الموضوع: استفسار لبنات الكويت الذويقات

السلام عليكم ..


كيف حالكم جميعا ..~


حبيت استفسر انا جاية لكم الاسبوع الجاي ان شالله ع الكويت .. ولاول مرا

بالنسبة للاسواق الي فيها ماركات غير موجودة بالرياض وش المميز عندكم ..

وبالنسبة للاسواق الشعبية الي الاقي فيها جلابيات الميني ووالاشياء التراثية

اروح للعربيد ولا الصفاة الي جنب البلوكات وحدة هنا مدحتة ..

لاني جاية وابي اشوف اشياء كويتية مميزة صراحة ..


اتمنى مسساعدتكم ياذوويقات ..

مواضيع عشوائيه ممكن تكون تعجبك اخترناها لك:

• متى تبدأ التخفيضات في المجمعات
• فيزا للشغاله ؟
• أين تخرج مع عائلتك؟ موضوع للنقاش
• صور شامله فندق ومنتجع جميرا المسيله الكويت
• كويتمهرجاناتفنادقشوارعمطاعم
• سؤال مهم عن مجمع الكوت التجاري
• كويت العرب اتمنى ان ازروك
• الذكرى الخمسون لدستور الكويت
• صور لأشهر المجمعات والأسواق بالكويت
• اماكن ومطاعم رائعة في الكويت
• من يعرف عمارة العربيد بالكويت
• سؤال هام وعاجل اشكركم للتجاوب
• يخــــــوت الكـــــــوت
• الحدائق و الألعاب المائية في الكويت صور معلومات
• الحدود الكويتيه
• تأجير سيارة
• مطعم سفن سييز اللي فوق برج الحمام
• وين احصلهم؟؟؟؟؟؟؟؟
• زيارتي لدوله الكويت الحبيبه بتاريخ
• أهـل الكويت ارجوااا المساعـده

و عليكم السلام و لرحمة الله و بركاته

حياكم الله ... ما اعرف شنو اللي مو موجود في الرياض و موجود عندنا .. عمري ما زرت الرياض ! بس بالنسبة للماركات اللي اعرفة ان كل شي عندكم اسم الله عليكم ..

روحوا الصفاة اقرب .. و شغلهم ارتب و احلى .. و المكان نوعا ما انظف الخياطين اللي فوق عندهم دراعات ميني و بلوزات طويلة جاهزة .. و ممكن بعضهم يفصلون لكم .. بس اتوقع قبل العيد صعب يفصلون عليهم ضغط .. اقصد ما يخلصونها قبل العيد ..

توصلون بالسلامة ان شاء الله

انا مستغربه تري الدراعه الميني مثلها مثل الدراعه العاديه بس انتي قولي له خل يخليها لج ميني

مره رايحه مع صديقتي العربيد من سنه تقريبا واخترنا دراعات ميني روعه تهبل وكلهم كانوا دراعات طويله بس شويه ذوق مع اختيار الوان حلوه راقيه بتصير اروع منها ماكو اذا فيها شغل وايد دفاشه قولي له شيل الحوسه اللي بالدراعه تحت وخل يقصرها علي حسب طولج صديقني بتطلع احلا من اي دراعه ثانيه

جربي العربيد لانه الاسرع في الوقت هذا خصوصا وايد زحمه ولود علي الخياطين
بالنسبه لي انا عندي كذا صديقه بالدوام اهما يصممون لي الدراعات واختار منهم كل فتره كذا دراعه بشوف اذا اقدر اخذ ارقامهم واطرشهم لكم بس الاسعار غاليه للبنات الكويتيات يعني فوق 70 دينار الدراعه تطلع بس شغل مميز

مشكورين ع الرد والمساعدة ..

اختي شجن ياليت الارقام اكون شاكرة لك

واذا فية بوتيكات لـ مصممات كويتيات يبيعون جاهز اشياء حلوة ياليت تخبروني وين ..

وانا محتارة بشي ياليت مساعدتكم يابنوتات ..

بالنسبة للاسواق احترت من كثرها عندكم وين اروح خصوصا رحلتي خمس ايام بس ..

قررت اروح للصفاة والعربيد والمباركية واللمعلم

عندج مشغل انسام الخلف بالجابريه عند الجسر اللي يوديج السره ،، وعندج اتيلية زوغة على شارع البلاجات في السالمية ، محل رومانس في مجمع البستان بالسالمية ، وبيت ديمة ودار يوشا في منطقة جبلة من خلف الكنيسة ، والمعارض في بينت ديفا والسدره والخ يم المشتفى الاميري منطقة شرق ،

وان شاء الله يعجبونج

روحي محل ببونه للدراعات موجود بمجمع المثنى وموجود بجمعيه الشاميه فوق

وعندج محل هيفا في جمعيه قرطبه فوق دراربعهم حلوه

وعندج المعارض اللي قبال مستشفى الاميري ديفا وكاريزما واللي يمهم كلهم دراريع قصار حلوين