السلام عليكم ورحمة الله وبركاته

من السعودية الي اندونيسيا ....
انا ان شاء الله ناوي اسافر مع واحد من الاصدقاء الي اندونيسيا بس عندي عدة اسئلة ان شاء الله احصل على اجابة شافية وكافية من اعضاء المنتدى واتمنى في الاسعار تعطوني الربية والريال السعودي.....................

1/ بخصوص تاشيرة الدخول انا من يمني احصل على التاشيرة من السفارة ام من المطار لاني سمعت ان اعطاء التاشيرة من المطار لمواطني دول الخليج فقط ..وهل اذا عملتها من السفارة عشان اخلص من الزحمة افضل وكم سعر في السفارة وكم السعر في المطار ؟ وسمعت انه هناك ضريبة وقت المغادرة من المطار في العودة كم قيمتها ؟

2/ناوي اسافر مدة 15 الي 20 يوم في 20 فبراير 2011 الي 5 او 10 مارس هل الاجواء في هذا الشهر مناسبة للسفر وهل يوجد اشهر محدد من السنة تكون فيها اسعار التذاكر اقل من المواسم ؟ ومارايكم الخطوط السعودية لانها تقريبا تذهب مباشرة ومافيها انتظار مثل الاتحاد الامارتية 7 ساعات في مطار ابو ظبي ؟
3/ بخصوص الاماكن التي سوف ازورها جاكرتا و بونشاك و باندونق و بالي ماهو الافضل في تقسيم الايام فيها وهل الترتيب مناسب ..
4/ بخصوص السكن الافضل الحجز بالانترنت او من هناك ( جاكرتا _بونشاك_باندونق_بالي) .. وماهو الافضل في هذه الاماكن التي احتاج فيها لتاكسي او لسائق خاص ... وكم يكلف السائق الخاص في اليوم تقريبا..
5/ سعر التاكسي من المطار الي السكن ... اسعار الانتقال بين الامكان المذكورة هل بالسيارة او بالطائرة بسعر الربية والريال .. هل اسعار التكاسي في المطار افضل ولا في خارج المطار افضل ....
6/السكن بالنسبة لي لايمهمنه لان اجلس في الفندق كثيرة اغلب الاوقات سوف نكون بالخارج يعني حتى لو ثلاث نجمات او اقل وجيد لان الواحد على قده ويبي يغير جو الرياض المتعب ودي اسماء فنادق في الامكان المذكورة .. بخصوص بونشاك السكن في فندق افضل ام فله ( اسمع من الاعضاء ان السكن في الجبل مايقل عن 400 ريال تقريبا هل يوجد اسعار اقل لشخصين ؟
7/بخصوص الاكل يقال ان اسعار التيوس رخيصة هناك كم تساوي تقريبا + ذبحها وكم اسعار الفلل في الجبل ممكن اطلب منهم تكون في شغالة وكم اسعار الشغالات تقريبا ..
8/هل صحيح ان اسعار الصرف اليومي 1000 ريال سعودي مع السكن اشوف انها نوعا ما مرتفعة يعني ممكن في دول اخرى ماتوصل معك 1000 ريال واحنا سمعنا انه رخيصة ودي اعرف من الاعضاء الدائمين على السفر الى اندونيسيا ماهو الرخص الي يقول عنه بعض الاعضاء وانها رخيصة جداً ؟
9/هل مكاتب الكاها التي في المطار اسعارها ارخص من الانترنت ام فيها نصب شوي ؟
10/افضل مواقع حجز الفنادق عندي موقع واريد ان اعرف هل هو معروف ام لا ( موقع gooda.com _hotelsforever) اذا احد عنده خبره فيهم بخصوص الحجز متى ياكدونه وهل في الغاء واذا كان في متى يسترجع المبلغ ؟
11/هل احتاج ان اخذ معي ملابس شتوية لاني لااعلم كيف يكون الجو هناك ؟
12/هل يوجد خطوط طيران اخرى تكون مباشرة غير المتعارف عليها يعني اسمع انه في طيران ليون وبتافي هل هي جيدة وهل يوجد حجز من الرياض ؟
13/هل السكن في بالي في المجمعات افضل ام الفنادق ؟ من حيث الامان والاسعار والخدمات بها والخدمات حولك قريبه عادة من المجمعات او الفنادق ؟؟
اسف اسف جدا على الاطالة والاجابة على اقل من مهلكم ... اعتقد اني طرحت اطول اسئلة في استفسارات اندونيسيا ... اعذروني اول مرة أسافر ويمكن تكون الاخيرة فاتمنى اعرف اشياء كثيرة عن الدولة التي سوف اسافر له ..وتقبلوا فائق الاحترام والتقدير ،،،

مواضيع عشوائيه ممكن تكون تعجبك اخترناها لك: