الموضوع: تعالوا ساعدوا مشرفه سابقه بتجديد شهر العسل

السلام عليكم ورحمة الله وبركاته
والله اشتقت حيل للمنتدى الغالي
بس الظروف منعتني من المشاركه والمتابعه الدايمه نفس اول ايام كنت فاضيه
اليوم ابيكم تساعدوني بجدول حلو لماليزيا
طبعا رحت لمكتب سفريات امس وقعدت عندها فوق الساعتين وبالاخير قلت لها اردلج باجر
من زمان اتحلم بالسفر لماليزيا والحين خايفه
مدري ليش
زوجي الله يحفظه قالي انتي نسقي وسوي الجدول وكل شي
الحين باخذ رايكم باللي باقوله وياليت تساعدوني
لاني قلت لها باجر اجي لج ونتفق وادفع الفلوس
السفر بيكون باذن الله
من 2/9/2012 الى 19/9/2012
16يوم
التذكره الوحده ب 185 دينار كويتي
اعتقد حلو السعر لانها الحين واصله 280
طيران الاتحاد
ترانزيت في اعتقد ابو ظبي ساعه
نسيت مو متاكده
اخترت الاتحاد لان الكل يمدحه وودي اجربه

الحين نجي لترتيب المناطق
شرايكم ب ترتيبي صح ولا غلط؟؟
يومين سلانجور
4 ايام لانكاوي
3 بينانق
3 الكاميرون
4 كوالالمبور

ومن كوالالمبور نروح نص يوم ل جنتنق
ونص يوم ثاني ل افاموسا ؛ تستاهل ولا لا؟ البعض مايمدحها

الحين التنقلات؛
من سلانجور ل لنكاوي طياره داخليه
ومن لانكاوي ل بينانق طياره داخليه
ومن بينانق للكاميرون تاكسي
ومن الكاميرون ل كوالالمبور تاكسي

حلو؟
ادري التاكسي غالي بس مابي اضيع وقت بالباصات والمده اصلا مو طويله

الطيران الداخلي على الماليزيه كلهم ب 200 دينار لي انا و زوجي

الحين للازمه الكبيره واللي شاغلتني
هو السكن
الاسعار نار واحنا مو من النوع اللي نقعد بالفندق
يعني الفندق للنوم وبس
ف مابيه غالي
بالمكتب قالت لي صنواي لاقون ب 80
بيكولو هوتيل و بارك رويال نسيت بس اعتقد وحده ب48 والثانيه ب 38
ضيعت
عاد من شوي قمت افرفر ب بوكنج ولقيت بعض الاسعار زينه
و قولوا لي رايكم
مثل؛
بسلانجور؛
باسيفيك رجنسي ب46
و ميليا كوالالمبور ب36
صنواي بيراميد هوتيل مالقيته

لانكاوي؛
موتيارا ب80 صراحه غالي
ومالقيت برجايا و بلانجي بيتش

بينانق؛
بارك رويال ب106 غالي
هوليدي ان ب62
مالقيت شانجريلا

الكاميرون؛
دي لي فرانس ب114 غالي
هيرتج 51
كانتري لودج 33
شو جاين 26

كوالالمبور؛
دورست رجنسي ب40 حلو سعره والاعضاء يمدحونه
تريدز 68 غالي
كورس هوتيل 45
برنس هوتيل 51

ابي السكن بحدود من 30 ل40 دينار
وعادي بعيد شوي المهم نظيف

والله حدي ضايعه
انطر ردودكم من الموبايل

مواضيع عشوائيه ممكن تكون تعجبك اخترناها لك:

• آمل أفادتي بخصوص العود ودهن العود
• بخصوص باصات ايرولاين
• استفسار عن عروض في فندق فيرست وارولد
• استفسار عاجل يا احبابي بخصوص الطيران
• الغاء حجز تذكرة الخطوط الماليزيه
• رايكم في
• برنامج سياحي شهر عسل
• مجمعات بيناينج
• ارجو مساعدتي في الحجز للرحلة الى ماليزيا
• صديقي نواف
• سؤال مهم وايش الحل
• رحلتي الي ماليزيا في شهر ٨-٢٠١٦
• جدولي هل من ملاحظااات من حبايبنا
• برنامج سياحي متكامل مع الفنادق والجولات واقتصادي شخصين
• سؤال عن موقع امبيانا
• برنامج للعرسان 11 يوم لزيارة سنافورة وماليزيا 2017
• محتاج مساعده في جدول سياحي
• استفسار عن بعض الفنادق
• اول مره اسافر ماليزيا وابي مساعدتكم لآهنتو
• ارجو المساعده يا اخواني

نسيت اقولكم
شرايكم اكنسل سلانجور و اخليها كوالالمبور
يعني تصير الروحه والرده ب كوالالمبور
لان سلانجور فنادقها غاليه
وقريت انها تبعد عن كوالالمبور تقريبا نص ساعه من الموبايل

هلا أختنا الكريمة ( المرام )

أسأل الله لكم التوفيق برحلتكم القادمة .. لماليزيا الجمال ..

بصراحة تقسيم البرنامج راااائع ... وأنصحك بأعتماده ...

ميزته بأنه ( شامل ... ومتنوع ) بأختلاف مناطق ماليزيا الساحرة ...

هذا الجدول الأنسب ... والفنادق الأروع حسب طلبكم :

يومين سلانجور ... فندق إمباير

أربعة أيام لنكاوي ... فندق لنكاوي لاقون

ثلاثة أيام بينانغ ... فندق الفلامنجو

ثلاثة أيام الكاميرون .. فندق الأكواتريال

أ{بعة أيام كوالا ... فندق سنترال بودو

طرريقة التنقلات بين المدن :

* من سلانجور إلى لنكاوي ... طيران air asia والمسافة ( 50 دقيقة )

* من لنكاوي إلى بينانغ ... الطيران ( 40 دقيقة ) ... أو العبارة البحرية ( ثلاث ساعات )

* من بينانغ إلى الكاميرون ... التاكسي بسعر ( 400 رنقت ) والمسافة أربع ساعات ..

* من الكاميرون إلى كوالا ... تاكسي بسعر ( 400 رنقت ) والمسافة أربع ساعات أو باص ( يونيتيتي ) الفخم

ملاحظات :

* فندق إمباير صوبانج ( روووعة ... وأنيق ) وسعره مميز ... وهذا تقريري عنه

http://www.arabtravelersforum.com/travel498944/

* فندق ( سنترال بودو ) جديد ومميز ... وسعره رااائع ... وجدير بالزيارة ... وهذا تقرير عنه

http://www.arabtravelersforum.com/travel606338/

بيض الله وجهك والله كفوووو بالتفصيل مالك الا تلبسين يالمرام

عليكم السلام
مرحبا بمشرفتنا السابقة الاخت مرام حياالله اهلنا بالكويت
الفترة عندك 17 يوم ( 16 ليلة )
ملاحظة بسيطة : يتم احتساب حجز الفنادق بعدد الليالى و ليس الايام

سعر تذاكر الطيران الدولى على الاتحاد فلتة !!! حقيقة ما تفَوت !
بس اشك بيكون الترانزيت ساعة .. تأكدى اكثر .. اخر رحلتى الى ماليزيا كانت على الاتحاد .. يا سلام خدمة و تمًيز

انصحك بالابتعاد عن هذا المكتب السياحى لان عطاك اسعار قوية !!! فوق المعًدل بكثير !!
بعدين لا نعرف انواع الغرف و اطلالتها التى يفرق فى السعر مع الغرف التى بدون اطلالة
برامجك حلو بس اتمنى يصير عليه تعديل بسيط

ما قصر حبيبنا الغالى بوهلا ( وافى ) عطاك الفنادق المجربة و المميزة و لكن حبا لتنوع الاختيار
اقترح عليك :
2 ليلة سيلانجور فندق الصنواى لاقون تاور ( البراميد )

هذا رابط فندق الصنواى لاقون براميد تقريبا سعر الغرفة بريمير فى حدود 45 د.ك
http://www.booking.com/hotel/my/pyra...ml?aid=1329869

4 ليلة جزيرة لنكاوى فندق فور بوينت شيراتون الجديد ( مجدد )

3 ليلة جزيرة بينانج منتجع باى فيو ريسورت ( الباتوفرنجى )

2 ليلة مرتفعات الكاميرون فندق اكواترايال و 2 ليلة مرتفعات جنتق فندق فيرست وولد

4 ليلة كوالالمبور فندق دورست ريجنسى

1 ليلة بورت ديكسون منتجع قراند لكزس او منتجع افاليون ( بركة خاصة ) و ختام المسك !

اتمنى لكم رحلة سعيدة

ماقصروا الشباب أعطوك ملاحظاتهم
ليس لدي المزيد إلا أنني لا أتفق معك في إلغاء سلانقور
خاصة فندق صن وي بيرميد فهو يعتبر إفتتاحية رائعة لرحلة جميلة
بالنسبة للسكن يوجد خيارات رخيصة
لكن أهم شيء تكون نظيفة
وأرى أن الفنادق التي رشحها لك الأخ وافي هي الأنسب
احجزي فيها بدون تردد
وأبعدي عن المكاتب السياحية
المكتب السياحي يقول لك غرةف في الفندق الفلاني بكذا
من غير يوضح لا نوع الغرفة ولا إطلالتها
وهذي تفرق كثيررررر في السعر
في نفس الفندق لو شفتي في بوكنق تلاقين تفاوت كبير
بين غرفة وغرفة\فأي غرفة يقصد صاحب المكتب؟
خلي بالك

مع تمنياتي لكم برحلة سعيدة إن شاء الله

يعطيكم الف عافيه
ماقصرتوا

اليوم باشوف اذا حجزت لي بسعر قريب من بوكنج ادفع الفلوس كلها وارتاح
اقدر احجز من بوكنج بس ماعندي طابعه
واخاف اخربط بشي
اذا اسعارها مرتفعه حيل باحاول انا احجز واصور الصفحه من الموبايل

كلامك سليم أختنا الغالية ...

قارني بين المكتب وبوكنق ... وأحجزي من الأرخص ..

لكن من رأيئ ... مستحيل المكتب يكون أرخص من بوكينق

وطبعا في بوكينق يرسلون لك الحجز على الإيميل ... وأطبعيه من أي مكان

وأصلأ الطباعة ... ليست مهمة .. أهم شيء رقم الحجز ... يكفي

أذا بغيتي تحجزين من النت .. عطينا خبر ... ونبدأ سوا ... خطوة خطوة ... فندق فندق

نعطيكِ الروابط ... من بوكينق ... مباشرة ... وكل ماحجزنا فندق .. نروح للثاني .. وكذا

http://img842.imageshack.us/i/99300808.png/

Good Luck
------------------

المشاركة الأصلية كتبت بواسطة المغادرون 2007
http://www.arabtravelersforum.com/tr...7/#post7109467

Good Luck
------------------



for me ... is not it

http://img842.imageshack.us/i/99300808.png/

وافي يعطيك العافيه ماقصرت
انا تووني رديت شفت اسعار الفنادق اللي قلتوا عنها ب بوكنج
سيلانجور
صنواي لاقون بيراميد ب74 دينار ليلتين
لانكاوي
موتيارا 80 دينار 4 ليالي
بينانج
هيدرو 62 د ثلاث ليالي
فلامنجو 59 ثلاث ليالي
باي فيو 56 ثلاث ليالي
بارك رويال 95 ثلاث ليالي
شانجريلا 200 ثلاث ليالي
الكاميرون
اكواتريال 90 ثلاث ليالي
دي لي فرانس 67 ثلاث ليالي
كوالالمبور
دورست رجنسي 81 اربع ليالي من الموبايل

المشاركة الأصلية كتبت بواسطة وافي بزمن جافي
http://www.arabtravelersforum.com/tr...5/#post7109485

for me ... is not it

http://img842.imageshack.us/i/99300808.png/



It's for her

يا هلا ومرحبا ....

راح أعطيك أسماء الفنادق إللي حجزنا فيهن مع ملاحظات :

* سيلانجور
my home hotel sunway mentari
فندق صغير وبدون إفطار
رخيص فسعر الليلة للغرفة 13 ريال عماني بس
عيبه صغر الغرفة ( صغيره جدااا)
ميزته الواي فاي مجانا فالغرف وقريب من الصن واي
وهذي صورة من جوجل إيرث تبين موقعه وموقع الصن واي والبيراميد

الخط الأسود يبين مسارنا من الفندق إلى الصن واي والعكس

كنا نريد نحجز في البيراميد لكن ما حصلنا حجز للأسف

لا أنصح بالحجز في هالفندق وذلك بسبب صغر حجم الغرف
مفاجأة كانت لنا لكنها عدت بسرعه لأنهن ليلتين فقط في سيلانجور

* لنكاوي
Bella vista
نزلت عنه موضوع ... وعجبنا كثير

* كاميرون
Heritage
فندق حلوووووو ونظيف والغرف حلوة واسعة وموقعه حلووو
الافطار متنوع وفيه مكان مطل عالغابة
قريب من تاناراتا نروح للمطاعم والأسواق مشي بالأقدام
عكس الأكوتيريال إللي بعيد
الغرفة تقريبا ب 28 ريال عماني

* كوالالمبور
Furama
حجزنا فيه غرفة عائلية تتكون من غرفتين ودورتين للمياه مع صالة كبيرة
سعر الليلة للغرفة العائلية كان تقريبا 70 ريال عماني
فندق فخم وراقي والفطور متنوع وقريب جداااا من التايمز سكوير ومن فندق سينترال بودو

سيلانجور
صنواي لاقون بيراميد ب74 دينار ليلتين








لانكاوي
موتيارا 80 دينار 4 ليالي








بينانج
باي فيو 56 ثلاث ليالي








الكاميرون
دي لي فرانس 67 ثلاث ليالي








كوالالمبور
دورست رجنسي 81 اربع ليالي



دام الدعوة بالانجلش

توكلى على الله
go a head !

ههههههه
يعطيكم العافيه
وماقصرتوا من الموبايل

المشاركة الأصلية كتبت بواسطة المرام
http://www.arabtravelersforum.com/tr...3/#post7109453

يعطيكم الف عافيه
ماقصرتوا

اليوم باشوف اذا حجزت لي بسعر قريب من بوكنج ادفع الفلوس كلها وارتاح
اقدر احجز من بوكنج بس ماعندي طابعه
واخاف اخربط بشي
اذا اسعارها مرتفعه حيل باحاول انا احجز واصور الصفحه من الموبايل



أختي المرام

صح كلامج قارني السعر تبونه مع أفطار ولا بدون أفطار ومع ولا بدون ضرائب
في بوكينق و المكاتب
وتاخذون الأنسب
جذي طريقتي تخيلي
فندق سي فيلا زيلامسي
في بوكينق مع أفطار و ضرائب في 80 دينار
وبالمكتب طلع لي 88
الفرق 8 لزوم الراحة
ورحلة موفقة لنا جميعا ولجميع المسافرين

تسلم على مرورك من الموبايل

موفقه المرام

الشباب ما قصروا وبكل اللغات

تسلمين على مرورج الحلو من الموبايل