الموضوع: ساعدوا اخيكم المنحاس في شهر العسل

السلام عليكم ورحمة الله ومسيتم أو صبحتم بالخير يالربع ..

أولا صلّوا على محمد ياجماعة :smile:

سؤالي بسيط وانتم متعودين عليه ياخبراء .. لكن السالفة ومافيها ان صاحبكم اللي هو أنا منشعل مرررره بتجهيز الشقة والامور للزواج .. والله يوفق ونبي دعواتكم لنا بالتوفيق

حجزي من الرياض على الجارودا يوم الأحد 18-7 والعودة 3-8 ووالله ماسويت الا شي واحد وهو اني حجزت ليلتين في فندق أسكوت في جاكرتا عبر موقع booking وبس :frown: وباقي الليالي ماسويت فيها شي .. مشغول بامور كبيرة

بالله ياشباب اطلب منكم المساعدة بالجدول ولكم مني دعوة والله يحرم وجيهكم ووالديكم عن النار

مجموع الليالي الفعليه 15 ليلة مع العلم بأنها رحلة شهر العسل ..

مواضيع عشوائيه ممكن تكون تعجبك اخترناها لك:

• بخصوص الاعصار بكره على الفلبين
• تكفون يا الرجاجيل وش الجدول المناسب؟
• اريد برنامج واستفسارات لبعض الاسئلة
• مساعدة في وضع برنامج في بالي
• ياهل الخير والمعروف طلب مشورة لاهل التجربه
• استفسار عن افضل الفلل في بونشاك
• مــتـــوهــــق جــدا في السكن في بونشــأكـ
• اتمنى من الجميع المشاركة
• الى الخبراء في بالي و نجم الكويت الله لا يهينكم
• والله محتارة الف تكفي والا لا
• استفسار و مساعدة يالغالين ترتيب جدول
• تخطيط الرحلة قابل للتعديل ؟؟
• كيف اوصل لجزيره بالي من ماليزيا
• محتاج برنامج قصير
• برنامج سياحي لرحلة جزيرة بالي
• استفسارات متعددة للعضو شوكاليطه بيضا
• ارقام السواقين
• تكفون فزعتكم من بونشاك
• اهداء للغوالي
• اول مرة مسافر الى اندونيسيا

اول ليلتين واخر ثلاث ليالي في جاكرتا .. يعني الباقي لي 10 ليالي

ماافكر في جزيرة بالي .. لاني ضب والضب مايحب البحر

فماهي اقتراحاتكم لي الله لايهينكم

اهلا وسهلا

10 ايام اقضيها بين بونشاك وباندونق .

ننتظر اقتراحات باقي الاعضاء

تحياتي

بسم الله
اول شي اسكوت شقق مو فندق اخوي وهي روعه اذا حجزتها من اقتناع فخلك عليها واذا فيه امكانيه تغير بنعطيك الاسماء
اول يوم وصول لجاكرتا
زي ما قلت انت تقعد يومين
اول يوم راحه ومطعم قريب او سوق يرب من مقر سكنك
ثاني يوم الي انشول
طب هلموضوع وتلقي فيه كل كبيره وصغيره عن اشنول ووين تروح فيها
http://www.arabtravelersforum.com/travel349166/

اليوم الل يبعده لتمان ميني حديقه وطنيه رائعه وحلوه

اليوم الل يبعده تطلع بونشاك منطقه 80 كيلو عن جاكرتا
تسكن بفندق سيوني 3 او سيروني 2 او اذا ما لقيت سكن فيه نوفوس بونشاك ريسورت تاخذ الروم الاكبر المستقله فيه مو غرفه فيه لانها انسب للمتزوجين

تبقي في بونشاك اربع او خمس ايام
يوم وصولك بيكون راحه وتمشيه في المنطقه وتفرج عليها
ثاني يوم تمان سفاري من الصبح الي العصر
اليوم الل يبعده شلالات شليمبر ومصنع الشاهي وبحيره ليدو للغدا لو حبيت
اليوم الل يبعده حديقه الزهور والبراشوت وكوتا بونقا مجمع سكني تحه معماريه تقدر تدخله تتصور فيه

اذا جازت لك المنطقه وودك تمدد يوم بها ونعم
اذا ما ودك تضرب مشاوير طويله تلغي بحيره ليدو وتخلي مكانها مدينه بوقور القريبه من بونشاك تروح تتعشاء في مول فيها وتتمشي باسواقها الشعبيه كتغيير جو اذا حاب

بعدها تتوجه باندونق مدينه تسوق وتمشيه
اذا تبي سكن غالي وفخم عليك بفندق اسمه قي اتش يونيفيرسال
اذا تبي فندق جيد واقل سعر شيراتون واذا تبي اقل منه ووسط الاسواق استون تروبيكانا
تبقي يوم وصولك في المدينه تطلع لها بدري لان مسافتها 3 ساعات بينها وبين بونشاك بالسياره 95 كيلو بس طريق جبلي ويمر بقري واجد فياخذ وقت واجد

حسب وصولك لباندونق اذا بدري تمر الاسواق فيها ومطعم كامبونق داون تتعشاء فيه
واذا ودك تقعد يوم بعد مافيه مشكله او تطلع منها لضاحيتها الشماليه لمبانق
انت حر تسكن فيها في منتجع ساري اتير او جراسيا سبا او غيره من المنتجعات
او تطلع تتمشي فيها وترجع فندقك بباندونق السمافه نص ساعه بينهم تقريبا او نزيد شوي
الافضل تسكن في لمبانق
وبعدها ترجع جاكرتا

لاحظ اني ما دققت باسماء الفنادق لان لها موضوع مثبت بالاسماء والانسب وانت ما حددت ميزانيتك للسكن
السكن فيه ابو 80 دولار وفيه ب300 دولار حسب امكاناتك

*معلومه لاتطلع من مدينه لاخري يوم سبت واحد
اذا اظطريت للطلوع بين مدينتين يوم سبت واحد احجز مسبقا قبل تطلع للمدينه اللي رايح لها
الاسواق والفعاليات غالبا يوم السبت والاحد مزحومه لانها ايام ويك اند عندهم

رحله موفقه اخوي

ابوخالد افاد الله ينورعليه

:الله يوفقك ياخوي ولا تفوتك منطقة انشول وركوب التلفريك متعه وانا ماني مثلك لازم اروح عندبحر عشان الين العكرهبس ان شالله الشباب يذكرون لنا الفنادق الي بوسط تلك المنطقه عشان انا استفيد بعد

الأخ فارس الغامدي ..
أشكرك على الاقتراح والمشاركة أما بالنسبة للحجوزات فراح اسوي حجوزاتي ان شاء الله عن طريق مكتب الكاها اللي في الأتريوم بعد وصولي بيوم يعني يوم 20-7

الاستاذ الكريم ابو خالد
يعلم الله اني رفعت يدي لك بالدعاء أول ماشفت ردّك .. وجزاك الله خير والله يوفقك دنيا واخرة ويحرّم وجهك على النار .. ميزانية السكن يوميا بحدود المية دولار وفندق اسكوت حجزته يومين عن طريق booking وبدون استرجاع وخطتي اني ارتاح اول ليلة
والليلة الثانية احجز في من الكاها اللي في الأتريوم لباقي رحلتي .. وهي 10 ليالي فعلية فممكن يكون 4 ليال لبونشاك (الجبل) وثلاث لباندونق - طيب باقي ثلاث ليال كيف أقضيها :$

والثلاث ليال الاخيرة راح تكون في جاكرتا -ان شاء الله- في فندق ثاني ورجوعي لجاكرتا يوم 31-7 فراح يكون يوم سبت والله يعين .. فماهي اقتراحاتك لفنادق من يوم 31-7 الى 3-8 (ثلاث ليالي) ؟ وفي هالثلاث ليالي تكون يومين تسوق ويوم نمر فيه على أنشول ancol

رايك كيف يامدير ؟


السيد سندي محضار .. ماقصرت وجزاك الله خير على اغلاق الموضوع الاسبق

عصيعص (ابوعكرة) .. مايقصرون الله يجزاهم خير

شهر عسل موفق

وانا بعد عندي عسل زيك

وحاب اسال الجبل مافيه مشكله نحجز من هناك مضمون لاننا عسل مانبي نتوهق ؟

والجبل فيه فلل تصلح لعائلة شهر عسل ؟؟

شهر عسل موفق........

ماهي اقرب مدينة للجبل ؟