الموضوع: خبراء موريشيوس ساعدوني رجاءا

مازلت بانتظار رد اصحاب الخبرة و التجربة في موريشيوس .........۔ اتمنى ماتطولون علي

للرفع ....... ياريت تردون علي ..... احتاج معلوماتكم وخبراتكم

الجو ممتع لأخر درجة وش تبي شمس فيه شمس تبي مطر وهتان فيه مطر وهتان كان الجو يتغير علينا في اليوم 3 مرات وكان عن جد شيء ممتع وجميل وأهم شيء ماكان فيه رطوبة

ممكنم تسوق بالليسن مالكم والقيادة عكسنا ويفضل استأجار سيارة بسائق او تاخذ طاكسي لليوم بحدود 1700 روبية يعني 200 الى 220 درهم

عن طريق اير موريشيوس لكن بيكون المقعد في اخر الطايرة والوزن المسموح اقل شوي

ماعندك أي مشكلوة بخصوص الرحلات وخاصة المغامرات حدث ولا حرج بتتعب منها انت تم على الحجوزات وابشر بسعدك

اخر 3 ايام يعتمد المكان اللي تبيه على الميزانية لانه فيه اماكن عن جد رومانسية لأاقصى حد لكن محتاجه $$

واي استفسار لا تتردد

مشكور اخوي بوعزيز ..۔

ياريت تساعدني بوضع برنامج لرحلات الايام الاربع الاولى ..... ومثل ماقلت اريدها مغامرات و نشاطات حلوة و ماتنسى ...۔

وبخصوص استاجار السيارة ..۔ ياريت تفيدني بشركة ثقة وممتازة .... لأني ناوي استاجر سيارة ... لأنه فيها راحة وخصوصة اكثر من وجود سايق ...۔

وبخصوص الامكان الرومانسية ...۔ ياريت تفيدني فيها ....۔ ولك مني جزيل الشكر

المشاركة الأصلية كتبت بواسطة :.:U.A.E:.:
http://www.arabtravelersforum.com/tr...8/#post6277120

مشكور اخوي بوعزيز ..۔

ياريت تساعدني بوضع برنامج لرحلات الايام الاربع الاولى ..... ومثل ماقلت اريدها مغامرات و نشاطات حلوة و ماتنسى ...۔

وبخصوص استاجار السيارة ..۔ ياريت تفيدني بشركة ثقة وممتازة .... لأني ناوي استاجر سيارة ... لأنه فيها راحة وخصوصة اكثر من وجود سايق ...۔

وبخصوص الامكان الرومانسية ...۔ ياريت تفيدني فيها ....۔ ولك مني جزيل الشكر




هلا بك اخوي

البرنامج إن شاء الله ماعندك فيه اي مشكلة فقط حدد لي الفنادق بحيث يكون المكان الاقرب لكل فندق

انصحك ترتب رحلة لزيارة الوادي الملون هو جديد على كل حال وكنت فيه اول امس وهو بحق تجربة ممتعة الرحلة تكون داخل محمية في الجنوب تحتوي على مزارع وجبال وهضاب والعديد من الشلالات منها ماهو خاص تقدر تسبح فيه لوحدك تحت الشلال بخصوصية كاملة هذا غير النشاطات الاخرى اللي يرتبونها لك شامل المواصلات ووجبة الغداء اللي من منتجات المزرعة فقط

باقي الايام ايضا ممتعة في الشرق لاتفوت ايل او سيرف Île aux Cerfs Island ممكن تستاجر بوت سريع وتمارس جميع انواع النشاطات المائية واللي من اهمها البراشوت

المشي تحت الماء من الاشياء اللي ماتتفوت في موريس

واخيرا الصيد لو تحب ايضا متوفر ولابد من الحجز المسبق له

تفاصيل الرحلات موجودة في تقريري

بالنسبة للسيارة فكل منتجع فيه شركة تأجير سيارات ممكن تستاجر منهم وقت ماتبي وانا صراحة ما انصحك لان القيادة صعبة والطرق ضيقة وافضل لك تستاجر سيارة بسائق


