المعذرة على التأخير وأرجو منكم السموحة لكن انشاء الله بحاول ما اتاخر عليكم مرة ثانية
والآن أستكمل لكم الجزء الأول :
ــــــــــــــــــــــــــــــــــــــــــــــــــ ــ
وصلنا كما قلت لكم إلى مطار jfk في نيويورك يوم الثلاثاء صباحاً الساعة 8
وكان واصل مع رحلتنا رحلة وحدة بس جاية من كوريا أو اليابان بصراحة وجيهم سوى ماعرفت أفرق بين جنسياتهم عموماً ما كان فيه زحمة تذكر في الجوازات وجلست أراقب كيف يتعامل موظفو الجوازات مع المسافرين القادمين مع رحلتنا كان البعض منهم يمشي طبيعي والبعض يتعطل زي ما صار معي :110:
لما جاء دورنا في الجوازات جلس الموظف يتفحص جوازي وجواز زوجتي وبنتي ولما إنتهى قالي أنا بصم وبصمت بعدين كان عنده كاميرا قالي وقف قدامها وصورني مثلي مثل البقية لكن زوجتي ما طلب منها تبصم أو تصور بعدها قام وقال تعالوا معي ,,,, هنا عرفت إننا بنتحول للغرفة اللي قالوا عليها أعضاء المنتدى ,,,, وفعلا ودانا عند غرفة فيها ثلاثة موظفات جوازات وعطاهم جوازاتنا كلها وهناك ماشاء الله حصلت أغلب اللي كانوا معنا في الطائرة موجودين :109: حط جوازاتنا في ملف أصفر وقال إنتظروا ,,,, بعد مرور ساعة تقريباً نادوا على إسمي رحت للموظفة سألتني وين بتسكن وكم بتجلس وجاوبتها بعدين عطتني جوازي وجواز بنتي ,,,, لكن جواز زوجتي للأسف ما عطونياه :114: سألتها ليش قالت لحظه ,,, ونادت موظف آخر وقالت لازم نطرح عليها بعض الأسئلة والسبب إنها سبق وزارت أمريكا وعاشت فيها سبع سنوات ,,,, طلعنا مع الموظف ودانا لكاونتر قريب من الغرفة تماما وجلست أنا وبنتي ننتظر إنتهائها وبدأ يسألها وأنا أسمع لمدة ساعة تقريباُ ,,,, كانت الأسئلة عبارة عن أمور طبيعية مثل
متى جيتي أمريكا قبل كذا ؟
ليش زرتي أمريكا , وين عشتي ؟
وين يعمل زوجك ؟
وين تعملين إنتي ؟
وين يعمل والدك ؟
كيف تقضين يومك في السعودية ؟
وبعض الأسئلة الأخرى مثل وين بتسكنون وكم تجلسون في امريكا ؟
إنتهت المقابلة وبعدها الحمدلله مشينا وطلعنا من المطار واخذت تاكسي وإتجهنا إلى ما نهاتن وكان التاكسي يفتح العداد إلى ما نهاتن بقيمة 45 دولار وبعد ما يدخل ما نهاتن يبدأ في العد كانت المسافة تقريباً 45 دقيقة
وهنا صورة للطريق من المطار إلى ما نهاتن

الجزء القادم أستعرض معكم السكن في نيويورك وبعض الصور
تابعوني واعذروني على التأخير

مواضيع عشوائيه ممكن تكون تعجبك اخترناها لك: