الموضوع: والله مرررة تعبت وراسي مصدع

السلام عليكم


أيها الأفضل احتاج اجابات لبعض الاستفسارات


اولا : ترتيب الأماكن السياحية في انترلاكن حسب قربها من بعض
ودي ازور + تتلس الشلالات / لوزيرن / مونترو / بحيرة بلو سي واوشن / ثون / الزحليقة الصيفية /
كومو الايطالية وارجع لانترلاكن ما ابجلس فيه بس زيارة بنفس اليوم

واذا فيه اي مكان اضافي تكفون رتبو معاي

ثانيا : طبعا لوزان بنجلس فيها يومين وين ممكن اروح

من وين ممكن ازور الغابات السوداء من جنيف والا انترلاكن والا لوزان
شلالا الرين من وين ازورها افضل من انترلاكن والا جنيف

ابجلس بانترلاكن خمسة ايام
وجنيف يومين قلت من جنيف ازور مصنع الشوكلاته والجبن


ثالثا : اريد احداثيات الفنادق التي حجزتها ما عرفت اطلع احداثياتها


جنيف رمادا

لوزان starling من بوكنج


انترلاكن : artos




وجزاكم الله خيرا

مواضيع عشوائيه ممكن تكون تعجبك اخترناها لك:

• مسآعدتكممم
• ساعدوني
• استفسار عن المواصلات من جنيف الي زيلامسي
• افيدوني اوروبا
• مخطط شهر العسل والسفره مابقى لها الا كم يوم محتاجكم حيل
• تخطيط لسفره أبي مساعدتكم
• سير رحلة ريفية
• هل يوجد مكاتب تاجير سيارات في انترلاكن
• من ينقذ حيرتي يا احبتي
• استفسار بخصوص النقاب والهاف فير
• رايكم بهذا الفندق في انترلاكن
• ياشباب انا متوهق في انترلاكن
• لا غنى عنكم بعد الله ممكن توجهاتكم
• ارجوا مساعدتي في ايجاد سكن لعائلتي في ديفون الله لا يهينكم
• استفسار عن ايطاليا سويسرا
• احتاج أهل الخبره المسافات تعبتني ؟
• أريد مسآعدتكم بخصوص مخطط رحلتي لسويسرآ
• محتارة انا وامي
• بخصوص السيارة رايكم يالربع
• بين ايطاليا وسويسره وجنوب فرنسا مساعده للبرنامج وفقكم الله

اخوي احس جدولك مو مرتب ..

يبغالك تجمع افكارك ولا تتوة نفسك مع كثرة التقارير والمعلومات الي في المنتديات ..

اذا سفرتكم ماهي قريبة ومنت مستعجل يبغالك وقت تقرا وتتعرف على المكان الي بتروح لة ..

الاطلاع والقراءة نصف المعرفة ..

واهم شي دوّن ملاحظاتك ب نوتة خاصة في هالرحلة ..

موفق اخوي ..


( سويسرا نبضي )

تستطيع معرفة الإحداثيات الخاصة بالفندق
بالإطلاع على رسالة تأكيد الحجز التي وردت على اميلك او من موقع بوكينق تجدها في آخر الصفحة

راح اعطيك اقتراح وانت تستطيع ان تجعله الخطوة الاولى وتعيد وتزيد عليه

من جنيف
1- مدينة انسي الفرنسيه 60 ك عن جنيف

ويوم خله لجنيف النافورة والحدييقه والاسواق

لوزان
1- من لوزان لمصنع الشوكلاته ومصنع الجبن وقلعة غرير اذا امكن
اليوم الثاني
رح لمنترو مع الاستمتاع بلوزان وبحيرتها

انترلكن
1- بلوسي + اوشن سي بالنسبه لي راح اخلي يوم كامل للاوشن سي

2- هاردركلم والخانق الكبير

3- قمة تتلس + لوزيرن

4- تروميل باخ + متحف بليرغ

5- قرية وينجن + قرية قريندلاوود

فيه شارع وسط انترلكن شف اي وقت فاضي فيه وتمش فيه مطاعم ومحلات

اخوي لم يسبق لي الذهاب والجدول المقترح من خلال قرائتي وطلبك للمسافات القصيرة فحبيت اعطيك اول الخيط وانت كمل على اللي يناسبك

شلالات الراين ع حسب ماسمعت انها بعيده اكثر من 200ك من انترلكن وساذهب اليها ان شاء الله لاني انوي الذهاب لستراسبورق
تحياتي يالغالي وهذا اللي عندي واعذرني على القصور واذا فيه اخطاء ياليت الاخوان يعدلون.

معليش اخووي صاحب الموضوع

حسب طلبك للاحداثيات، انت بتستأجر سيارة في سويسرا

تنصحني استأجر سيارة ؟

أخوي الموضوع مايستاهل تحميل النفس هم ,,
الموضوع سياحة وترويح عن النفس وخروج عن الروتين ،، مو من معايير نجاح الرحلة زيارة كل الأماكن التي انكتب عنها ولا حتى زيارة كل الأماكن اللي ودك بزيارتها ،، زيارة القدر الكافي بدون إرهاق وترك مجال للنفس تتوه شوي في أجمل بقاع الأرض تكفي لنجاح السفرة ,,
حسب كلامك ماحددت مطار الوصول والمغادرة لأنها تفيد كثير في تحديد تسلسل محطات الرحلة ،، ولاحددت مدة الرحلة ،، عشان تلاقي أحد ممكن يشاركك التخطيط أو يشور عليك ...
بس لاحظت إنك مخطط تسكن في جنيف وفي لوزان ،، وهذا أشوفه مو صح لأن الثنتين جنب بعض ,,
بالنسبة
للإحداثيات :
جنيف رمادا : فيه إثنين واحد عند الملعب والثاني ورا النوجا هلتون . حدد أيهم
starling لوزان : في بوكينج ماحصلت بس اذا هو بشارع جنيف هذي إحداثياته (n 46 31 17 8 e 006 37 44 0)
artos انترلكن : (n 46 41 07 0 e 007 52 01 4)
وبالتوفيق ،،،

اشكركم جميعا وما قصرتوا
أولا : مطار الوصول جنيف وكذلك المغادرة
انا ناوي اطلع من جنيف على طول لوزان واسكن فيها يومين ومنها ازور مونترو وقمة تتلس
في انترلاكن ناوي ازور ( يوم لشلالات تروميل باخ...........) ويوم البحيرتين ومعها ثون
يوم المطل
يوم لوزيرن ولوقانو كومو
شلالات الرين من أي المدن اقرب جنيف او انترلاكن أو لوزان انا مو رايح لزيورخ

شكرا رحلة الشتاء على الاحداثيات الله يجزاك خير

حياك أخوي ولاشكر على واجب ،،

قمة تتلس تروح لها من انترلكن ,, وشلالات الراين أقرب من انترلكن ،، بس حط ف بالك ترا يمقن تاخذ المشوار أكثر من ساعتين ون وي وكمان لوجانو وكومو تقريبا نفس المسافة والوقت أو زيادة شوي ..

إذا تبي رأيي دام الذهاب والعودة من جنيف تخلي برنامج لوزان وجنيف آخر الرحلة قبل السفر لأن المسافات بينهم بسيطة ،، أول ماتوصل جنيف اطلع دايركت على انترلكن وانتشر هناك بئه ..

بالتوفيق ..