السلام عليكم ورحمة الله وبركاتة
صراحة المنتدى قمة الروعه وشدني جدا وانا والله اشكر كل الاعضاء الي نزلوا تقارير حلوة
قاعد نستفيد من خبراتهم والله لا يحرمنا منهم يارب
الصراحه انا توني مسجل وما ترددت بهالخطوه ابد
وقلت هذا انسب مكان
ابي استفيد من خبرة اهل الدشاديش الكشيخين
انا بفصل دشاديش صيفية وتدرون احنا بندش برمضان وتجهيزات حق العيد وهالسوالف
حاليا عندي وقت بعدين كلش ما راح افضى
فقلت بروح افصل وللأسف انا ما عندي ادنى خبرة بتفصيل الدشاديش
فأبيكم تساعدوني بهالخطوه
شنو احسن دشادشي صيفية او شنو الخامة المناسبة وتنصحوني بشنو ؟
ووين احصلهم ؟
لو بالبلوكات عند منو بالضبط ؟
اجواخ الحسن زينين ؟
وفي شغله معقدتني يا جماعه انا دشاديشي نظام مخفي !! وعندي واحد من الربع مطلع روحي ليش مخفي ومادري شنو قديييم وخلهم جذي عادي ويطبع الزرار ومادري شنو !!
انا من وجهة نظري يمكن المخفي احلى مو ؟ مادري شلون صاير شكل الزرار المكشوف انا ماعندي خبره شتنصحوني للأمانه مخفي ولا مكشوف احسن ؟مهم جدا متعقد من هالموضوع
ووين اخيط عند احسن خياط ليشني تعبت كل ما خيطت عند واحد يا انه يخيت على مقاسات الدشداشه الي انا لابسها واقوله مالك شغل بالمقاسات ويمشي على كيفه او انه يوسعها زيادة عن اللزوم وانا ضعيف وبعضهم خطايتهم كلها فاشله
بس يا الوقت الي قلت فيه لازم اعرف احسن نوع وآخذه بنفسي وعلى تجاربكم الحلوه بنستفيد ان شاء الله
ارجوكم ابي اسماء ناس محددين لحد يقولي روح هناك وبتحصل شكثر انا ابي الزين وبس
ويعطيكم العافية مقدمامواضيع عشوائيه ممكن تكون تعجبك اخترناها لك:
- هنا أخبار مشرفتنا القديرة المرام في سفرتها إلى لندن موضوع متجدد
- افتتاح مطعم تكساس رودهاوس
- زياره للكويت الحبيبه
- فندق جديد في المسيلة
- اقرب سكن للافنيوز
- اهل الكويت الاعزاء
- عندي استفسار عن جو الكويت ياليت تفيدوني
- الأسواق الشعبية
- فندق قريب من المباركيه
- عيدي بالكويت غير
- الكويتية تفتتح الحجز عبر موقعها بالانترنت
- مطعم جديد
- أجدد فناق الكويت
- شباب و بنات الـ
- الصور لمدينة الكويت في المساء
- أفضل محل جلابيات
- الريال السعودي في الكويت جولة بالطائرة في سماء الكويت شقق مفروشة بأسعار معقولة
- مهنه جواز السفر؟؟
- جايينكم بإذن الله بعد عشرة أيام والدلاله وسط فزعتكم
- ابي شباتي من عندكم يااهل الكويت كيف؟
رد مع اقتباس
المفضلات