الاماكن الرومانسية ما في احلى من استاجار بوت كاتاماران Catamaran

ويوم تنسق مع الفندق يعمل لكم عشاء خاص على الشاطيء مثلا

وممكن تتواصل معي مباشرة اعطيك ارقام الهواتف وطريقة الحجز

واي استفسار لا تتردد

مشكور اخوي ابوعزيز ماقصرت ..۔


بخصوص الليالي الاربع الاولى ...۔ ان شاء الله الحجز بيكون في فندق الموفنبيك ..۔ وهو فندق اعتقد انه جديد ... يقع في Allee des Cocotiers, Bel Ombre, Mauritius، ....۔

و الفندق الثاني ...۔ فقط ليلتين ...۔ للاستجمام والتمتع بالفندق ..۔ وباذن الله وقع الاختيار على فندق ماراديفا .... في منطقة Tamarin Bay, وولمر


احتاج الى مساعدتي في وضع برنامج سياحي لمدة 4 ايام ..۔ ويكون فيه مغامرات ونشاطات ...۔
مع العلم انه نحن نبدا يومنا خلال السفر بالعادة في الساعة 9 او 10 صباحا ..۔
ونرجع الفندق بالليل فقط .... يعني نحاول الاستفادة من اليوم من خلال النشاطات وزيارة الاماكن السياحية في البلد ....۔


انا وضعت قائمة لبعض الاشياء و النشاطات ..۔ لكني مش عارف ارتبها
- البركان ..۔ ترو اوف سيرفر..۔ و البحيرة اللي فيه ...۔
- الارض ذات الالوان السبع
- رحلة الغواصة ..۔ الصب مارين
- مشاهده الدلافين
- ايل اوف سيرفر
- بلاك ريفر
- مصنع الشاي
- حديقة التماسيح


وبخصوص المحميات ....۔ شو رايك في محمية لا إيتوالي ....۔ !!!
ولو فيه محمية اجمل من وجهة نظرك ياريت تذكرها لي ..۔
وهل جميع المحميات يتم خلالها التجول بالدبابات


وحاب يتضمن البرنامج رحلة صيد سمك ...۔ ولكن هل من رايك اطلب من الفندق ترتيبها ؟؟؟؟ او اخذها من خارج الفندق ....
واذا كانت من خارج الفندق ... ياريت تساعدني من الاماكن اللي ممكن احجزها من خلالها ....۔



- بخصوص المواصلات ...۔ افضل طريقة للحصول على سايق بسيارة وافضل سعر ...۔ من خلاال الفندق ... او من خارجة ؟؟؟ واي شركات هي الافضل ؟؟؟ ياريت تعطيني اسماء و ارقام هاتف ..۔


وبخصوص استاجار بوت كاتاماران Catamaran
هل يكون من خلال الفندق ؟؟؟



ياريت تعطيني كافة المعلومات و اسماء الشركات و ارقام الهواتف اللي احتاج لها خلال الرحلة ..۔
و خلال ترتيب الجدول ..۔ لو فيه شي يحتاج الحجز المسبق ياريت تفيدني و تنبهي عليه ...۔ و تكتب لي رقم الشركة اللي اقدر احجزه منها...۔



و اسمح لي على كثرة الطلبات ...۔ و السموحة على الازعاج...

شكرا اخوي بوعزيز على المساعدة ..۔ جزاك الله خير

المشاركة الأصلية كتبت بواسطة :.:u.a.e:.:
http://www.arabtravelersforum.com/tr...8/#post6286574

شكرا اخوي بوعزيز على المساعدة ..۔ جزاك الله خير

العفو ياعيني

الجو بإذن الله راح يعجبكم كثيير احنا رجعنا أمس

ولاتنسى اذا رحت للمحمية او نويت تروح لها تحجز الشلال لكم

وتطلب منهم تعبرون بين الجبيلن بواسطة الكيبل الحديد والبكرة

اتمنى لكم رحلة ممتعة