الموضوع: خبراء موريشيوس ساعدوني رجاءا

السلام عليكم ورحمة الله وبركاته ....۔

ان شاء الله بقضي 7 ليالي في موريشوس الحالمة ...۔ وعندي عدة اسالة اتمنى منكم مساعدتي فيها ..۔

1- الجو في موريشيوس خلال الفترة من 20-10 إلى 4-11 ..۔ كيف تكون ؟؟؟ من ناحية الحرارة و الرطوبة والامطار ..۔

2- بخصوص التنقلات ...۔ يفضل ان استاجر سيارة أو اتعامل مع سائق ؟؟؟ ولو استاجرت سيارة ..۔ ليسن دولة الامارات استطيع استخدامه هناك ؟؟؟ والا اطلع ليسن دولي ؟؟ وهل القيادة في الجانب اليمين والا اليسار ؟؟؟

3- احجز عن طريق طيران موريشيوس ؟؟؟؟ والا الامارات ....لاني من خلال كلام الاعضاء فهمت ان طيران موريشيوس له مقاعد في طائرة الامارات ؟؟؟؟ و من خلال اطلاعي على الاسعار الفرق كبير جدا !!! ولو كان عن طريق طيران موريشيوس ...۔ ماهو الفرق في التعاملات في مطار دبي ؟؟؟

4- هذا الاسبوع ...۔ سيكون بمثابة تجديد شهر العسل ...۔ فباذن الله قررت ان تكون الليالي الاربع الاولى ...۔ ايام مغامرات و تمتع بالجزيرة الساحرة ....۔
فياريت معلومات اكثر عن الانشطة اللي نقدر نسويها ...۔
من اللي قراته من خلال تقارير الاعضاء ...۔ لقيت هالانشطة.۔
- زيارة مصنع الشاي ..۔
- الوادي الملون و الشلالات ..۔
- رحلة الغواصة ...۔
- مشاهدة الدلافين ...۔

فياريت تساعدوني في تريتب جدول للايام هذي ...۔

وهل يوجد لديهم رحلات صيد حلوة ..۔

والليالي الثلاث 3 الاخيرة اريدها تكون رومانسية و استرخاء ...۔ يعني فندق حلو بمسبح خاص .۔ + عشاء رومانسي على البحر ..۔ ولو يوفر شاطي وجزيرة خاصة اكون شاكر لكم ....۔


واحتاج اقتراحاتكم بخصوص الفنادق ...۔

بخصوص فندق الرومانسية و الاسترخاء ...۔ ماهو رايكم في هالفندق ....Maradiva Villas Resort and سبة
فيه سويت بمسبح خاص ..۔

واحتاج معاملة الهوني مون ....۔ من ناحية الاستقبال و تريتب الغرفة والاشياء الاخرى ....۔ فماهي اقتراحاتكم ..۔


انتظر تفاعلكم ورايكم ..۔

مواضيع عشوائيه ممكن تكون تعجبك اخترناها لك:

• ابي اعرف اسعار هوفن فوشي بنقلو
• ظروري ابي رايكم في
• هام استفسار عن موريشيوس
• سؤال لأهل الخبرة عن المالديف
• ابي رايكم يا اهل الخبره
• استفسار بخصوص انواع الغرف بالمالديف
• اي شهر افضل لجزر ملديف واين تنصحون اسكن
• استفسار عن جزر المالديف مستعجل
• يا أحسن ناس بخصوص المالديف
• خبراء المالديف بليز ادخلوا
• ذاهبة مع زوجي الى موريشوسارجو المساعدة
• ميزانيتي الف ريال ؟؟ اين تنصحوني
• منتجع شانغريلا المالديف `
• لو سمحتو استفسار عن سيرلانكا وموريشووس
• ان شاء الله مسافر المالديف بعد زواجي بيوم ابي مساعده
• إستفسار عن جزيرة موريشيوس أرجو مشاركة الجميع
• الحيرة في موريشيس
• معلومة غريبة ومفيدة عن موريشوس
• الاخوان الغاليين بخصوص مده الرحله من دبي الى المالدييف طيران فلاي دبي
• جزيرة هونلولو

مازلت بانتظار رد اصحاب الخبرة و التجربة في موريشيوس .........۔ اتمنى ماتطولون علي

للرفع ....... ياريت تردون علي ..... احتاج معلوماتكم وخبراتكم

الجو ممتع لأخر درجة وش تبي شمس فيه شمس تبي مطر وهتان فيه مطر وهتان كان الجو يتغير علينا في اليوم 3 مرات وكان عن جد شيء ممتع وجميل وأهم شيء ماكان فيه رطوبة

ممكنم تسوق بالليسن مالكم والقيادة عكسنا ويفضل استأجار سيارة بسائق او تاخذ طاكسي لليوم بحدود 1700 روبية يعني 200 الى 220 درهم

عن طريق اير موريشيوس لكن بيكون المقعد في اخر الطايرة والوزن المسموح اقل شوي

ماعندك أي مشكلوة بخصوص الرحلات وخاصة المغامرات حدث ولا حرج بتتعب منها انت تم على الحجوزات وابشر بسعدك

اخر 3 ايام يعتمد المكان اللي تبيه على الميزانية لانه فيه اماكن عن جد رومانسية لأاقصى حد لكن محتاجه $$

واي استفسار لا تتردد

مشكور اخوي بوعزيز ..۔

ياريت تساعدني بوضع برنامج لرحلات الايام الاربع الاولى ..... ومثل ماقلت اريدها مغامرات و نشاطات حلوة و ماتنسى ...۔

وبخصوص استاجار السيارة ..۔ ياريت تفيدني بشركة ثقة وممتازة .... لأني ناوي استاجر سيارة ... لأنه فيها راحة وخصوصة اكثر من وجود سايق ...۔

وبخصوص الامكان الرومانسية ...۔ ياريت تفيدني فيها ....۔ ولك مني جزيل الشكر

المشاركة الأصلية كتبت بواسطة :.:U.A.E:.:
http://www.arabtravelersforum.com/tr...8/#post6277120

مشكور اخوي بوعزيز ..۔

ياريت تساعدني بوضع برنامج لرحلات الايام الاربع الاولى ..... ومثل ماقلت اريدها مغامرات و نشاطات حلوة و ماتنسى ...۔

وبخصوص استاجار السيارة ..۔ ياريت تفيدني بشركة ثقة وممتازة .... لأني ناوي استاجر سيارة ... لأنه فيها راحة وخصوصة اكثر من وجود سايق ...۔

وبخصوص الامكان الرومانسية ...۔ ياريت تفيدني فيها ....۔ ولك مني جزيل الشكر




هلا بك اخوي

البرنامج إن شاء الله ماعندك فيه اي مشكلة فقط حدد لي الفنادق بحيث يكون المكان الاقرب لكل فندق

انصحك ترتب رحلة لزيارة الوادي الملون هو جديد على كل حال وكنت فيه اول امس وهو بحق تجربة ممتعة الرحلة تكون داخل محمية في الجنوب تحتوي على مزارع وجبال وهضاب والعديد من الشلالات منها ماهو خاص تقدر تسبح فيه لوحدك تحت الشلال بخصوصية كاملة هذا غير النشاطات الاخرى اللي يرتبونها لك شامل المواصلات ووجبة الغداء اللي من منتجات المزرعة فقط

باقي الايام ايضا ممتعة في الشرق لاتفوت ايل او سيرف Île aux Cerfs Island ممكن تستاجر بوت سريع وتمارس جميع انواع النشاطات المائية واللي من اهمها البراشوت

المشي تحت الماء من الاشياء اللي ماتتفوت في موريس

واخيرا الصيد لو تحب ايضا متوفر ولابد من الحجز المسبق له

تفاصيل الرحلات موجودة في تقريري

بالنسبة للسيارة فكل منتجع فيه شركة تأجير سيارات ممكن تستاجر منهم وقت ماتبي وانا صراحة ما انصحك لان القيادة صعبة والطرق ضيقة وافضل لك تستاجر سيارة بسائق


الاماكن الرومانسية ما في احلى من استاجار بوت كاتاماران Catamaran

ويوم تنسق مع الفندق يعمل لكم عشاء خاص على الشاطيء مثلا

وممكن تتواصل معي مباشرة اعطيك ارقام الهواتف وطريقة الحجز

واي استفسار لا تتردد

شكرا اخوي بوعزيز على المساعدة ..۔ جزاك الله خير

المشاركة الأصلية كتبت بواسطة :.:u.a.e:.:
http://www.arabtravelersforum.com/tr...8/#post6286574

شكرا اخوي بوعزيز على المساعدة ..۔ جزاك الله خير

العفو ياعيني

الجو بإذن الله راح يعجبكم كثيير احنا رجعنا أمس

ولاتنسى اذا رحت للمحمية او نويت تروح لها تحجز الشلال لكم

وتطلب منهم تعبرون بين الجبيلن بواسطة الكيبل الحديد والبكرة

اتمنى لكم رحلة ممتعة