الموضوع: ما طبعنا ورقة الموعد ساعدونا

مساعده عاجله يا أخوان

ملينا الفورمات أنا وزوجي وأخذنا موعد لكن للأسف لم نستطع طباعة ورقة الموعد والآن ما نعرف كيف نرجع لها ولما نبغي ندخل على موعدنا يقول دخلوا confirmation code وإحنا ما عندنا......شنو الحل؟

ياريت تساعدونه

مواضيع عشوائيه ممكن تكون تعجبك اخترناها لك:

• كشف الحساب لاستخراج الفيزا
• شراء سيارة من أمريكا
• رايكم في مخطط رحلتي الي امريكا
• فقط دقيقة
• تكاسي امريكا
• أرخص طيران من مصر
• استفسااار لاهل الخبره
• ادعوا لي بغداً موعد المقابلة بالرياض
• مساعدة بلييز
• مسافر الاسبوع الجاي واحتاج فزعكم
• مدينة بوسـطن في خاطري أحصل معلومات عنها
• ماذا تعرف عن
• بولتيمور
• استفسار
• أريد أن أقضي شهر العسل في امريكا
• موضوع تفاعلي للجميعاسباب منعك دخول امريكا
• ممكن تساعدوني
• عندى اكتر من استفسار عايز حد يساعدنى ضرورى
• أهل الخبرة في أمريكا
• ممكن تفيدوني بافكاركم واقتراحاتكم ؟ بس بسرعة بليييز

عزيزي الموعد تجده في الايميل ,,,,,

صحيح برسائل الايميل تحصله والله يــوفــقــك

الظاهر إن الإجراءات عندنا في البحرين تختلف عن السعوديه
بصراحه لا دخلنا بيوزر ولا عندنا باسوورد
في مكان ندخل عليه عشان المواعيد ولما نختار الموعد يعطينه صفحه فيها معلوماتنا والموعد عشان نطبعها وآنه بصراحه راحت علي وصارت شغله في السيستام إختفت منها هالصفحه وكلما أحاول أرجع لها يقولي إنت عندك موعد وعشان تدخل عليه إدخل الكونفرميشن كود قبل وطيعا هاي كان موجود في الصفحه إلي ما إنطبعت

الله يجزي كل من رد علي وآنه منتظره مساعدتكم

والله كريم

اختي الله يجزاكي كل خير حاولي ترجعي لايميلاتك السابقه واكيد بتحصلين الموعد والحل الاخير ما عندك الا تروحون لهم بنفس الموعد وتشرحو لهم الي صار واكيد يتفهمون الوضع وانا من رايي روحو لهم قبل الموعد وسالوهم او ارسلو ايميل لهم .. بالتوفيق ان شاء الله

وعموماً اذا اوراقكم كاملة 100% بإستثناء ورقة الموعد فهي اثبات للموعد فقط لا اكثر ويكفي ابلاغهم بفقدان صفحة الموعد وهم بيشيكون بأسمائكم وبيدخلونكم ... لأن أصلاً عندهم لستة بأسماء من لهم موعد في كل يوم .

موفقين

mode

يارب كلمن دخل موضوعي وترك لي رد توفقه وتيسر له أموره وتفتح له أبواب رحمتك....اللهم آمين

الحمد لله والشكر أمورنا تيسرت بفضل من الله...بعثت لهم إيميل شرحت فيه الوضع وردوا على وعطوني الconfirmation code وهاي عن طريقها نقدر ندخل على الموعد.

بغيت ألفت نظر أي أحد من البحرين رايح يقدم لأول مره إن إجراءاتنا تختلف عن أي دوله ثانيه طبعا لا إيينا إيميل من عندهم ولا شي لأني حاولت أدخل على إيميلي أكثر من مره ومافيه شي.

أهم شي حطوه في بالكم تطبعون ورقة الموعد ضروري عشان تفكون عمركم من عوار الراس ولا تتغربلون معاهم يوم الموعد.

ثاني شي ترى كل شخص في العايله ياخذ له موعد، آنه تفاجأت لما قالولي إن حتى بنتي الله يحفظها إلي عمرها 8 سنوات نملي لها فورة 156 وناخذ لها موعد بروحها. طبعا آنه أخذت كلنا في نفس اليوم.

أتمنى هالمعلومات تفيد شخص في يوم من الأيام يمكن يخوض هالتجربه لأول مره.