نفس المشكلة اللي حصلت معي من شركة عرب لنك
في عيد الفطر الماضي حجزت عن طريق التلفون من عرب لنك في شقق نجوم ويوم وصلت دبي رحت لمكتبهم اللي في طريق ابوبكر الصديق
ودفعت الفلوس وعطوني الفاوتشر ورحت لنجوم قالولي ما نقدر نسكنك الا يوم واحد بس لان الفندق فل
وكانت الساعه اثنعش بالليل يعني باقي نص يوم وتطلع قلت ليه؟ قالوا رح كلم عرب لنك هم السبب حنا مالنا شغل.
المهم رجعت لهم قالوا ارجع للفندق انت دفعت الفلوس وحجزك موجود. قلت مابي شي منكم الغوا الحجز وردولي فلوسي
قالوا اوكي بنرسل للفندق خطاب الغاء وننتظر الرد وجلست عندهم ساعتين ماجاء الرد ؟ وصلت الساعه ثنتين باليل المهم
طفوا انوار المكتب وانا موجود داخل يبون يصرفوني يعني افهمها ترانا قفلنا . قلت والله ما اطلع لين تردون فلوسي .
يوم شافوا الشر طالع من عيوني قالوا خذ فلوسك وورنا عرض اكتافك . قلت سلام عليكم. طلعت وانا اقول في نفسي هذي الشركة اللي يقولون عنها محترمه !!!!!
العيد الجاي ان شاء الله بروح دبي و باحجز من عرب لنك وان شاء الله ما يصير مثل ما صارلي اووول مره

مواضيع عشوائيه ممكن تكون تعجبك اخترناها لك: