الموضوع: محتارة انا وامي

السلام عليكم ورحمة الله

الله يعافيكم اول مره نسافر لسويسرا وابي مشورتكم في
جدول مقترح لسفرة لمدة 15 يوم او 20 يوم وش الافضل
وعلشان تختارون الاماكن والفعاليات المناسبة فاحنا 3 كبار انا وزوجي وامي الله يحفظها
وطفلين واحد عمره 7 سنوات والثاني 8


الله يوفقكم انا معتمده على الله ثم عليكم والله مانعرف شي ابد والله يجزاكم خير مشرفين واعضاء وصاحب هذا المنتدى


اليي ابيه /


1- عندي طفل لقيط عادي يسافر معانا والا بيسوون مشاكل الجوازات بالسعودية و بسويسرا ؟؟؟ والفنادق عادي والا تسبب مشكلة
انا عندي طفل لقيط عمره 7 وباخذ معاه ولد اخوي علشان يستانس وعمره 8 تتوقعون فيه بنواجه مشاكل بالجوازات والفنادق....؟؟؟؟؟
2- هل اللغة الانجليزية مهمة لا انا ولا زوجي نعرف تتوقعون بتمشي امورنا خصوصا اننا مفكرين نستاجر سيارة يعني وقت مانستاجر ونسلم بيصير مشاكل...؟؟
وش النصايح لما نستاجر سيارة .. لانه اول مره بحياتنا


3- كم الايام اللي تقترحون .؟؟ 15 والا 20 .. ميزانيتنا مو كبيرة ابد 40 الف بس هي بالتذاكر بس ممكن لو ماضبطت محاول نجيب خق التذاكر من غيرها
4- وش اقتراحاتكم على الاماكن اللي نروح لها ؟
بحيث تناسب الكبا ر واميتعبانة شوي وماتفدر تمشي كثير وتناسب الاطفال
يعني بنقسم الاوقات بشكل عادل بينا
افكر
جنبف
انسي
مونترو
لوزيرن
انترلاكن
وش رايكم مناسبة ؟؟
وكم يوم تستحق كل وحده؟؟


5- وش الانشطة والاماكن اللي تنصحون لكل ماذكرت اعلاه ؟؟
والاماكن اللي لازم كل من يسافر سويسرا يروح لها. مثلا كوخ هايدي
على فكرة انا وامب مانحب الاماكن المرتفعه ونخاف منها
6- وش الفنادق الزينة اللي تنصحون وتكون وسط عادي 3 نجوم


7- وش الاسواق الزينة .؟؟ وش نشنتري من سويسرا يعني تشتهر فيها ولازم نشتريه






ياليت اللي يدخل يفيدني لو بالاجابة على سؤال ولاتنسون من فرج على مؤمن فرج الله عليه بالدنيا والاخرة
والله يجزاكم خير

مواضيع عشوائيه ممكن تكون تعجبك اخترناها لك:

• شباب رايكم بالفندقين وكيف احجز قطار من جنيف لباريس والعكس وكيف اوصل لمحطة السكة
• اقتراحكم لبعض المناطق السويسرية يوم
• استفسار عاجل
• مخططين ايهما افضل ؟؟
• أصعب معادلة سويسرية كيف أجد سكن بمسبح خاص ؟ ؟؟
• أخوكم حاليا في أنتر لاكن أ لأستفسارات حاضر
• خاطري أسافر
• ما خاب من استشار
• اللي عنده خبره يفيدنا
• باقي ع سفرتنا اسبوع فقط الله يخليكم بحاجتكم ضروووري
• إلى كل من يريد الذهاب إلى سويسرا لاتنسى
• هذه رحلتي تخطيط رجل شرقي لصيف بالكامل
• مخططي لشهر العسل بليييز أبا رايكم
• رحلتي الصيفية إلى الأرياف السويسرية
• القطار في سويسرا
• الجو من الى أوغست
• استفسار عن الشنقل مساعده اللهم يرزقكم الخير يا رب في شهره الفضيل
• طيران الإمارات تطلق خدمتها اليومية الجديدة إلى جنيف يونيو المقبل
• مساعدة من اهل الخبرة
• وما زال العشق مستمرا رحلتي الاوربية ايطاليا سويسرا فرنسا

** بالنسبه للغه لاتشيلين همها ابدا ابدا ولا تخلينها العائق في السفر محدثك ميح في اللغه ولاكن الحمدلله يمدحون لغة الاشاره سافرت كذا مره والحمده واخرها السنه اللي راحت بسويسرا .

** ومن ناحية اجار السياره لازم أول شيئ تاخذون راحتكم بالروحات والجيات وماترتبطون بأحد متى ماطقة بروسكم شغلو وامشو عندك شركة سكست هذي اللي انا اتعامل معهم والحمدلله وعندك هيرتز وعندك يوروب كار . (( ويجب استخراج الرخصه الدوليه بحدود 100 الى 150 ريال يختلف من كتب لمكتب وبطاقة ائتمان فيزا او ماستركارد ))


** شو رائيك بالجدول هذا


جنيف يومين
لوزان يوم
انترلاكن 5 او 6 ايام
لوسيرن يومين
لوغانو يومين
ميلانو 3 ايام ومنها زيارة فنيسيا


**(( طبعاً يكون الوصول جنيف والعوده من ميلانو ))**


بعد المبيت بجنيف يومين الخروج من الفندق والذهاب الى مكتب اجار السياره واخذها والتوكل على الله الى لوزان وتسليمها في لوغانو او ميلان بس بلوغانو بتكون ارخص .
المدن هذي انا زرتها وانبسطة فيها الحمدلله هذا بفضل من الله سبحانه واعضاء هالمنتدى الغالي اللي اتمنى لهم كل خير


** الاماكن اللي بانترلاكن واللي ببالي حالياً : 1- مصنع الشوكلاته ((نستله)) 2- التلفريك المكشوف 3- بحيرة البلاوسي 4- شلالات جس باخ 5- شلالات الراين 6- قمة يونفرويوخ 7- شلال رخن باخ 8- شلال تروميل باخ 9- وسط مدينة انترلاكن .




** من ناحية الفنادق يفضل انك انتي اللي تدورين فيها لان فيها الزين والشين فيه ناس يعجبهم الموقع بس غالي وفيه ناس تهتم بالنظافه تختلف وناس تحب الهدوء .





واما من ناحية اللقيط والله ماعندي اي خلفيه وان شاء الله يفيدونك الاخوان ومايقصرون


وان شاء الله ما اكون قصرت معاك وافدتك ببعض المعلومات


ويمكن الرجوع لبعض تقارير الاخوان والاستفاده اكثر لان فيه اماكن كثيره وكلن وذوقه
واي استفسار اخر انا حاضر

وعليكم السلام ورحمة الله بوركاته ::


بالنسبة لموضوع الصغار اللي معاكم ..مع اختلاف اساميهم بالجواز عنكم ...الرجاء الذهاب الى السفارة او الاتصال عليهم لأخذ المعلومات الاكيدة .
بالاضافة الى الاستفسار عن الموضوع عند الجوازات السعودية .




وبالتوفيق

بالنسبة لمجهولي الابوين

مو اكيد راح تستخرجون لهم شنقن ؟؟
وقتها راح تقدمون اوراقهم الثبوتية (بطاقة احوال وجواز سفر)

هل عنده بطاقة احوال وجواز سفر؟

جمعية الوداد تحت رعاية المهندس حسين بحري لهم دور فعال فيما يخص مجهولي الابوين واستخراج اوراقهم الثبوتية

لانهم مثلنا تماما لهم الحق بالعيش والاستمتاع بالحياة اللهم أن ظروفهم غير و التي لا ذنب لهم فيها

ما اعرف اذا انا فهمت استفسارك صح