الموضوع: استفسارات مهمه ارخص اسعار التذاكر و محلات تقليد الماركه في جاكرتا

سلام عليكم ورحمة الله وبركاته

مبارك عليكم الشهر


يا شباب

انا ابي اروح اول مره بحياتي لاندنويسيا عمل وسياحه

الفكره اني ابي اعرف خمس شغلات :

1- وش افضل خطوط اقدر احجز عليها وارخص سعر ويا ريت تكون دايركت وإذا فيها توقف.. كم ساعه؟ ووين ؟
علما بان الذهاب من الدمام - جاكرتا يوم الجمعه 10 سبتمبر و الاياب جاكرتا - الدمام يوم الجمعه 17 سبتمبر

2- ابي اسواق جمله اسعارها رخيصه تبيع (تقليد ماركه) واكسسوارات عشان ابغى اترزق الله وابيعها فالسعودية إن شاء الله .. يا ريت تخدموني باسماء مجمعات او اسواق الله يبارك فيكم .

3- لو بغيت اروح من جاكرتا لبونشاك كم ساعه وكم تكلفة المواصلات

4- ابي مكان فندق او فيلا قريبه من مكان الاسواق او المجمعات لان فكرة الرحله (عمل) وشوية سياحه

5- انا رحلتي يوم عيد الفطر ولا اقدر اغيرها عشان الإجازة .. كيف بيكون الوضع في ايام العيد ومتى تفتح الاسواق

الله لا يهينكم افيدوني ولكم جزيل الشكر ,,,

__________________

مواضيع عشوائيه ممكن تكون تعجبك اخترناها لك:

• حجزفندق سيروني
• المساعدة في السفر من جاكرتا لبالي
• استفسار للخبراء بطاقة فيزا مسبقة الدفع من الراجحي ؟
• عاجل وهام جدا
• طيران الاتحاد الوزن والترانزيت
• رحلة استجمام لوالدي وزوجتي نصائحكم
• استفسار بسيط ؟؟؟
• السفره قربت وباقي سؤال مهم جدا
• افضل جزيرة من ميناء انشول
• برنامج ل اندونيسيا مدة يوم إن أمكن
• ماهي مناطق السياحة في اندونيسيا
• استفسار الحجوزات
• علاج طبيعي
• مواصلات في بالي
• أستفسارات متعددة للعضو ابو ريتال
• سفرتي الثانية و بنتظار ملاحظاتكم اخواني و اخواتي ع المخطط
• استفسار بخصوص طيران ليون
• ارجو المساعد في سفري الى اندونسيا للاول مرة
• أجنحة غراند تروبيك الفندقية
• مشكلة الخطوط

سلام عليكم ورحمة الله وبركاته

مبارك عليكم الشهر


يا شباب

انا ابي اروح اول مره بحياتي لاندنويسيا عمل وسياحه

الفكره اني ابي اعرف خمس شغلات :

1- وش افضل خطوط اقدر احجز عليها وارخص سعر ويا ريت تكون دايركت وإذا فيها توقف.. كم ساعه؟ ووين ؟
علما بان الذهاب من الدمام - جاكرتا يوم الجمعه 10 سبتمبر و الاياب جاكرتا - الدمام يوم الجمعه 17 سبتمبر
افضل خطوط دايركت السعوديه وجارودا وليون
وافضل خطوط كناقل جوي الاتحاد والاماراتيه والقطرريه والسنغافوريه بس مهب دايركت بتكون ترانزيت
التوقف يختلف من خطوط لاخري
الاتحاد اذا طلعت من جده مثلا تتوقف 7 ساعات بابو ظبي
واذا طلعت من الدمام اقل
اذا جيت تحجز تقدر تعرف كم مده التوقف وهل الرحله ترانزيت ولا دايركت ما عندنا برنامج رحلات الخطوط وانااخوك وكل واحد بيجاوبك حسب تجربته ومع التجارب قد تغير بعض الخطوط مواعيد وبرمجه رحلاتها
الزبده
مكتب الخطوط بيعطيك اقل سعر متوفر واذا الرحله دايركت ولالا وانت ادري بروحك اذا تناسبك الدايركت ولا تقدرتصبر علي الترانزيت
مع ملاحظه ان الخطوط القطريه والاماراتيه افضل لان فيها شاشه ترفيه في رحله طويله مدتها تسع ساعات واكثر والشاشات تعرض افلام وخلافه تضيع وقت الرحله وهذا الشي ما توفره خطوطنا المبجله او خطوط اندونيسيا
ملاحظه وقت رحلتك بيكون وقت زحمه وموسم لانها وقت اجازه العيد هناك


2- ابي اسواق جمله اسعارها رخيصه تبيع (تقليد ماركه) واكسسوارات عشان ابغى اترزق الله وابيعها فالسعودية إن شاء الله .. يا ريت تخدموني باسماء مجمعات او اسواق الله يبارك فيكم .
اولا هذا الموقع مهب موقع تجاري بس بجاوبك عن سوالك واناخوك بخصوص الاسواق الل يتتوفر فيها السلع القلده للسائح مهب جمله لان الجمله حنا ما نعرف اماكن شركاتها بالظبط والغالب انهم موزعين فقط لان هذي بضاعه شنطه للتقليد مثل الساعات والاكسسوارات والشنط والمحافظ والملابس
عندك سوق منقا دوا مجموعه من عده اسواق وخلفها اسواق جمله رح افتر لين يطيح الل يبراسك فيها
وعندك سوق اسمه باسار باروا بجاكرتا
وعندك سوق اسمه امباسادور بجاكرتا وعندك سوق اسمه بلوك ام وهو قسمين واحد مول والثاني شعبي رح للشعبي
وايضا عندك سوق تقليد للماركات الملابس خاصه والشنط والجلديات في مدينه باندونق مجموعه اسواق اوت ليت ماادري اذا بتنفعك في ترزقك ولالا بس تنفع للي بيقتني شي بيلقي فيها شي يناسبه



3- لو بغيت اروح من جاكرتا لبونشاك كم ساعه وكم تكلفة المواصلات
80 كيلو
ساعه او اكثر بقليل اذا ماكان يوم سبت واحد
لاتطلع له يوم سبت او احد لان طريقه مغلق
تكلفت الروحه لها تاخذ سياره خاصه معك توديك وتبقي معك
سعرها من 350 الي 450 لليوم للسياره الصغيره
و450 الي 550 للجيب الصغير سوزوكي او كيجانق او انوفا

4- ابي مكان فندق او فيلا قريبه من مكان الاسواق او المجمعات لان فكرة الرحله (عمل) وشوية سياحه
شقق استون مارينا جنب سوق منقا دوا وهو الانسب لك
او فندق ميركوري جنب السوق ايضا وكلها شمال جاكرتا
هذا مواق سكن جنب الاسواق شمال جاكرتا حيث اغلب الاسواق الشعبيه وفيه اسواق مو شمال جاكرتا بعضها جنوب جاكرتا هذي لازم تاخذ لها سياره تروح لها مشوار من سكنك

5- انا رحلتي يوم عيد الفطر ولا اقدر اغيرها عشان الإجازة .. كيف بيكون الوضع في ايام العيد ومتى تفتح الاسواق
ايام زحمه وزحام ومو كل الاسواق او المحلات فيها بتكون مفتوحه من اول يوم للعيد
الله لا يهينكم افيدوني ولكم جزيل الشكر ,,,

ما شاء الله اخوي جاكا اعطاك المفيد و بالتفصيل جزاه الله خير

عندي اضافه بسيطه للاسواق انصحك بسوق اسعاره رائعه جدآ و رخيصه اسمه شمباكا ماس

ملابس و شنط و احذيه يكرم القارئ سوق ضخم تضيع فيه و ارخص من منقا دوا

وفيه سوق ثاني مثل ما ذكر اخوي جاكا اسمه امباسادور قريب من شقق بوري كازبلانكا الرائعه

سوق حلو و كبير و فيه بعد محلات تقليد ماركه لكنه مو رخيص مثل شمباكا ماس مع الاخذ بأختلاف جودة

المنتج في امباسادور ارقى

بالنسبه للسكن افضل مكان لك و يكون قريب من الاسواق انشول مثل ما قالك الراائع اخوي جاكا
و عندك بعدها منطقة شكيني بعد الاسواق مي بعيده عنها

بالتوفيق لك

الله يجزاكم خير مشكورين وما قصرتوا كفيتوا ووفيتوا

ولي عودة إن شاء الله

ماقصروا الاخوان ......

الحمد لله قصيت التذكره
على خطوط جارودا
بمبلع 2700
يوم عيد الفطر الجمعه 10 سبتمبر
والعودة يوم الجمعه 17 سبتمبر ..

ادعوا لنا بالتوفيق ,, الله يوفقكم ..

بالتوفيق يارب
عاد فحط بهل تقارير وتفرج فيها علي انسب شي يعجبك عشان ترتب رحلتك مضبوط قبل السفر

يسعد مساكم يا شباب

انا خلصت من الخطوه الأولى الحجز
باقي شغلتين
برنامج الرحله والميزانيه المقترحه .

انا عندي برنامج ابي اخذ مشورتكم فيه:

الوصول إن شاء الله يوم السبت 11 سبتمبر
(ثاني ايام عيد الفطر) بحدود الساعه 1 الظهر بتوقيت جاكرتا


انا افكر اني اطلع من المطار على بونشاك على طول واجلس هناك كم يوم

ويوم الخميس لازم اكون في جاكرتا عشان اتسوق
وارقد ليلة الجمعه في جاكرتا
لأن رحلة العودة 1 الظهر يوم الجمعه إن شاء الله.

صارت الايام اللي برتب فيها البرنامج هي
الاحد الاثنين الثلوث و الربوع

علموني وش اقدر اسوي فيها
اخليها كلها في بونشاك
( اعتقد ما يمديني اروح بالي ولا باندونق ولا وش رايكم )

علماً بأن الشغلات اللي اتمنى اروح لها هي:
سفاري زوو - بحر العالم - البارشوت - ركوب قارب في بحيره - وبرضه ابي منتجع على البحر.

ادري ان وقتي قصير والشغلات اللي بروح لها كثيره
بس ان شاء الله احد يقدر يرتب لي برنامج مناسب

الله لا يهينكم عطوني احسن برنامج

وميزانيه مقترحه لشخصين

مع ارق التحايا ..

ما قصروا الاعضاء كفوا ووفوا وانا انصحك بسوق زرته بجاكرتا الحقيقه عجبني جدا جدا جدا اسمه قرين اندونيسيا ضخم جدا روعه وتصميم جنان واتمنى منكم زيارته ....

اخوي العزيز بنسبه للموضوع الوقت كلها راح تشوفها

علماً بأن الشغلات اللي اتمنى اروح لها هي:

سفاري زوو - البارشوت والبركين كلها قريبه من بعض في بنشاك

اما البحر في جاكرتا منطقة اسمها انشل

ركوب قارب في بحيره - وبرضه ابي منتجع على البحر



.

المشاركة الأصلية كتبت بواسطة عاشق الأرخبيل
http://www.arabtravelersforum.com/tr...9/#post4153929

ما قصروا الاعضاء كفوا ووفوا وانا انصحك بسوق زرته بجاكرتا الحقيقه عجبني جدا جدا جدا اسمه قرين اندونيسيا ضخم جدا روعه وتصميم جنان واتمنى منكم زيارته ....



عاشق اخوي وين مكانه هالسوق اذا سمحت.؟؟

الله يعطيكم العافيه يا شباب

طيب الاماكن اللي انا ذكرتها كيف يكون ترتيبها

قصدي وش اللي اروح له قبل (بالترتيب) !!؟

مو طالع لي الردود