلت فيه لازم اعرف احسن نوع وآخذه بنفسي وعلى تجاربكم الحلوه بنستفيد ان شاء الله
ارجوكم ابي اسماء ناس محددين لحد يقولي روح هناك وبتحصل شكثر انا ابي الزين وبس
ويعطيكم العافية مقدما

مواضيع عشوائيه ممكن تكون تعجبك اخترناها لك:

• عاجل جدا
• واخيرا صور من داخل طائرات الخطوط الوطنية
• تكفوووووووون يااهل الذوق
• تخفيض بالفنادق لمن يحمل الجنسيه الامريكيه؟
• الفزززززززعه يااهل الكويت
• المواقع الرسميه لأشهر مراكز التسوق بالكويت
• «طيران الإمارات» تطرح عروضاً على رحلاتها من الكويت
• مساعدتكم فندق بجنب مركز المعارض ؟ رحلتي نهاية هذا الأسبوع
• كم سؤال محتاجين إجابة فزعتكم
• معرض سيارات في مول
• ممكن معلومات عن ساحة الصفاة
• ممكن ايها الاحبه تتكرمون باسعافي
• جمارك ميناء الشويخ الكويت
• ساعدوني شوية اسئله خفيفه
• استفسار ارجو الرد
• مطلوب شرح الطريف من مرينا مول الى الأفنيوز
• ياخبراء شيرو علي متى احسن وقت للسفر للكويت
• استفسار يا جماعه عن الزيارة التجارية للكويت
• زيارتي ل الجديد في افنيوز بالصــور
• أجدد فناق الكويت

السلام عليكم

البلوكات // الأبتكار

الخياط // المقياس الذهبي بنفس البلوك فوق عن رضا


أتعامل معاهم من سنة 1994


وعندك خامات عبدالرضا كاكولي + زماني هم ممتازيين والربع يمدحونهم

هلا أخوي كويت اليوم

الله يعطيك الصحة والعافية

موضوع الدشاديش خوش موضوع ، أنا صار لي 30 سنة ما ألبس إلا دشاديش يعني محافظ على التاريخ أكون ، عموما أنا ما في خياط أو محل اقمشة إلا وشريت منه أو خيطت عنده ، ولكن بصراحة اكتشفت أنهم كلهم نفس الشي الخامات مصدرها من كوريا واليابان والصين ، والخياطين كلهم مستوى واحد ولكن أنصحك تروح حق خياط ما عليه ضغط علشان يكون مرتاح وهو يفصل القياس .

قبل سنة تقريبا اتصل فيني صديقي ويسكن جنوب السرة وقال تعال شوف الخياط اللي فتح عندنا بجمعية السلام وفعلا رحت اشوف ولكن انبرهت من الخامات اللي عنده واسعارها التي تقل عن خامات البلوكات وغيرها ، وأغراني بصراحة واشتريت كم دشداشة وخيطتهم وقال بعد 3 ايام تعال خذهم .

عموما الدشداشة نوع طيب كوري أو ياباني مع الخياط إبره طلعت الوحدة بـ 11 دينار بس صار لي سنة حارقهم مصبغة وغسيل وكوي وما شاء الله للحين تقول جدد أو ل مرة البسهم .

الله يسلمكم ويخليكم ما تقصرون
انا ابي اعرف الحين شتنصحوني افصل مخفي ولا عادي ؟
واحترت بنوع الخام يعني الياباني احسن شئ ولا فيه احسن منه ؟ لا تعفس ولا شئ
ترا يا جماعه كلش ما اعرف بالخام

وابي اسماء معتمدين انا قلت بستفيد من تجاربكم يعني ناس تتعاملون معاهم ومجربينهم

عموما اوجه خالص شكري وتقديري للقلب الحزين والقاضي بو عبد الله ما قصرتوا والله
وناطر باجي التجارب بستفيد اكثر منكم
ولكم خالص شكري وتقدري مره اخرى

البلوكات : مركز العائله
الخامات : تويبو - نشنبو (ياباني)
وفي واحد رقمه 9500 رقم الخام

الخياط : عندك الشطي في سوق الدعيج بالمباركية الور الاول محل رقم 11

حلو بنوت هالمعلومات وبشوف الخامات
يعني الحين الخام الياباني احسن شئ عدل . . .
انزين مخفي ولا عادي ؟

تقدر تقول انه اهو الاحسن

انا احبها مخفي ماادري انتوا شنو اتحبون

انا اشوف المخفي حلو !!
بس رفيجي مطلع روحي على سالفه المخفي
يقول اسأل اهل الدشاديش

السلام عليكم
عندك شارع احمد الجابر عمارة كلها خياطين واسعارهم زينه والمخفي احلى
حياك الله

اخوي الخام من كاوكولي المتحدة بالبلوكات
والخياط بالبلوكات .. خياط كبار الشخصيات اسمة خياط كريم او خياط الاوحد لكن المشكلة لازم بروفا و ياخذ وقت يعني تحتاج تنطر ..
او تقولة انا مسافر و كذا ممكن يسرع شوي

مشكورين وما قصرتوا شوركم وهداية الله